Գուրգեն Հայրապետյան

Գուրգեն Հայրապետյան;
Ծնվել է	օգոստոսի 9 (22), 1914
Ծննդավայր	Քմքաձոր, Թարթառի շրջան, Ադրբեջան
Մահացել է	մարտի 14, 1998 (83 տարեկան)
Մահվան վայր	Երևան, Հայաստան
Ազգություն	հայ
Կրթություն	Մ. Վ. Ֆրունզեի անվան ռազմական ակադեմիա (1952) և Կրակոց
Մասնագիտություն	ռազմական գործիչ և սպա
Աշխատավայր	Հայաստանի ազգային պոլիտեխնիկական համալսարան
Կուսակցություն	ԽՄԿԿ
Պարգևներ և ; մրցանակներ	; և

Գուրգեն (Գրիգոր) Միքայելի Հայրապետյան (օգոստոսի 9 (22), 1914, Քմքաձոր, Թարթառի շրջան, Ադրբեջան - մարտի 14, 1998(1998-03-14), Երևան, Հայաստան), Խորհրդային Միության հերոս, փոխգնդապետ, ԽՄԿԿ անդամ (1942)։ 1936 թվականին զորակոչվել է կարմիր բանակ։ 1938-1939 թվականներին սովորել է հրամանատարական դասընթացներում, Երկրորդ համաշխարհային պատերազմի Խորհրդա-ֆիննական ռազմաճակատի («Ձմեռային պատերազմ», 1939-1940) տարիներին մասնակցել է Հյուսիս-արևմտյան ուղղությամբ Ֆինլանդիայի դեմ մղած խորհրդային ագրեսիային և, ըստ խորհրդային աղբյուրների, «աչքի ընկել Մաներհայմի գծի ճեղքման ժամանակ»։ Նրա հրամանատարությամբ գործող ջոկատը գրավել է հակառակորդի երկու դզօտ և պատճառել 200 զինվորի ու սպայի մարդկային կորուստ։

Հրամանատարության առաջադրանքները հաջող կատարելու համար Հայրապետյանին շնորհվել է Խորհրդային Միության հերոսի կոչում։ Գերմանա-խորհրդային ռազմաճակատիի («Հայրենական մեծ պատերազմ», 1941-1945) գործողությունների առաջին օրերին կամավոր մեկնել է առաջնագիծ և կռվել Ուկրաինայի ազատագրման համար։ 409-րդ հայկական հրաձգային դիվիզիայի կազմում աչքի է ընկել Կիրովգրադ քաղաքի ազատագրման մարտերում։

1948-1951 թվականներին հեռակա կերպով ավարտել է Մ. Վ. Ֆրունզեի անվան ռազմական ակադեմիան։ 1955 թվականից աշխատել է Երևանի Կարլ Մարքսի անվան պոլիտեխնիկական ինստիտուտում (այժմ՝ Հայաստանի ազգային պոլիտեխնիկական համալսարան)։

Պարգևատրվել է Լենինի, Կարմիր դրոշի և այլ շքանշաններով ու մեդալներով։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 205)։

[_f754db64545fa45f-1] ttp://www.podvignaroda.ru/?#id=21995673&tab=navDetailDocument

[_632cc9029108c7ef-2] ttp://www.podvignaroda.ru/?#id=1510258893&tab=navDetailManUbil

[_d19d279299fbf563-3] ttp://www.podvignaroda.ru/?#id=1533319025&tab=navDetailDocument

[2]

[1]

[3]