Գրեյս Լիմ
Գրեյս Լիմ | |
|---|---|
| Ծնվել է | նոյեմբերի 12, 1967 (56 տարեկան) |
| Ծննդավայր | Ջոհոր, Մալայզիա |
| Մասնագիտություն | նկարիչ |
Գրեյս Լիմ (Grace Lim Siew Sye, նոյեմբերի 12, 1967, Ջոհոր, Մալայզիա), մալազիացի նկարչուհի, Art52 պատկերասրահի հիմնադիրներից մեկը։
Կենսագրություն[խմբագրել | խմբագրել կոդը]
Գրեյս Լիմը ծնվել է 1967 թվականի նոյեմբերի 12-ին Կայու Արա Պասոնգում (Պոնտիան, Ջոհոր)։ Նկարելու հակումը դրսևորվել է դպրոցում։ Տասնմեկ տարեկանում մատիտով նկարել է տատիկի հրաշալի դիմանկարը (այժմ պահվում է Art52 պատկերասրահում)[1]։ Ավարտել է Սինգապուրի գրաֆիկայի և դիզայնի դպրոցը։ Աշխատել է որպես դիզայներ Սինգապուրում, այնուհետև Ջոհոր Բահրուում՝ մետաքսե շիրմաների գործարանում։ 2007 թվականին թողել է աշխատանքը գործարանում և ամբողջությամբ նվիրվել գեղանկարչությանը[2]։
2014 թվականին ամուսնու հետ համատեղ հիմնել է Art52 պատկերասրահը Ջոհոր Բահրուում։ Մասնակցել է բազմաթիվ կոլեկտիվ ցուցահանդեսների։ 2013 թվականի մարտին Կուալա Լումպուրում կանանց միջազգային օրվան նվիրված ցուցահանդեսում նրա «Թեյի ժամանակը» կտավը 90 մասնակիցների նկարներից ընտրվել է որպես նվեր Մալայզիայի վարչապետ Մահաթհիր Մոհամադի կնոջ՝ Սիթի Ասմահի համար[3]։
Ստեղծագործություն[խմբագրել | խմբագրել կոդը]
Նկարում է յուղաներկով, ակրիլային ներկերով, ջրաներկով։ Մշակել է սեփական, հեշտությամբ ճանաչելի ոճը նաիվ արվեստի ժանրում՝ իրեն բնորոշ վառ ու համարձակ գույներով։ Թեմաների շարքում գերակշռում են պարզ գյուղական կյանքի նկարները, որոնք ներառում են ծաղիկների, թռչունների, կենդանիների (կատուների և հավերի), արևադարձային բուսականության նկարները, որ ստեղծում են երջանկության, խաղաղության և սիրո տրամադրություն[4]։
Առավել հայտնի աշխատանքներից են՝ «Լողափում», «Թեյի ժամանակ», «Մայրամուտ», «Բերքահավաք», «Ֆլեյտա նվագող տղան», «Չոնգկակ նվագող երեխաները», «Արձակուրդում», «Մենք միասին ենք»[5]։ Նկարչուհու նկարները պահվում են մասնավոր հավաքածուներում Մալայզիայում, Սինգապուրում և Ավստրալիայում։
Ընտանիք[խմբագրել | խմբագրել կոդը]
Ամուսին՝ Էրիկ Թան (1995 թվականից), ունեն երկու երեխա։
Ծանոթագրություններ[խմբագրել | խմբագրել կոդը]
- ↑ Peggy Loh. The Arts of Grace Lim, Pontian/ My Johor Stories 2. Intersting Places and Inspirational People. Selangor: MPH Publishing, 2018, p. 96
- ↑ Grace Lim — Malaysian Artist Biography Profile
- ↑ Peggy Loh. Johor Streets // "The New Straits Times", 18 March 2013
- ↑ Grace Lim Siew Sye
- ↑ Peggy Loh. A showcase of individual styles // The New Straits Times December 29, 2014 [1]