Գուրգեն Վարդանյան

Վիքիպեդիայից՝ ազատ հանրագիտարանից
Գուրգեն Վարդանյան
Անձնական տեղեկություն
Սեռ՝արական
Մասնագիտացում՝գեղասահորդ և գեղասահքի մարզիչ
Երկիր՝ Հայաստան և  ԽՍՀՄ
Ծննդյան ամսաթիվ՝հոկտեմբերի 18, 1963(1963-10-18) (60 տարեկան)
Ծննդավայր՝Երևան, Հայկական ԽՍՀ, ԽՍՀՄ
Մարզիչ(ներ)՝Ելենա Սլեպովա, Ելենա Չայկովսկայա, Էդուարդ Պլիներ

Գուրգեն Նորիկի Վարդանյան (հոկտեմբերի 18, 1963(1963-10-18), Երևան, Հայկական ԽՍՀ, ԽՍՀՄ), գեղասահքի հայ մարզիչ և նախկին գեղասահորդ (ներկայացրել է Խորհրդային Միությունը), որ եղել է կանանց մենասահքի Եվրոպայի հունգարացի առաջին չեմպիոնի՝ Յուլիա Շեբեշտյանի մարզիչը։ Ներկայում աշխատում է Միացյալ Թագավորությունում։

Կենսագրություն[խմբագրել | խմբագրել կոդը]

Գուրգեն Վարդանյանը ծնվել է 1963 թվականի հոկտեմբերի 18-ին Երևանում (Հայկական ԽՍՀ, ԽՍՀՄ[1])։ Գեղասահքով զբաղվել սկսել է 1976 թվականին Երևանում, Ելենա Սլեպովայի գլխավորությամբ[2]։ Առաջին խոշոր մրցումներից մեկը դարձել է 1978 թվականին Սվերդլովսկում անցկացված ԽՍՀՄ ժողովուրդների ձմեռային Սպարտակիադան, որին նա մասնակցել է պատանիների շարքում[3]։ 1978 թվականից մինչև 1980 թվականն ընդգրկված է եղել ԽՍՀՄ երիտասարդական, 1980-1987 թվականներին՝ ազգային հավաքականներում։ Մոսկվա տեղափոխվելուց հետո մարզվել է Էդուարդ Պլիների, ապա խորհրդային ականավոր մարզիչ Ելենա Չայկովսկայայի մոտ 1980 թվականից մինչև 1986 թվականը[2][4]։ Մասնակցել և մրցանակների է արժանացել միջազգային տարբեր մրցաշարերում[5]։ 1983, 1986, 1987 թվականներին Գուրգեն Վարդանյանը նվաճել է ԽՍՀՄ գավաթը, իսկ 1984 թվականին նրան շնորհվել է միջազգային կարգի սպորտի վարպետի կոչում։

Գուրգեն Վարդանյանը վերադարձել է Հայաստանի 1987 թվականին և սկսել աշխատել որպես մարզիչ այն մարզադպրոցում, որտեղ ինքն էր սկսել զբաղվել գեղասահքով[4], ապա դարձել է նրա տնօրենը։ 1989 թվականի դեկտեմբերին Գուրգեն Վարդանյանը Հունգարիայի գեղասահքի ֆեդերացիայի հրավերով մեկնել է Հունգարիա, որտեղ աշխատել է հունգարացի առաջատար գեղասահորդների հետ։ Նրա սաների թվում են եղել Հունգարիայի չեմպիոններ, աշխարհի ու Եվրոպայի առաջնությունների մասնակիցներ Թամարա Դորոֆեևը[6] և Դիանա Փոթը[7], ինչպես նաև Հունգարիայի իննակի չեմպիոն, Եվրոպայի չեմպիոն Յուլիա Շեբեշտիենը[8]։ Վերջինիս հետ Գուրգեն Վարդանյանն սկսել է աշխատել 1989 թվականի վերջերին[4], երբ նա եղել է ինը տարեկան և որոշակի ընդմիջումներով շարունակել է մարզել Շեբետիենին նրա ողջ մարզական կարիերայի ընթացքում։ 1994 թվականից նա մարզել է նաև իր որդուն՝ Հունգարիայի տղամարդկանց մենասահքի քառակի չեմպիոն Տիգրան Վարդանյանին[9]։

