Գուրգեն Քամալյան

Գուրգեն Քամալյան;
Ծնվել է	մարտի 3, 1909
Ծննդավայր	Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	մայիսի 9, 1973 (64 տարեկան)
Մահվան վայր	Երևան, Հայկական ԽՍՀ, ԽՍՀՄ
Կոչում	պրոֆեսոր
Գիտական աստիճան	կենսաբանական գիտությունների դոկտոր
Մասնագիտություն	կենսաքիմիկոս
Կուսակցություն	ԽՄԿԿ
Պարգևներ և ; մրցանակներ	; և

Վիքիպեդիայում կան հոդվածներ Քամալյան ազգանունով այլ մարդկանց մասին։

Գուրգեն Ոսկանի Քամալյան (մարտի 3, 1909(1909-03-03), Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն - մայիսի 9, 1973(1973-05-09), Երևան, Հայկական ԽՍՀ, ԽՍՀՄ), խորհրդային կենսաքիմիկոս։ Կենսաբանական գիտությունների դոկտոր (1953), պրոֆեսոր (1954)։ ՀԽՍՀ գյուղատնտեսական կենսաքիմիայի հիմնադիր։ ՀԽՍՀ գիտության վաստակավոր գործիչ (1960)։

Կենսագրություն[խմբագրել | խմբագրել կոդը]

1936 թվականին ավարտել է անասնաբուծական-անասնաբուժական ինստիտուտը։ 1931-1941 թվականներին եղել է ՀԿԿ ԿԿ գյուղատնտեսության բաժնի վարիչի տեղակալ։ Մասնակցել է Երկրորդ համաշխարհային պատերազմին։ 1946-1973 թվականներին եղել է Երևանի անասնաբուծական-անասնաբուժական ինստիտուտի կենսաքիմիայի ամբիոնի վարիչ և միաժամանակ 1955-1972 թվականներին՝ ռեկտոր։ Կենսաբանական գիտությունների դոկտոր է դարձել 1953 թվականին, պրոֆեսոր՝ 1954 թվականին, իսկ 1960 թվականին արժանացել է ՀԽՍՀ գիտությունների վաստակավոր գործչի կոչման։ Բազմիցս ընտրվել է ՀԿԿ ԿԿ վերստուգիչ հանձնաժողովի անդամ և ՀԿԿ ԿԿ անդամության թեկնածու^[1]։

Գիտական աշխատանքները վերաբերում են նյութափոխանակության կարգավորման, գյուղատնտեսական կենդանիների և բույսերի մթերատվության բարձրացման ֆիզիոլոգիա-կենսաքիմիական հիմունքների ուսումնասիրմանը։ Դրանցից կարելի է թվարկել «Բիոքիմիա», Եր., 1964, «Կոլամինը որպես կենդանիների և բույսերի աճի խթանիչ», Եր., 1965 թ., «Коламин и его биологическое значение» Е., 1960։

Վախճանվել է 1973 թվականի մայիսի 9-ին՝ Երևանում^[2]։

Պարգևներ[խմբագրել | խմբագրել կոդը]

Կարմիր աստղի շքանշան։
Հոկտեմբերյան հեղափոխության շքանշան։
Աշխատանքային կարմիր դրոշի շքանշան և մեդալներ։

Երկեր[խմբագրել | խմբագրել կոդը]

Վիտամինները և գյուղատնտեսական կենդանիների ավիտամինոզ հիվանդությունները, 1952։
Коламин и его биологическое значение, 1960.
Բիոքիմիա։ Ուսումնական ձեռնարկ։ 1964^[3]։
Կոլամինը որպես կենդանիների և բույսերի աճի խթանիչ, Երևան, 1965։
Материалы докладов научных конференций института за 1965-66 годы, 1967.

Ծանոթագրություններ[խմբագրել | խմբագրել կոդը]

↑ Հայկական համառոտ հանրագիտարան, 2003։ Հ. 4:
↑ ՀՍՀ, հ. 12, Եր. 1986, էջ 407-408
↑ Քամալյան, Գուրգեն Ոսկանի; Գասպարյան, Մարիա Գրիգորի, eds. (1964). Բիոքիմիա։ Ուսումնական ձեռնարկ. Երևան: Հայպետհրատ.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

[1] Հայկական համառոտ հանրագիտարան, 2003։ Հ. 4:

[2] ՀՍՀ, հ. 12, Եր. 1986, էջ 407-408

[3] Քամալյան, Գուրգեն Ոսկանի; Գասպարյան, Մարիա Գրիգորի, eds. (1964). Բիոքիմիա։ Ուսումնական ձեռնարկ. Երևան: Հայպետհրատ.

[1]

[2]

[3]