Գուրգեն Մանվելյան

Վիքիպեդիայում կան հոդվածներ Մանվելյան ազգանունով այլ մարդկանց մասին։

Գուրգեն Մանվելյան
Ծնվել է	1906
Ծննդավայր	Հառիճ, Հայաստան
Մահացել է	1990
Մահվան վայր	Գյումրի, Կիւմրի, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և  ԽՍՀՄ
Կրթություն	Հայկական պետական մանկավարժական համալսարան
Մասնագիտություն	մանկավարժ
Կուսակցություն	ԽՄԿԿ
Պարգևներ և մրցանակներ	և

Գուրգեն Համբարի Մանվելյան (1906, Հառիճ, Հայաստան - 1990, Գյումրի, Կիւմրի, Հայկական ԽՍՀ, ԽՍՀՄ), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1930):

Կենսագրություն

Գուրգեն Մանվելյանը ծնվել է 1906 թվականին, Արթիկի շրջանի Հառիճ գյուղում։ 1928 թվականին կանչվել է պարտադիր զինվորական ծառայության։ Երկու տարի ծառայել է հայկական հրաձգային դիվիզիայի առաջին գնդի հրետանային դիվիզիոնում, որպես հրանոթի նշանառու։ Այնուհետև ավարտել է բանֆակը, Երևանի հեռակա մանկավարժական ինստիտուտը։ 1930 թվականին ընդունվել է կոմունիստական կուսակցության շարքերը։ 1935-1941 թվականներին մաթեմատիկա է դասավանդել Լենինական քաղաքի և Սպիտակի շրջանի դպրոցներում։

Մեծ Հայրենականի առաջին օրերից Մանվելյանը կարմիր բանակի 89-րդ հայկական դիվիզիայում դարձել է հրանոթի հրամանատար, մասնակցել է Մոզդոկի, Նովոռոսիյսկի, Թամանի, Կերչի, Սևաստոպոլի, Լեհաստանի ազատագրման համար մղված մարտերին, կռվել է Բեռլինի մատույցներում։ Մարտական սխրանքների համար պարգևատրվել է Հայրենական պատերազմի առաջին, երկրորդ աստիճանի, Կարմիր աստղի, Փառքի երրորդ աստիճանի շքանշաններով, մարտական մեդալներով և Գերագույն գլխավոր հրամանատարության շնորհակալագրերով։

Պատերազմի հաղթական ավարտից հետո Մանվելյանը նորից անցել է մանկավարժական գործունեությանը։ Ավելի քան երեսուն տարի կատարել է դպրոցի տնօրենի պարտականությունները։ Մանվելյանը բնակվել է Լենինականում, կենսաթոշակի անցնելուց հետո թողել է մանկավարժական աշխատանքը։

Մահ

Գուրգեն Մանվելյանը մահացել է 1990 թվականին, Գյումրիում։ Թաղված է Գյումրու գերեզմանատանը։

Պարգևներ

• Հայրենական պատերազմի 1-ին աստիճանի շքանշան
• Հայրենական պատերազմի 2-րդ աստիճանի շքանշան
• Կարմիր աստղի շքանշան
• Փառքի երրորդ աստիճանի շքանշան