Գուրգեն Հովսեփյան (երաժիշտ)
Գուրգեն Հովսեփյան | |
---|---|
Հիմնական տվյալներ | |
Ծնվել է | մարտի 1, 1955[1] Սալվարդ, Սիսիանի շրջան, Հայկական ԽՍՀ, ԽՍՀՄ[1] |
Մահացել է | փետրվարի 15, 2021[1] (65 տարեկան) Բրատիսլավա, Սլովակիա[1] |
Մասնագիտություն | օպերային երգիչ, երաժշտական մանկավարժ և համալսարանի դասախոս |
Երգչաձայն | տենոր[2] |
Կրթություն | Ռուսաստանի Գնեսինների անվան երաժշտության ակադեմիա (1985) և Երևանի Կոմիտասի անվան պետական կոնսերվատորիա (1980) |
Կայք | gurgenovsepian.wixsite.com/tenore |
Գուրգեն Քաջիկի Հովսեփյան (մարտի 1, 1955[1], Սալվարդ, Սիսիանի շրջան, Հայկական ԽՍՀ, ԽՍՀՄ[1] - փետրվարի 15, 2021[1], Բրատիսլավա, Սլովակիա[1]), հայազգի օպերային երգիչ, տենոր։
Կենսագրություն[խմբագրել | խմբագրել կոդը]
Գուրգեն Հովսեփյանը ծնվել է 1955 թվականի մարտի 1֊ին, Սիսիանի շրջանի Սալվարդ գյուղում հետագայում տեղափոխվել է Քաջարան, այնուհետև Երևան։ Հայրը նվագել է քամանչա, երգել հայ աշուղների երգերը՝ Սայաթ-Նովա, Ջիվանի, Շերամ[3]։
Ավարտել է Առնո Բաբաջանյանի անվան երաժշտական ուսումնարանը, որից հետո ընդունվել Մոսկվայի Գնեսինների անվան երաժշտական մանկավարժական ինստիտուտը, որն ավարտելուց հետո մոտ վեց տարի աշխատել է Սարատովի օպերային թատրոնում։ Հյուրախաղերով հանդես է եկել ԽՍՀՄ բազմաթիվ քաղաքներում, աշխատել է նաև Երևանի օպերային թատրոնում։
1991 թվականին Գուրգեն Հովսեփյանը առաջին անգամ մասնակցել է Սլովակիայի Բանսկա Բիստրիցայի թատրոնի միջազգային փառատոնին, որից հետո՝ 1992 թվականին, հրավիրել են Սլովակիայի ազգային թատրոնում երգելու «Տրավիատա» և «Ռիգոլետտո» օպերաներում, իսկ 1993 թվականին իր համար բեմադրել են «Օթելլոն», որը նա երգել է մոտ 100 ներկայացում Եվրոպայի տարբեր երկրներում։ Այդ ընթացքում նա երգել է Պրահայի Ազգային թատրոնում։
Գուրգեն Հովսեփյանը հանդես է եկել Մոսկվայի, Բուդապեշտի, Պրահայի, Մյունխենի, Ցյուրիխի, Բեռնի, Վիեննայի, Թուրինի, Բերգամոյի և Զալցբուրգի օպերային բեմերում[4]։
Կյանքի վերջին տարիներին զբաղվել է մանկավարժական գործունեությամբ․ օպերային թատրոնում դասավանդել է ձայնի վարպետություն, իսկ կոնսերվատորիայում՝ օպերային վոկալ։ Մասնակցել է սլովակահայ համանյքի մշակութային միջոցառումներին։
Մահացել է Բրատիսլավայում, 2021 թվականի փետրվարի 15֊ին[5]։
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Zomrel Gurgen Ovsepian, bývalý sólista Opery SND. Hrdý Armén mal rád Slovensko
- ↑ Operabase — 1996.
- ↑ Media, Noev Kovcheg. «Гурген Овсепян – интервью газете Ноев Ковчег». noev-kovcheg.ru (ռուսերեն). Վերցված է 2022 թ․ օգոստոսի 26-ին.
- ↑ V historickej budove SND sa z potlesku publika tešil v rokoch 1994 – 2011
- ↑ Վախճանվել է սլովակաբնակ հայտնի տենոր Գուրգեն Հովսեփյանը
Արտաքին հղումներ[խմբագրել | խմբագրել կոդը]
|