Գրիգոր Բալասանյան (արձակագիր)

Գրիգոր Բալասանյան
Ծնվել է	սեպտեմբերի 15, 1919
Ծննդավայր	Չայքենդ, Դաշկեսանի շրջան, Ադրբեջանական ԽՍՀ
Վախճանվել է	մայիսի 24, 2003 (83 տարեկան)
Վախճանի վայր	Երևան, Հայաստան
Մասնագիտություն	գրող, արձակագիր և խմբագիր
Ազգություն	հայ
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան (1947)
Գիտական աստիճան	բանասիրական գիտությունների թեկնածու
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	; և
	Գրիգոր Բալասանյան Վիքիդարանում

Անվան այլ կիրառումների համար տե՛ս՝ Գրիգոր Բալասանյան

Գրիգոր Գրիգորի Բալասանյան (սեպտեմբերի 15, 1919(1919-09-15)^[1]^[2], Չայքենդ, Դաշկեսանի շրջան, Ադրբեջանական ԽՍՀ^[1]^[2] - մայիսի 24, 2003(2003-05-24)^[3], Երևան, Հայաստան^[3]), հայ արձակագիր, բանասիրական գիտությունների թեկնածու, ՀԽՍՀ մշակույթի վաստակավոր գործիչ (1975 թ.), ԽՍՀՄ գրողների միության անդամ 1958 թվականից։

Կենսագրություն և գործունեություն

Ծնվել է Գետաշեն (այժմ՝ Ադրբեջանի Խանլարի շրջանում) գյուղում։ 1938 թվականին ավարտել է Երևանի մանկավարժական ուսումնարանը։ 1938-1941 թվականներին աշխատել է Երևանի մեծահասակների երեկոյան դպրոցում։ 1938-1941 թվականներին սովորել է Երևանի Խաչատուր Աբովյանի անվան հայկական մանկավարժական ինստիտուտում, որն ավարտել է 1946 թվականին։ 1941-1945 թվականներին ծառայել է խորհրդային բանակում մասնակցել Հայրենական մեծ պատերազմին։ 1948-1952 թվականներին հայ գրականություն է դասախոսել Երևանի Խ. Աբովյանի անվան հայկական մանկավարժական ինստիտուտում։ 1952 թվականին «Վ. Ի. Լենինի կերպարը սովետահայ գրականության և բանահյուսության մեջ» թեմայով թեզ է պաշտպանել և ստացել բանասիրական գիտությունների թեկնածուի աստիճան։ 1952-1953 թվականներին աշխատել է ՀԿԿ Երևանի օկրուգային կոմիտեում, 1953-1957 թվականներին եղել է ՀԽՍՀ Մինիստրների խորհրդի պետպլանի նախագահի տեղակալ, 1957-1961 թվականներին՝ Հայպետհրատի տնօրեն, 1961-1964 թվականներին՝ Երևանի հեռուստատեսության և ռադիոհաղորդումների պետական կոմիտեի նախագահի տեղակալ, ապա արտասահմանի հայերի համար տրվող հաղորդումների գլխավոր խմբագիր։ 1964-1974 թվականներին աշխատել է ՀԽՍՀ Մինիստրների խորհրդի հրատարակչությունների, պոլիգրաֆիայի և գրքի առևտրի գործերի պետական կոմիտեում որպես գլխավոր խմբագիր։ 1974-1981 թվականներին եղել է «Լույս» հրատարակչության տնօրենը։ 1981 թվականից աշխատել է Հայհրատպետկոմում որպես ավագ խմբագիր։ ԽՄԿԿ անդամ 1943 թվականից։ Մահացել է Երևանում։

Ռուսերեն լույս են տեսել նրա «Սրտի ճամփաներով» (Երևան, 1968), «Կապույտ լճի ափին» (Երևան, 1979) գրքերը։

Պարգևներ

Պարգևատրվել է Կարմիր դրոշի, Հայրենական պատերազմի առաջին և երկրորդ աստիճանների, Կարմիր աստղի շքանշաններով^[4]^[5]։

Երկերի մատենագիտություն

Մեժի ապոր հեքիաթը, Երևան, Հայպետհրատ, 1957, 24 էջ։
Փորձության ժամին (վիպակ և պատմվածքներ), Երևան, Հայպետհրատ, 1958, 319 էջ։
Մեժի ապոր զրույցները, Երևան, Հայպետհրատ, 1961, 80 էջ։
Միայն թե խիղճդ հանգիստ լինի (պատմվածքներ), Երևան, Հայպետհրատ, 1963, 184 էջ։
Սիրում եմ անամպ երկինքը (վիպակ, պատմվածքներ), Երևան, «Հայաստան», 1965, 284 էջ։
Սրտի ճամփաներով (հայ արվեստի ու գրականության տասնօրյակը Ղազախստանում), Երևան, «Հայաստան», 1968, 80 էջ։
Ապրելու գաղտնիքը (վիպակ, պատմվածքներ), Երևան, «Հայաստան», 1971, 480 էջ։
Հույսի շողը (պատմվածքներ), Երևան, «Հայաստան», 1972, 264 էջ։
Պատուհանի տակ ծղրիդն է երգում (վեպ), Երևան, «Հայաստան», 1975, 436 էջ։
Մեժի ապոր զրույցները, Երևան, «Սովետական գրող», 1977, 144 էջ։
Ով հանգցրեց լույսը (վիպակ, պատմվածքներ), Երևան, «Սովետական գրող», 1981, 372 էջ։
Միթե հանգավ լույսը (վեպ), Երևան, «Սովետական գրող», 1984, 416 էջ։
Դարերի ճամբորդը, Երևան, 1986, 229 էջ։
Մեժո ապոր զրույցները, Երևան, 1987, 207 էջ։
Միայն թե լույսը չմարի (վեպ), Երևան, 1987։
Մի բուռ կյանք, Երևան, 1989, 479 էջ։
Պատուհանի տակ ծղրիդն է երգում, Ե., Դարակ, 2020, 564 էջ։

Թարգմանություններ (ռուսերենից)

Եգիպտական պատմվածքներ, Երևան, Հայպետհրատ, 1960, 138 էջ։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 ^2,2 ^2,3 ^2,4 ^2,5 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
↑ ^3,0 ^3,1 ^3,2 ^3,3 ^3,4 ^3,5 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1.
↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 95.
↑ Ով ով է. Հայեր. Կենսագրական հանրագիտարան, հատոր առաջին. Երևան: ՀՀ ԳԱԱ, Հայկական հանրագիտարան հրատարակչություն. 2005. էջ էջ 195.

Վիքիդարանն ունի նյութեր, որոնք վերաբերում են «Գրիգոր Բալասանյան (արձակագիր)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 227)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_7692284afc2863a3-2] 2,0 ^2,1 ^2,2 ^2,3 ^2,4 ^2,5 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

[_89a79894c14e958a-3] 3,0 ^3,1 ^3,2 ^3,3 ^3,4 ^3,5 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1.

[4] Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 95.

[5] Ով ով է. Հայեր. Կենսագրական հանրագիտարան, հատոր առաջին. Երևան: ՀՀ ԳԱԱ, Հայկական հանրագիտարան հրատարակչություն. 2005. էջ էջ 195.

[1]

[2]

[3]

[4]

[5]