Գևորգ Պետրոսյան (դերասան)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Գևորգ Պետրոսյան (այլ կիրառումներ)
Գևորգ Պետրոսյան
Ծնվել էնոյեմբերի 11, 1859(1859-11-11)
ԾննդավայրՈրդուար, Երևանի նահանգ, Ռուսական կայսրություն
Մահացել էհոկտեմբերի 28, 1906(1906-10-28) (46 տարեկանում)
Մահվան վայրՆոր Նախիջևան, Q4398509?, Դոնի զորքի մարզ, Ռուսական կայսրություն
Ազգությունհայ
Մասնագիտությունդերասան և դրամատուրգ

Գևորգ Հովսեփի Պետրոսյան (Գևորգ Տեր-Պետրոսյան, նոյեմբերի 11, 1859(1859-11-11), Որդուար, Երևանի նահանգ, Ռուսական կայսրություն - հոկտեմբերի 28, 1906(1906-10-28), Նոր Նախիջևան, Q4398509?, Դոնի զորքի մարզ, Ռուսական կայսրություն), հայ դերասան, բեմադրիչ:

Դերասան, բեմադրիչ Քրիստափոր Պետրոսյանի եղբայրը[1]:

Կենսագրություն[խմբագրել | խմբագրել կոդը]

Գևորգ Պետրոսյանը ծնվել է Օրդուբադում: Սովորել է Մոսկվայի Լազարյան ճեմարանում: 1881-1882 թվականներին հանդես է եկել Թիֆլիսի թատերական կոմիտեի դերասանական մշտական խմբում՝ Օրդուբադյան բեմական ազգանունով[1]: Առաջին անգամ խաղացել է Զաքարե Իշխանի դերը «Ռուզան» (ըստ Մուրացանի) ներկայացման մեջ, եղել է Պետրոս Ադամյանի խաղընկերը: 1883 թվականին ընդունվել է Պետերբուրգի տեխնոլոգիական ինստիտուտ: Մինչև 1890 թվականը հանդես է եկել ուսանողական ինքնագործ խմբերում, միաժամանակ աշխատել տեղի և Մոսկվայի ռուսական թատրոններում[1]: Պետրոսյանի ջանքերով 1891 թվականին Թիֆլիսում կազմակերպվել է մշտական թատերախումբ, որի կազմում են եղել Հովհաննես Աբելյանը, Գևորգ Տեր-Դավթյանը, Արամ Վրույրը, Պողոս Արաքսյանը, Սաթենիկ Չմշկյանը, Զաբելը, Արշակ Հարությունյանը և ուրիշներ: 1891 թվականին մեկնել է Կոստանդնուպոլիս: Սիրանույշին, Դավիթ Թրյանցին, Արմեն Արմենյանին հրավիրել է Թիֆլիս: 1897-1905 թվականներին ակտիվ թատերական գործունեություն է ծավալել Բաքվի ու Թիֆլիսի թատերախմբերում, 1901-1905 թվականներին Հովհաննես Աբելյանի հետ ղեկավարել է Թիֆլիսի մշտական գործող թատերախումբը[2]: Հայկական թատերարվեստը լայն զանգվածներին ներկայացնելու համար միայնակ և խմբերով հանդես է եկել հայաշատ քաղաքներում, նպաստել է ազգային թատերական մշակույթի առաջընթացին[1][3]:

Բեմադրություններ[խմբագրել | խմբագրել կոդը]

Ներկայացումներ[խմբագրել | խմբագրել կոդը]

Գևորգ Պետրոսյանի դերակատարումներն աչքի են ընկել կերպարի մանրակրկիտ ուսումնասիրությամբ: Խաղացել է դրամատիկական, ողբերգական և բնութագրական դերեր:

  • Քաղաքագլուխ՝ Նիկոլայ Գոգոլի «Ռևիզոր»
  • Արբենին՝ Միխայիլ Լերմոնտովի «Դիմակահանդես»
  • Անանիա Գլախա՝ Յուժին-Սումբատովի «Դավաճանություն»
  • Օգսեն՝ Հակոբ Պարոնյանի «Պաղտասար աղբար»
  • Պեպո՝ Գաբրիել Սունդուկյանի «Պեպո»
  • Միլլեր՝ Շիլլերի «Սեր և խարդավանք»
  • Օթելլո՝ Ուիլյամ Շեքսպիրի «Օթելլո»
  • Պետրուչչո՝ «Անսանձ կնոջ սանձահարումը»
  • Լիր արքա՝ «Լիր արքա»
  • Շայլոկ՝ «Վենետիկի վաճառականը»

Մահ[խմբագրել | խմբագրել կոդը]

Մահացել է Նոր Նախիջևանում (այժմ՝ Դոնի Ռոստով): Թաղվել է Թիֆլիսի Խոջիվանքի գերեզմանատանը[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Գևորգ Պետրոսյանի կենսագրությունը avproduction.am կայքում
  2. «Գ. Սունդուկյանի անվան ազգային ակադեմիական թատրոն»։ www.nationaltheater.am։ Վերցված է 2017-04-03 
  3. Saratikyan Shushan։ «Մեծանուն Հայեր»։ www.haymard.am (հայերեն)։ Վերցված է 2017-04-03