Գրեգ Վոգան
Գրեգ Վոգան | |
---|---|
Ծնվել է | հունիսի 15, 1973 (50 տարեկան) |
Ծննդավայր | Դալաս |
Կրթություն | Mesquite High School? |
Քաղաքացիություն | ԱՄՆ |
Մասնագիտություն | կինոդերասան, մոդել և հեռուստատեսային դերասան |
Ամուսին(ներ) | Touriya Haoud? |
Ջեյմս Գրեգորի «Գրեգ» Վոգան (անգլ.՝ James Gregory "Greg" Vaughan, Jr. [vɔːn], հունիսի 15, 1973, Դալաս), ամերիկյան հեռուստատեսության դերասան, հայտնի է «Երիտասարդ և հանդուգն» (2002-2003), «Գլխավոր հոսպիտալ» (2003-2009) և «Մեր կյանքի օրերը» (2012-2016) ցերեկային հեռուստասերիալներում խաղացած դերերով։ Փրայմ թայմում ունեցել է կիսականոնավոր դեր «Հմայվածները» սերիալում (The WB Television Network,1999-2000), իսկ 2016 թվականին սկսել է նկարահանվել «Շաքարի տնկարկների թագուհին» սերիալում[1]։
Վաղ տարիներ[խմբագրել | խմբագրել կոդը]
Վոգանը ծնվել է Դալասում (Տեխաս նահանգում), Ջեյմս Գրեգորի Վոգան ավագի և Բարբարա Էն Ալտի ընտանիքում, մեծացել է Մեսկիթ քաղաքում։ Նրա նախնիները եղել են հույներ և հնդիկներ։ Շատ ժամանակ է անցկացրել տատիկի և պապիկի հետ, որոնք ապրում էին Օստինից ոչ հեռու գտնվող Ֆրեդերիքսբուրգ ոչ մեծ քաղաքում։ Ամեն ամառ քաղաքից դուրս էր անցկացնում՝ մատուցող աշխատելով իր պապիկի ռեստորանում։ Դպրոցն ավարտելուց հետո մեկնել է Միլան (Իտալիա), որտեղ Ջորջիո Արմանիի հագուստը գովազդելու առաջարկ է ստացել։ Արմանիից հետո Վոգանը համագործակցել է Ջաննի Վերսաչեի, Թոմի Հիլֆիգերի, Ռալֆ Լորենի և շատ ուրիշների հետ։ Մոդելային բիզնեսում երկար և հաջողակ տարիներից հետո Վոգանը որոշել է իրեն փորձել կինոյում։
Կարիերա[խմբագրել | խմբագրել կոդը]
Նա տեղափոխվել է Լոս-Անջելես և ստացել մի քանի էպիզոդիկ դեր սերիալներում։ Նրա առաջին դերը դարձել է «Մալիբուի փրկարարները» սերիալում խաղացած էպիզոդիկ դերը։ Գլխավոր դերեր է ստացել նաև «Երիտասարդ և հանդուգն» և «Գլխավոր հոսպիտալ» սերիալներում[2]։
1996 թվականին Վոգանը ծանոթացել է Աարոն Սփելինգի հետ։ Սփելինգը նրան դերեր է տվել «Բեվերլի-հիլս։ 90210» և «Հմայվածները» հանրահայտ նախագծերում։ 1999-ից մինչև 2000 թվականը Վոգանը նկարահանվել է «Հմայվածները» հեռուստասերիալում քույրերի հարևանի և Փայփերի ընկերոջ դերում, ինչը դարձրել է նրան ավելի հայտնի։ 2002 թվականին Վոգանը «Երիտասարդ և հանդուգն» հեռուստասերիալում ստացել է գլխավոր դերերից մեկը, բայց 2003 թվականին հեռացել է սերիալից։ Հենց այդ տարում էլ ստացել է դեր «Գլխավոր հոսպիտալ» սերիալում, որը նախկինում պատկանում էր Ջոնաթան Ջեքսոնին (դերասան) և Յակոբ Յանգին։ 2009 թվականին հեռացել է հեռուստասերիալից, իսկ նրա դերը նորից զբաղեցրել է Ջոնաթան Ջեքսոնը։
