Գրիգորի Ագեյկին

Գրիգորի Ագեյկին
Ծնվել է	դեկտեմբերի 1, 1924(1924-12-01)
Ծննդավայր	Կոչկուրովո, Կոչկուրովսկի շրջան, Մորդովիայի Հանրապետություն, Սարանսկի վարչական շրջան, Պենզայի գուբերնիա, ՌԽՖՍՀ, ԽՍՀՄ
Վախճանվել է	դեկտեմբերի 1, 2007(2007-12-01) (83 տարեկան)
Մասնագիտություն	գրող
Լեզու	ռուսերեն
Քաղաքացիություն	ԽՍՀՄ և  Ռուսաստան
Կրթություն	Մորդովիայի պետական համալսարան
Պարգևներ	և
Գրիգորի Ագեյկին Վիքիդարանում

Գրիգորի Պետրովիչ Ագեյկին (դեկտեմբերի 1, 1924(1924-12-01), Կոչկուրովո, Կոչկուրովսկի շրջան, Մորդովիայի Հանրապետություն, Սարանսկի վարչական շրջան, Պենզայի գուբերնիա, ՌԽՖՍՀ, ԽՍՀՄ - դեկտեմբերի 1, 2007(2007-12-01)), էրզիացի և ռուս բանաստեղծ, գրող։

Կենսագրություն

Գրիգորի Ագեյկինը ծնվել է 1924 թվականի դեկտեմբերի 1-ին Կոչկուրովո գյուղում (այժմ՝ Մորդովիայի Կոչկուրովսկի շրջան)։ Դպրոցում սովորելու տարիներին նա հատուկ ուսումնասիրում էր մորդովերեն լեզուն, 6-րդ դասարանում նա գրել է առաջին բանաստեղծությունները, որոնք հրապարակվել են դպրոցական թերթում, գրող Ի. Պ. Կրիվոշեևի հետ հանդիպումներից մեկի ժամանակ նա նույնիսկ գովասանքի է արժանացել ստեղծագործական ձգտումների համար։ Գրիգորիի բանաստեղծությունները շուտով սկսեցին լույս տեսնել «Սյատկո» թերթում։

1941 թվականին Ագեյկինը զորակոչվել է բանակ, ծառայել է հետախուզությունում։ Հայրենական Մեծ պատերազմի ընթացքում մասնակցել է Սմոլենսկի մարզում, Ուկրաինայում, Բելառուսիայում, Մոլդովայում, Ռումինիայում, Հունգարիայում, Ավստրիայում և Բուլղարիայում մղվող մարտերին։ Արժանացել է Կարմիր դրոշի շքանշան և Հայրենական պատերազմի երկրորդ աստիճանի շքանշանների։ 1947 թվականի ապրիլին վերադարձել է հայրենիք, ավարտել կուսակցական դպրոցը և Մորդովական պետական համալսարանի բանասիրական ֆակուլտետը։ Աշխատել է «Խորհրդային Մորդովիա» և «Էրզյան Կոմունա» թերթերում, եղել է նաև «Пионерэнь вайгель» («Պիոների ձայն») ամսագրի խմբագիր, որի շնորհիվ էլ սկսել է ստեղծագործություններ գրել մանուկների համար։ Ագեյկինի թերթում հրապարակվում էին Մորդովիայի ապագա հայտնի գրողներ Արթուր Մորոյի, Ա. Լուկյանովի և Ե. Պյատաևի հոդվածներն ու ստեղծագործությունները։ Շուտով բոլոր երեք հրատարակությունները միավորվեցին «Խորհրդային Մորդովիա» մեկ հրատարակության մեջ, որտեղ հրապարակվում էին էրզյան, մոկշյան և ռուսերեն հոդվածներ ու ստեղծագործություններ։ Ի զարմանս «Էրզյան կոմունա»-ի աշխատակիցների և խմբագիրների՝ թերթը վերականգնվեց «Էրզյան պրավդա», որտեղ էլ շարունակեց աշխատել Ագեյկինը։

«Էրզյան պրավդայում» աշխատած ժամանակահատվածում Ագեյկինը հրապարակել է բազմաթիվ ստեղծագործություններ նվիրված ժողովուրդների բարեկամությանը, հայրենի եզերքի գեղեցկությանը, աշխատանքին և սիրուն։ Հայտնի է որպես կարճ պատմվածքների և մանկական բանաստեղծությունների, բալլադների, ակնարկների, ֆելեյտոնների և զավեշտական փոքրիկ երկերի հեղինակ։

Մահացել է 2007 թվականի դեկտեմբերի 1-ին։

Պարգևներ

• Հայրենական պատերազմի II աստիճանի շքանշան
• Կարմիր դրոշի շքանշան

Մատենագիտություն

Ժողովածուներ

• «Փոքրիկ ընկերներ» (Вишка ялгинеть, 1958)
• «Ոսկե աստղիկներ» (Сырнень тештинеть, 1959)
• «Սրտի ձայնը» (Седей вайгель, 1964)
• «Боря - космонавт» (1967)
• «Ով ումից է վախենում» (Кие киде пели?, 1976)
• «Չերեմուշկա» (Лемзеркай, 1980)

Հեքիաթներ

• «Քանդված կծիկ» (Калавтозь кире)
• «Топтыга»
• «Максим»
• «Թևավոր ընկերներ» (Сёлмов оят)
• «Туз»
• «Пожар»
• «Պղպեղ» (Перець)
• «Հետ մի մնա ընկերներիցդ» (Иля кадново ялгасто)
• «Баян»
• «Լավ գործ» (Паро тев)
• «Գարնանային առավոտ» (Тундонь валске)

Գրականություն

• Время и события. 2014: библиографический указатель / Нац. б-ка им. А. С. Пушкина Респ. Мордовия; [сост. А. Н. Маланьчева]. - Саранск, 2013. - 148 с.

Արտաքին հղումներ

• В год литературы кочкуровцы читают произведения своих земляков-писателей