Ջորջ Քեննեթ Քեն Գրիֆֆի Կրտսեր (անգլ.՝ George Kenneth "Ken" Griffey, Jr., նոյեմբերի 21, 1969(1969-11-21)[1][2], Donora, Վաշինգտոն շրջան, Փենսիլվանիա, ԱՄՆ[2]), ամերիկացի պրոֆեսիոնալ բեյսբոլիստ, ով որպես աութֆիլդեր բեյսբոլի գլխավոր լիգայում խաղացել է 22 մրցաշրջան։ Պրոֆեսիոնալ կարիերայի մեծ մասը նա անցկացրել է «Սիեթլ Մարիներս» և «Ցինցինատի Ռեդս» ակումբներում, ինչպես նաև որոշ ժամանակ՝ «Չիկագո Ուայթ Սոքսում»։ MLB բոլոր աստղերի հանդիպումների 13-ակի մասնակից, Գրիֆֆինը համարվում է բեյսբոլի պատմության մեջ լավագույն «հոմ-րան»-երից մեկը։ Իր կարիերայի ընթացքում նա 630 հոմ-րան է խփել, ինչը MLB պատմության մեջ հանդիսանում է վեցերորդ ցուցանիշը։ Գրիֆֆին նաև լավ պաշտպան էր և հաղթել է 10 Գոլդեն գլուվ մրցանակ՝ ցենտրֆիլդերի շրջանում։ Նա կիսում է MLB ռեկորդը անընդմեջ անցկացրած խաղերի քանակով, որոնցում խփել է հոմ-րան[5]։
Գրիֆֆին շահավետ գործարքներ է կնքել այնպիսի աշխարհահռչակ ընկերությունների հետ, ինչպիսիք են Նայքը և Նինթենդոն։ նրա ժողովրդականությունը լավ է ազդել MLB-ի վրա[6][7]։
Ներկայումս Գրիֆֆին որպես հատուկ խորհրդատու աշխատում է Սիեթլ Մարիներսի կազմում։ 2013 թվակիանի օգոստոսի 10-ին Գրիֆֆին դարձավ յոթերորդ մարդը, ով ընդգրկվեց Մարիներսի «Փառքի սրահում»։ Կենը հանդիսանում է MLB-ի նախկին խաղացող Կեն Գրիֆֆի ավագի որդին։