Գորշ մարմին

Գորշ մարմին, որի կլանման գործակիցը ($a_{\lambda t}$) փոքր է մեկից և կախված չէ էլեկտամագնիսական ճառագայթման ալիքի երկարությունից ($\lambda$)։ Միևնույն ջերմաստիճանում գորշ մարմնի լուսատվության ($r_{\lambda t}$) և բացարձակ սև մարմնի լուսատվության ($R_{\lambda t}$) միջև գոյություն ունի հետնյալ առնչությունը՝ $r_{\lambda t}=a_{\lambda t}\cdot R_{\lambda t}$։

Իրական մարմինները, որոնց $a_{\lambda t}$-ն կախված է $\lambda$-ից, գորշ մարմին կարելի է համարել էլեկտրամագնիսական ալիքների միայն որոշակի նեղ միջակայքում, ուր $a_{\lambda t}$-ն մոտավորապես հաստատուն է։ Օրինակ, սպեկտրի տեսանելի տիրույթում գորշ մարմիններ են ածուխը ($a_{\lambda t}=0.80,T=125-625$°С), մուրը ($a_{\lambda t}=0.94-0.96,T=100-200$°С) և այլն։ «Գորշ մարմին» հասկացությունը մեծ կիրառություն ունի օպտիկական հրաչափության մեջ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 180)։