2010 թվականի ապրիլին Գուրգեն Վարդանյանը տեղափոխվել է Մեծ Բրիտանիա՝ Նոթինգհեմ[10], որտեղ աշխատում է որպես «National Ice Centre»-ի տնօրեն[11][12] և զբաղվում մարզչական ախատանքով։ Նրա սաների թվում է եղել 2011 թվականի Մեծ Բրիտանիայի չեմպիոն Դևիդ Ռիչարդսոնը[13]։

Ընտանիք[խմբագրել | խմբագրել կոդը]

  • Քույրը՝ Հասմիկ Վարդանյան (ծնվել է 1967 թվականին), ԽՍՀՄ կանանց մենասահքի առաջնության եռակի մրցանակակիր պատանիների շարքում (1981-1983), ԽՍՀՄ սպորտի վարպետ, մարզիչ, Ռուսաստանի ֆիզկուլտուրայի, սպորտի և զբոսաշրջության պետական համալսարանի գեղասահքի և մանկավարժության ամբիոնի դոցենտ,
  • Կինը՝ Երանյակ Իպակյան (ծնվել է 1963 թվականին), մարզիչ և խորեոգրաֆ[4], աշխատել է Հունգարիայի առաջատար մարզիկների հետ,
  • Որդին՝ Տիգրան Վարդանյան (ծնվել է 1989 թվականի մարտի 26-ին Մոսկվայում), Հունգարիայի տղամարդկանց մենասահքի քառակի չեմպիոն (2007-2009, 2011), աշխարհի և Եվրոպայի առաջնությունների մասնակից, ներկայացրել է Հունգարիան[14][15]։

Ծանոթագրություններ[խմբագրել | խմբագրել կոդը]

  1. ↑ «Гурген Норикович Варданян» [Gurgen Norikovich Vardanjan] (Russian)։ fskate.ru 
  2. ↑ 2,0 2,1 Geikhman Tatiana (28 October 2009)։ «Варданян: Юля для меня уже как дочь» [Julia is like a daughter to me]։ championat.ru (Russian)։ Արխիվացված է օրիգինալից 26 November 2009-ին։ Վերցված է 23 June 2018 
  3. ↑ «Кира Иванова. Extras. Зимняя Спартакиада народов СССР 1978»։ Արխիվացված է օրիգինալից 2012-02-01-ին։ Վերցված է 2018-06-23 
  4. ↑ 4,0 4,1 4,2 4,3 Asaturov Ilya (March 2007)։ «Гурген Варданян: "Без помощи государства фигурному катанию не обойтись"» [Gurgen Vardanjan interview]։ Noev Kovcheg, N 03 (114) (Russian)։ Արխիվացված է օրիգինալից 2018-06-26-ին։ Վերցված է 2018-06-23 
  5. ↑ «Results Book, Volume 2: 1974–current»։ Skate Canada։ Արխիվացված է օրիգինալից September 20, 2009-ին 
  6. ↑ Mittan J. Barry (2000)։ «Hungary's Dorofejev Poised on Brink of Success»։ Արխիվացված է օրիգինալից 15 March 2012-ին 
  7. ↑ «Diana POTH: 2004/2005»։ International Skating Union։ 29 July 2007 
  8. ↑ «Julia SEBESTYEN: 2009/2010»։ International Skating Union։ Արխիվացված օրիգինալից 25 March 2010-ին 
  9. ↑ Т.Варданян(անգլ.) Չմշկորդների միջազգային միության պաշտոնական կայքում
  10. ↑ «National Ice Centre a New Appointment»։ National Ice Skating Association։ 7 April 2010։ Արխիվացված է օրիգինալից 13 April 2010-ին 
  11. ↑ An interview with Gurgen Vardanjan at the National Ice Centre… Archived 2010-08-10 at the Wayback Machine.(անգլ.)
  12. ↑ New British Champion at the National Ice Centre!(չաշխատող հղում)(անգլ.)
  13. ↑ Д.Ричардсон(անգլ.) Չմշկորդների միջազգային միության պաշտոնական կայքում
  14. ↑ «Tigran VARDANJAN»։ International Skating Union։ 17 August 2011 
  15. ↑ Bőd Titanilla (20 February 2011)։ «Tigran Vardanjan: "I prefer shows to competitions"»։ Absolute Skating 

Արտաքին հղումներ[խմբագրել | խմբագրել կոդը]

Վիիքպահեստ
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Գուրգեն_Վարդանյան&oldid=8581978» էջից