Գևորգ Մադոյան (հայագետ)
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Անվան այլ կիրառումների համար տե՛ս՝ Գևորգ Մադոյան (այլ կիրառումներ)
Գևորգ Մադոյան | |
---|---|
Ծնվել է | օգոստոսի 6, 1969 (54 տարեկան) Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Մասնագիտություն | հայագետ և համալսարանի դասախոս |
Հաստատություն(ներ) | Երևանի պետական համալսարան, Հայ-Ռուսական համալսարան, Սևանի Վազգենյան դպրանոց, Գևորգյան Հոգևոր Ճեմարան և Էջմիածին |
Ալմա մատեր | ԵՊՀ հայ բանասիրության ֆակուլտետ (1993) |
Կոչում | բանասիրական գիտությունների թեկնածու |
Հայր | Արշակ Մադոյան |
Գևորգ Արշակի Մադոյան (օգոստոսի 6, 1969, Երևան, Հայկական ԽՍՀ, ԽՍՀՄ), հայագետ։
Կենսագրություն[խմբագրել | խմբագրել կոդը]
Ծնվել է Երևանում, տոհմիկ մտավորականի ընտանիքում (Արշակ Մադոյանի որդին է, Գևորգ Մադոյանի թոռը, Արշակ Մադոյանի (Սեյլան) ծոռը)։ 1987 թվականին ավարտել է Երևանի 139 անգլիական թեքումով դպրոցը և ընդունվել Երևանի պետական համալսարանի բանասիրական ֆակուլտետը։ Մեկ տարի անց զորակոչվել է բանակ։ Զորացրվելուց հետո շարունակել և 1993 թվականին ավարտել է ուսումը։
Նույն թվականի սկզբից աշխատանքի է անցել ԵՊՀ Հայագիտական կենտրոնում, ուր աշխատել է մինչև 1999 թ.։ 1997 թվականին պաշտպանել է թեզ՝ Գրիգոր Անավարզեցին շարականագիր թեմայով, ստացել բանասիրական գիտությունների թեկնածուի գիտական աստիճան։ 1998-1999 թթ. հայ գրականության պատմություն է դասավանդել Երուսաղեմի սրբոց Հակոբյանց միաբանության վարժարանում։ 1999 թ. հիմնադրել և մինչև 2003 թվականը ղեկավարել է Ռուս-Հայկական համալսարանի հայագիտության ամբիոնը։ 2003 թվականից հայ գրականության պատմություն է ավանդել Սևանի Վազգենյան հոգևոր դպրանոցում։ 2013-2016 թթ. եղել է Գևորգյան հոգևոր ճեմարանի ուսումնական գծով փոխտեսուչ, 2016-2018 թթ. Մայր Աթոռ Սուրբ Էջմիածնի հրատարակչության գլխավոր խմբագիր, 2018-ից «Էջմիածին» կրոնագիտական և հայագիտական պարբերականի գլխավոր խմբագիրն է։
Ութ գրքի և մոտ հիսուն հոդվածների հեղինակ է։ Արշակ Մադոյանի հետ համատեղ գրաբարից թարգմանել է Գրիգոր Լուսավորչին նվիրված ներբողյաններ, շարականներ, սրբախոսական ժանրի երկեր ևն։