Դագ. Հատուկ առաքելություն

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Դագ. Հատուկ առաքելություն
անգլ.՝ Dug's Special Mission
Տեսակկարճամետրաժ մուլտիպլիկացիոն ֆիլմ
ՌեժիսորRonnie del Carmen?
ՍցենարիստRonnie del Carmen? և Բոբ Փիթերսոն
ՀնչյունավորումԷդ Ասներ, Jordan Nagai?, Դելրոյ Լինդո և Բոբ Փիթերսոն
ՊրոդյուսերGalyn Susman?
ԵրաժշտությունՄիշել Գիաչինո
ԽմբագիրSteve Bloom?
ԵրկիրFlag of the United States.svg ԱՄՆ
Լեզուանգլերեն
ԸնկերությունՊիքսար և Walt Disney Pictures
ԴիստրիբյուտորBuena Vista Home Entertainment
Տևողություն5 րոպե
Թվականնոյեմբերի 10, 2009
pixar.com/short_films/Home-Entertainment-Shorts/Dug's-Special-Mission

«Դագ. Հատուկ առաքելություն» (անգլ.՝ Dug's Special Mission), Pixar ընկերության կարճամետրաժ անիմացիոն ֆիլմ, որի ռեժիսորն է Ռոնի դել Կարմենը: Մուլտֆիլմի պրեմիերան կայացել է 2009 թվականին: Այն դարձել է Pixar ընկերության «Վեր»[1] լիամետրաժ մուլտֆիլմի սկավառակի հավելում և պատմել է մուլտֆիլմի հերոսներից մեկի՝ Դագի կյանքի դրվագներից մեկի մասին։

Pixar ստուդիայի «Վեր»[2] ֆիլմի պրոդյուսեր Ջոնաս Ռիվերայի խոսքերով, Դագի հատուկ առաքելությունը «մի փոքր նախապատմություն է, թե ինչ էր իրականում անում Դագը այս խորհրդավոր առաքելության մեջ, երբ մենք հանդիպում ենք նրան»: Մի խոսքով, երբ Ալֆան, Բետան և Գամման հանձնարարում են Դագին բռնել թռչունին, նրանց հրահանգները իրականում նախատեսված էին Դագին իրենցից հեռու պահելու համար:

Սյուժե[խմբագրել | խմբագրել կոդը]

Դագի ծննդյան օրն էր: Նա երազում էր, որ դա իր կյանքի ամենաերջանիկ օրը լինի: Դագը ուսումնասիրում է ծաղիկները և այդ պահին մյուս երեք շները (Ալֆան, Բետան, Գամման) անցնում են կողքով՝ փորձելով բռնել թռչունին։ Դագը ցանկանում է ինչ-որ բանով օգնել նրանց և Ալֆան նրան «հատուկ առաքելություն» է հանձնարարում: Առաքելությունն էր հսկել հսկայական քարը, որպեսզի նա տեղից չշարժվի։ Պարզ էր, որ դա ընդամենը պատրվակ էր իրենց խանգարող Դագին զբաղեցնելու համար, բայց Դագը մոտենում է առաքելությանը շատ լուրջ. նա հետևում է քարին, սակայն պատահական դիպչում է մի փոքրիկ քարի, որի պատճառով հսկայական քարերը սկսում են թափվել և գրեթե սպանում են Ալֆային, Բետային և Գամմային։

Այնուհետև երեք շները նրան նոր հանձնարարություն են տալիս: Այս անգամ Դագին հանձնարարված էր հետևել թռչնի սիրելի անցքին, բայց դա նույնպես նրա մոտ չի ստացվում: Դագը սորուն ավազների պատճառով ընկնում է շների գլխին:

Ամեն ինչ շարունակվում է նույն ձևով: Որքան էլ Ալֆան պարզ կամ անիմաստ առաջադրանք է տալիս Դագին, պատահականության կամքով ամեն ինչ փչացնում է: Ի վերջո, Ալֆայի համբերությունը սպառվում է և նա Դագին ասում է այն ամենը, ինչ մտածում է նրա մասին, մասնավորապես, որ նա վատ շուն է: Նեղացած Դագը հեռանում է՝ կրկնելով, որ դա իր կյանքի ամենավատ ծննդյան օրն է։

Սակայն մուլտֆիլմը լավ է ավարտվում: Դագը հանդիպում է իր նոր տերերին՝ Կառլին ու Ռասսելին, ովքեր էլ հանդիսանում են «Վեր» մուլտֆիլմի գլխավոր հերոսները։

Դերերը հնչյունավորել են[խմբագրել | խմբագրել կոդը]

  • Բոբ Փիթերսոն՝ Դագ, Ալֆա
  • Դելրոյ Լինդո՝ Բետա
  • Ջերամի Ռենֆթ՝ Գամմա
  • Էդվարդ Անսեռ՝ Կառլ Ֆրեդրիքսեն
  • Ջորդան Նագաի՝ Ռասսել

Ծանոթագրություններ[խմբագրել | խմբագրել կոդը]

  1. Sciretta Peter (օգոստոսի 10, 2009)։ «Pixar’s Up and Monsters Inc DVD/Blu-Ray Releases Announced»։ SlashFilm։ Վերցված է օգոստոսի 31, 2012 
  2. «Up's companion short films are revealed»։ SciFi Wire։ 2009-05-26։ Վերցված է 2009-05-27  (չաշխատող հղում)

Արտաքին հղումներ[խմբագրել | խմբագրել կոդը]