Դանիել Ավրամովսկի

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Դանիել Ավրամովսկի
EuroU21 2017 Daniel Avramovski.jpg
Քաղաքացիությունը Flag of North Macedonia.svg Հյուսիսային Մակեդոնիա
Ծննդյան ամսաթիվ փետրվարի 20, 1995(1995-02-20)[1] (27 տարեկան)
Ծննդավայր Սկոպիե, Հյուսիսային Մակեդոնիա
Հասակ 184 սանտիմետր
Դիրք Կիսապաշտպան

Դանիել Ավրամովսկին (ռուս.՝ Даниел Аврамовски, փետրվարի 20, 1995(1995-02-20)[1], Սկոպիե, Հյուսիսային Մակեդոնիա), մակեդոնացի ֆուտբոլիստ, «Կայսերիսպոր» ակումբի և Հյուսիսային Մակեդոնիայի ֆուտբոլի ազգային հավաքականի կիսապաշտպան։

Ակումբային կարիերա[խմբագրել | խմբագրել կոդը]

Դանիելը «Ռաբոտնիչկիի» կազմում նորամուտը նշել է 2011 թվականին 28-ին՝ «Սիլեքսի» հետ խաղում»[2]։ 2011-2012 թվակաների մրցաշրջանում Ավրամովսկին մասնակցել է առաջնության 7 հանդիպման։ 2011 թվականի հուլիսի 21-ին կիսապաշտպանը եվրագավաթներում անցկացրել է իր առաջին հանդիպումը՝ փոխարինման դուրս գալով 2011-2012 թվականների ՈՒԵՖԱ-ի Եվրոպայի լիգայի Սան Մարինոյի «Յուվենես Դողանա» ակումբի դեմ խաղում[3]։ 2012 թվականի փետրվարին Դանիելը հրավիրվել էր տասնօրյա փորձաշրջան անգլիական «Լիվերպուլ»–ում [4]։

2012 թվականին ամռանը ֆուտբոլիստը մեկ տարով վարձակալությամբ է տրվել «Մակեդոնիա» թիմին։ Չնայած նրան, որ նրա թիմը մրցաշրջանի արդյունքներով զբաղեցրել է 10-րդ տեղը և դուրս է մնացել Մակեդոնիայի բարձրագույն ֆուտբոլային դիվիզիոնից, Դանիելը բավականին հաջող է հանդես եկել, անցկացրել է 29 հանդիպում և իր վրա է գրավել ավելի մեծ ակումբների ուշադրությունը։

2014 թվականի հուլիսին մակեդոնացին երեք տարվա պայմանագիր է կնքել «Ցրվենա Զվեզդայի» հետ[5]։ 2014 թվականի օգոստոսի 30-ին Ավրամովսկին նորամուտը նշել է նոր ակումբում։ «Սուբոտիցայի Սպարտակ Զլատիբոր Վոդա Սպարտակի» հետ խաղում փոխարինման դուրս գալով՝ Դանիելն արդեն 10 րոպե անց աչքի է ընկել խաղում հաղթական դարձած գոլով[6]։

2015 թվականի ամռանը Ավրամովսկին մեկ տարի ժամկետով վարձակալության է տրվել Բելգրադի ՕՖԿ ակումբին[7]։

Կորոնավիրուսի պանդեմիայի պատճառով ընդհատված 2019-2020 մրցաշրջանում Դանիելը հանդես է եկել «Վարդարում» և 11 գոլով դարձել Մակեդոնիայի առաջնության լավագույն ռմբարկու։

Կարիերա հավաքականում[խմբագրել | խմբագրել կոդը]

Ավրամովսկին հանդես է եկել Մակեդոնիայի Հանրապետության պատանեկան և երիտասարդական հավաքականների կազմում։ 2014 թվականի հունիսի 18-ին Դանիելը նորամուտն է նշել Մակեդոնիայի ազգային հավաքականի կազմում՝ Չինաստանի ազգային հավաքականի հետ ընկերական խաղում[8]։ 2014 թվականին խաղացել է երկու հանդիպում, որից հետո հինգ տարի հանդես չի եկել հավաքականում։ Կազմ է վերադարձել 2005-2017 թվականերին։

Ծանոթագրություններ[խմբագրել | խմբագրել կոդը]