Գուրգեն Սարյան

Գուրգեն Սարյան; Գուրգեն Մկրտչի Սարգսյան
Ծնվել է	1904 նոյեմբերի 7
Վախճանվել է	ապրիլի 30, 1974 (տարիքը 69)
Վախճանի վայր	Երևան
Մասնագիտություն	թարգմանիչ
Ազգություն	հայ
Կրթություն	Երևանի պետական համալսարան
Անդամակցություն	ԽՍՀՄ Գրողների միություն
Կուսակցություն	ԽՄԿԿ
	Գուրգեն Սարյան Վիքիդարանում

Գուրգեն Սարյան (Գուրգեն Մկրտչի Սարգսյան, նոյեմբերի 7, 1904(1904-11-07) - ապրիլի 30, 1974(1974-04-30), Երևան, Հայկական ԽՍՀ, ԽՍՀՄ), հայ լրագրող, թարգմանիչ, ԽՍՀՄ գրողների միության անդամ 1950 թվականից։ ԽՄԿԿ անդամ 1940 թվականից։

Կենսագրություն[խմբագրել | խմբագրել կոդը]

Ծնվել է Ագուլիսում։ 1927 թվականին ավարտել է Երևանի պետական համալսարանը։ Այդ թվականից էլ սկսել է լրագրողական գործունեությունը։ Եղել է կոմերիտմիության Անդրերկկոմի «Մոլոդոյ ռաբոչի» թերթի թղթակից։ 1938-1955 թվականներին աշխատել է «Սովետական Հայաստան» օրաթերթում որպես բաժնի վարիչ և պատասխանատու քարտուղար, 1955-1970 թվականներին՝ «Սովետական Հայաստան» ամսագրի պատասխանատու քարտուղար^[1]։

Մահացել է 1974 թվականին Երևանում։ Թաղված է Թոխմախի գերեզմանատանը^[2]։

Ստեղծագործություններ[խմբագրել | խմբագրել կոդը]

Գուրգեն Սարյանի գրչին են պատկանում «Ձմռան մի երեկո...», «Նրա սերը» պատմվածքները, մի քանի պիեսներ ու մի շարք բանաստեղծություններ։

Կատարած թարգմանությունները (ռուսերենից)[խմբագրել | խմբագրել կոդը]

Չելյուշկին (ակնարկ Չելյուշկինի արշավախմբի մասին), Երևան, Պետհրատ, 1935, 19 էջ։
Ալեքսանդր Բեկ, Պանֆիլովականները առաջին բնագծում, Երևան, Հայպետհրատ, 1950, 310 էջ։
Ժան Գրիվա, Պատմվածքներ Իսպանիայի մասին, Երևան, Հայպետհրատ, 1952, 148 էջ։
Վսեվոլոդ Վիշնևսկի, Անմոռանալի 1919 թվականը (պիես), Երևան, Հայպետհրատ, 1953, 116 էջ։
Նիկոլայ Օստրովսկի, Նյութերի ժողովածու (մի մասը թարգմանել է Գ. Սարյանը), Երևան, Հայպետհրատ, 1955, 326 էջ։
Հաջի-Մուրադ Մուգուև, Դեպի Տիգրիսի ափերը (վիպակ), Երևան, Հայպետհրատ, 1956, 276 էջ։

Աղբյուրներ[խմբագրել | խմբագրել կոդը]

↑ Հայկ Խաչատրյան (1981). Գրական տեղեկատու. Երևան: «Սովետական գրող». էջ էջ 406.
↑ «The memorial of Sargsyan (Saryan) Gurgen (Գուրգեն Սարգսյան (Սարյան) Մկրտչի) buried at Yerevan's Tokhmakh cemetery». hush.am (անգլերեն). Վերցված է 2019 թ․ փետրվարի 27-ին.

Վիքիդարանն ունի նյութեր, որոնք վերաբերում են «Գուրգեն Սարյան» հոդվածին։

[1] Հայկ Խաչատրյան (1981). Գրական տեղեկատու. Երևան: «Սովետական գրող». էջ էջ 406.

[2] «The memorial of Sargsyan (Saryan) Gurgen (Գուրգեն Սարգսյան (Սարյան) Մկրտչի) buried at Yerevan's Tokhmakh cemetery». hush.am (անգլերեն). Վերցված է 2019 թ․ փետրվարի 27-ին.

[1]

[2]