Անձնական կյանք[խմբագրել | խմբագրել կոդը]
2006 թվականի հունիսի 4-ին ամուսնացել է հոլանդացի մոդել Հաուդ Թուրիայի հետ։ Ունեն երեք որդի։ 2007 թվականի մայիսի 4-ին ծնվել է Ջեյթան Ջեյմս Վոգանը՝ (անգլ.՝ Jathan James Vaughan) առաջին որդին։ 2010 թվականի հունվարի 19-ին՝ երկրորդ որդին՝ Քավան Թոմաս Վոգանը (անգլ.՝ Cavan Thomas Vaughan), երրորդ որդին՝ Լանդան Ռեյդ Վոգանը ( անգլ.՝ Landan Reid Vaughan), ծնվել է 2012 թվականի մարտի 6-ին[3][4]։
Ֆիլմագրություն[խմբագրել | խմբագրել կոդը]
Տարի | Անվանում | Դեր |
---|---|---|
1996 | Մալիբուի ափերը | Ջոշ Ուոլքեր |
1996 | Մալիբուի փրկարարները | դեռահաս |
1996-1997 | Բևերլի-Հիլզ, 90210 | Քլիֆ Էյջեր |
1997 | Ոչ կարճ ճանապարհներ | անհայտ դեր |
1997 | Թունավոր բաղեղ։ Նոր գայթակղություն | Մայքլ |
1997 | Բաֆի-վիմպիր ոչնչացնողը | Ռիչարդ Անդերսեն |
1998 | Սիրո նավակ։ Հաջորդ ալիք | Թոմ |
1998 | Մահացու պայքար։ Նվաճում | Կերբալ |
1998 | Եգիպտացորեն երեխաներ 5։ Վախի դաշտ | Թայրուս |
1999 | Ժառանգություն | Թոմ Սթանթոն |
1999 | Ուսանողական սիրավեպ | Ջեյսոն |
1999-2000 | Հմայվածները | Դեն Գորբոն |
1999 | Դժբախտ պատահար | Ջեկ Ֆիլիփս |
2000 | Դետեկտիվ Նեշ Բրիջես | Ջոշ Էվերի |
2002 | Սաբրինա։ Փոքրիկ կախարդուհի | Փիթեր |
2002 | Դևերի քաղաք | Փաստաբան |
2002 | Ուիլը և Գրեյսը | Համակրելի տղա |
2002-2003 | Երիտասարդ և հանդուգն | Դիեգո Գվիտերիս |
2003-2009 | Գլխավոր հոսպիտալ | Լաքի Սփենսեր |
2010 | 90210։ Նոր սերունդ | Կայ |
2010 | Խուզարկու | Սպա Վագներ |
Ծանոթագրություններ[խմբագրել | խմբագրել կոդը]
- ↑ Denise Petski (23 февраля 2016). «'Queen Sugar': OWN Drama Series Adds Bianca Lawson, Greg Vaughan & Henry G. Sanders». Deadline.com. Վերցված է 2016 թ․ փետրվարի 27-ին.
- ↑ «Արխիվացված պատճենը». Արխիվացված է օրիգինալից 2004 թ․ նոյեմբերի 17-ին. Վերցված է 2020 թ․ փետրվարի 3-ին.
- ↑ Baby #3 On The Way For GH Alum! Արխիվացված 2011-10-05 Wayback Machine ABC Soaps in Depth
- ↑ Greg Vaughan Welcomes Son Cavan Thomas Արխիվացված 2011-11-16 Wayback Machine, People.com
Վիքիպահեստն ունի նյութեր, որոնք վերաբերում են «Գրեգ Վոգան» հոդվածին։ |
|