Գրիգոր Գյուլբենկյան
 | |
|---|---|
 | |
| Մահվան պատճառ | Հայոց ցեղասպանություն |
| Ազգություն | հայ |
| Կրթություն | Կոստանդնուպոլսի Օսմանյան կայսերական բժշկական վարժարան |
| Մասնագիտություն | բժիշկ |
Գրիգոր Գյուլբենկյան, հայ բժիշկ։
Կենսագրություն[խմբագրել | խմբագրել կոդը]
Գրիգոր Գյուլբենկյանը ծնվել է 1887/1890 թվականներին, Տրապիզոնի նահանգի Սամսուն նավահանգստային քաղաքում/ Սեբաստիայի նահանգի Սեբաստիայի գավառի Տիվրիկի գավառակի կենտրոն Տիվրիկ ավանում։
1914 թվականին գերազանցության դիպլոմով ավարտել է Կոստանդնուպոլսի Օսմանյան կայսերական բժշկական վարժարանը։ Բժիշկ է աշխատել։ Եղել է հնչակյան կուսակցության անդամ, հասարակական-քաղաքական գործիչ։
1914 թվականին Առաջին աշխարհամարտի ժամանակ զորակոչվել է օսմանյան բանակ և գնդապետի աստիճանով ուղարկվել Տրապիզոն։
1915 թվականին զինվորական բժիշկ ծառայելու ժամանակ մի թուրք զինվոր խնդրել է իրեն զինվորական ծառայությունից ազատվելու կեղծ տեղեկանք տալ, ինչից բժիշկը հրաժարվել է։ Հաջորդ օրն այդ թուրք զինվորը դաշույնով սպանել է երիտասարդ բժշկին։
Այս մասին բանահավաք Վերժինե Սվազլյանին պատմել է բժշկի եղբորորդին՝ Խորեն Գասպարի Գյուլբենկյանը (ծնված 1900 թվականին, Տիվրիկում)։ Սակայն Վ. Սվազլյանի մոտ, հավանաբար սխալմամբ, հիշատակված է Գևորգ անունով։
Գրականություն[խմբագրել | խմբագրել կոդը]
- Հայ բժշկութեան տուած զոհերը, ցուցակագրուած վաւերական փաստերով, Ստամբուլ, 1919։
- Մեզպուրեան Արթօ, Հայ եւ ծագումով հայ բժիշկներ. Այբուբենական համառօտ անուանացանկ (16881940), Իսթանպուլ, 1940։
- Յուշամատեան Մեծ Եղեռնի (1915-1965), պատրաստեց Գերսամ Ահարոնեան, Պէյրութ, 1965։
- Թէոդիկ, Յուշարձան նահատակ մտաւորականութեան, Բ. տպագրութիւն, Երեւան, ապրիլ 24, 1985։
- Սվազլյան Վերժինե, Հայոց ցեղասպանություն։ Ականատես վերապրողների վկայություններ, Ե., 2000։
Աղբյուրներ[խմբագրել | խմբագրել կոդը]
- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։