Գևորգ Դանագուլյան

Վիքիպեդիայից՝ ազատ հանրագիտարանից
Jump to navigation Jump to search
Picto Info sciences exactes.png
Գևորգ Դանագուլյան
Ծնվել է մարտի 10, 1951(1951-03-10) (67 տարեկան)
Նոր Բայազետ
Քաղաքացիություն Հայկական ԽՍՀ
Flag of Armenia.svg Հայաստան
Ազգություն հայ
Մասնագիտություն քիմիկոս
Հաստատություն(ներ) Նուրբ օրգանական քիմիայի ինստիտուտ, Հայ-ռուսական համալսարան և Հայաստանի քիմիական հանդես
Ալմա մատեր Երևանի պետական համալսարան
Գիտական աստիճան քիմիական գիտությունների դոկտոր

Գևորգ Հրաչի Դանագուլյան (մարտի 10, 1951(1951-03-10), Նոր Բայազետ), հայ քիմիկոս-օրգանիկ: Քիմիական գիտությունների դոկտոր (2000), ՀՀ ԳԱԱ թղթակից անդամ (2010)[1]:

Կենսագրություն[խմբագրել | խմբագրել կոդը]

Գևորգ Դանագուլյանը ծնվել է 1951 թվականին Գավառ քաղաքում: 1973 թվականին ավարտել է Երևանի պետական համալսարանի քիմիական ֆակուլտետը: 1977-1982 թվականներին աշխատել է ՀՀ ԳԱԱ Նուրբ օրգանական քիմիայի ինստիտուտում, 1982-2000 թվականներին՝ ԵՊՏԻ բնական գիտությունների ամբիոնում, 2001 թվականից եղել է ՕԴՔ ԳՏԿ Օրգանական քիմիայի ինստիտուտի ազոտային հետերոցիկլերի լաբորատորիայի վարիչ, 2005 թվականից՝ Հայ-ռուսական (սլավոնական) համալսարանի բժշկա-կենսաբանական ֆակուլտետի պրոֆեսոր: «Հայաստանի քիմիական հանդես» ամսագրի պատասխանատու խմբագիր[2], «Գիտության աշխարհում» հանդեսի խմբագիր[3]:

Աշխատանքները վերաբերում են պիրիմիդինային միացությունների նոր նուկլեոֆիլ վերախմբավորումներին, կենսաբանական ակտիվ նյութերի սինթեզին: Մշակել է պիրիդինի սինթեզի նոր եղանակ:

Պարգևներ[խմբագրել | խմբագրել կոդը]

2010 թվականին հետերոցիկլիկ միացությունների քիմիայի բնագավառում նվաճումների և ներդրման համար ՌԴ Մենդելեևյան ընկերության «Գիտական համագործակցություն» միջազգային գիտական հիմնադրամի և Մոսկվայի պետական համալսարանի կողմից արժանացել է դիպլոմի և «Ոսկե նշանի»:

Ծանոթագրություններ[խմբագրել | խմբագրել կոդը]

  1. Armenia National Academy of Sciences of։ «National Academy of Sciences of Armenia»։ www.sci.am։ Վերցված է 2017-02-15 
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  3. ««Գիտության աշխարհում» հանդես - ISEC»։ www.isec.am։ Վերցված է 2017-02-15