Գուարիկանա ազգային պարկ
 Parque Nacional Guaricana | |
|---|---|
 | |
| Տեսակ | ազգային պարկ |
| Կազմված է | Անտլանտյան անտառ |
| Երկիր |  Բրազիլիա[1] |
| Վարչատարածք | Պարանա |
| Հիմնվել է | 2014 |
| Մակերես | 49 286 հեկտար |
| Կառավարում | Բրազիլիայի դաշնային կառավարություն |
  | |
Գուարիկանա ազգային պարկ (պորտ.՝ Parque Nacional Guaricana), ազգային պարկ Բրազիլիայի Պարանա նահանգում։ Այն պաշտպանում է Ատլանտյան անտառի լեռնային տարածքի մի փոքր հատվածը։
Տեղագրություն[խմբագրել | խմբագրել կոդը]
Գուարիկանա ազգային պարկը ներառում է հետևյալ մունիցիպալիտետներից որոշ հատվածներ՝ Գուարատուբա (պարկի 67.49%-ը), Մորրետիս (19.47%) և Սան Ժոզե դուս Պինյաիս (13.04%)՝ Պարանա նահանգում։ Ազգային պարկի արևմուտքում է գտնվում Լանգե ազգային պարկը, հյուսիսում BR-277 մայրուղին, իսկ արևելքում BR-376 մայրուղին։ Գուարատուբա ծովածոցը ձգվում է դեպի հարավ-արևելք[2]։ Այն ընդգրկում է 49286.87 հա տարածք[3]։
Պարկը գտնվում է Կուրիտիբա սարահարթից արևելք տարածվող լեռներում։ Լեռնազանգվածի բարձրությունը սարահարթից 1000 մետր է, իսկ ծովի մակարդակից՝ 100-1680 մետր։ Տեղանքը լեռնային է, կտրտված է խորը հովիտներով։ Ազգային պարկն ամբողջությամբ գտնվում է Պարանայի ծովափնյա ավազանում, հիմնականում Կուբատաո և Կուբատաոզինհո գետերի ջրհավաք ավազանում։ Հյուսիս-արևելքի մի փոքր հատվածում գտնվող Պինտո և Սագրադո գետային ավազաններն են, որոնք հոսում են դեպի Պարանագուա ծովածոց[4]։
Տարեկան տեղումների քանակը 3000 մմ է։ Ջերմաստիճանը տատանվում է 15-ից 28 °C, իսկ միջինը կազմում է 22 °C[4]։ Պարկը Ատլանտյան անտառ բիոմի մի մասն է[3]։ Այն տեղակայված է Արաուկարիայի և Ատլանտիկ խոնավ անտառների ցածր շրջանների միջև։ Կա աղքատ բուսականություն, սակայն Կանավիեյրասի և Իգրեջայի ավելի բարձր շրջաններում տարածվում են ալպյան մարգագետինները[4]։
Պատմություն[խմբագրել | խմբագրել կոդը]
Գուարիկանա ազգային պարկը ստեղծվել է 2014 թվականի հոկտեմբերի 13-ին նախագահական հրամանագրով։ Կառավարվում է Չիկո Մենդեսի Կենսաբազմազանության պահպանության ինստիտուտի կողմից[3]։ Այն դասվում է Բնության պահպանության միջազգային միության II կատեգորիային (ազգային պարկ)։ Նպատակն է՝ ապահովել խիտ խոնավ անտառների պահպանությունը և խառը տերևաթափ անտառները՝ ներառյալ բուսականությունը, կենդանական աշխարհը, ջրերը և երկրաբանական ռեսուրսներն ու հարակից բնական լանդշաֆտները[4]։ 2014 թվականի հոկտեմբերի 13-ի հրամանագրով հիմնվեցին նաև Սերրա դու Գանդարելա ազգային պարկը և Նասցենտես Գերաիզեյրաս կայուն զարգացող արգելոցը, (սրանք երկուսն էլ գտնվում են Մինաս Ժեյրասում), ինչպես նաև 30000 հա տարածք հավելվեց ներկայիս Մեդիո Ժուրուա արդյունահանող արգելոցին Ամազոնասում[5]։
Ծանոթագրություններ[խմբագրել | խմբագրել կոդը]
- ↑ https://petscan.wmflabs.org/?psid=2920154
- ↑ PARNA Guaricana – ISA
- ↑ 3,0 3,1 3,2 «Parna Guaricana – Chico Mendes». Արխիվացված է օրիգինալից 2019 թ․ սեպտեմբերի 15-ին. Վերցված է 2019 թ․ փետրվարի 19-ին.
- ↑ 4,0 4,1 4,2 4,3 Unidade de Conservação ... MMA
- ↑ «Governo federal cria e amplia unidades de conservação...». Արխիվացված է օրիգինալից 2019 թ․ հուլիսի 19-ին. Վերցված է 2019 թ․ փետրվարի 19-ին.
Աղբյուրներ[խմբագրել | խմբագրել կոդը]
- Governo federal cria e amplia unidades de conservação em Minas Gerais, Paraná, Amazonas e Pará (Portuguese), Secretaria de Governo auxilia o Presidente da República, 14 October 2014, Արխիվացված է օրիգինալից 2019-07-19-ին, Վերցված է 2016-06-16-ին
{{citation}}: CS1 սպաս․ չճանաչված լեզու (link) - PARNA Guaricana (Portuguese), ISA: Instituto Socioambiental, Վերցված է 2016-06-16-ին
{{citation}}: CS1 սպաս․ չճանաչված լեզու (link) - Parna Guaricana (Portuguese), Chico Mendes Institute for Biodiversity Conservation, Արխիվացված է օրիգինալից 2019-09-15-ին, Վերցված է 2016-06-16-ին
{{citation}}: CS1 սպաս․ չճանաչված լեզու (link) - Unidade de Conservação: Parque Nacional Guaricana (Portuguese), MMA: Ministério do Meio Ambiente, Վերցված է 2016-06-16-ին
{{citation}}: CS1 սպաս․ չճանաչված լեզու (link)