Գորմասի ամրոց
 իսպ.՝ Castillo de Gormaz | |
|---|---|
 Նկարագրություն | |
| Տեսակ | դղյակ |
| Հասցե |  Իսպանիա |
| Վարչական միավոր | Gormaz? |
| Երկիր | Իսպանիա |
| Օգտագործվան մեջ | Միջնադար |
| Ընթացիկ սեփականատեր | Աբդ ար-Ռահման I |
| Կայք | Պաշտոնական կայք |
 | |
 | |
 Castle of Gormaz Վիքիպահեստում | |
Գորմասի ամրոց (իսպ.՝ Castillo de Gormaz), միջնադարյան դղյակ, որը գտնվում է Իսպանիայի Կաստիլիա և Լեոնի ինքնավար համայնքում։
Ռազմական կառույցը կառուցվել է վաղմիջնադարյան ճարտարապետական ոճով։ Գտնվում է Էլ Բուրգո դե Օսմա քաղաքից 13 կմ հեռավորության վրա՝ Գորմասի շրջանում։
Տեղակայված է Պիրենեյան թերակղզու տարածքում հոսող Դուերո գետի ափին՝ ծովի մակարդակից 100 մետր բարձրության վրա։
Ճարտարապետություն[խմբագրել | խմբագրել կոդը]
Գորմասի ամրոցը կառուցվել է վաղմիջնադարյան իսպանական ճարտարապետական ոճով։ Ամրոցը ունի 390 մետր երկարություն և ունի 28 աշտարակներ (ի սկզբանե աշտարակների թիվը եղել է 31)։ Շինության քարերը ներկված են հիմնականում երկու գույներով՝ սպիտակ և կարմիր։
Ամրոցը ունի երկու տեսչական պատկերասրահ, որոնցից մեկը ձևավորում է կամար՝ պայտի տեսքով։
Ամրոցի հարևանությամբ գործում է մատուռ՝ բաց երկնքի տակ, որի շինարարության ժամանակ օգտագործվել է հռոմեական սպոլիա։
Գորմասի ամրոցը վերակառուցվել է 14-րդ դարում։ Շինարարության ժամանակ վերակառուցվել են ամրոցի հարավային կողմում գտնվող դարպասների ավերակները։
Պատմություն[խմբագրել | խմբագրել կոդը]
Ամրոցը կառուցվել է 756 թվականին՝ Կորդոբայի էմիր Աբդ ար-Ռահման I-ի հրամանով։ Այն կառուցվել է տարածաշրջանի հարուստ հողատերերին և գյուղացիներին վերահասկելու նպատակով։ Այն նաև ստեղծված է Իսպանիայի հյուսիսի հարուստ քրիստոնյաներին մուսուլմանների ոտնձգություններից պաշտպանելու նպատակով։
975 թվականին Կաստիլիայի կոմս Գարսիա Ֆերնանդեսը, Նավառայի թագավոր Սանչո II-ը և Լեոնի թագավոր Ռամիրո III-ը պաշարում են արաբների հենակետը։
Սակայն պաշարմանը հակահարված հասցրեց խալիբը՝ Կորդովայի լավագույն հրամանատարներից մեկը, և ի վերջո նրա զորքերը ջախջախիչ պարտության մատնեցին գրոհայիններին։
Երեք տարի անց բերդի գրավելու փորձը ևս հաջողությամբ պսակվեց, սակայն նրանք կրկին ետ կորցրեցին։ Ալ-Մանսուրը շարունակեց մնալ իսլամադավան ղեկավարների վերահսկողության ներքո մինչև 1060 թվականը, երբ Ֆերդինանդ I Մեծը ազատագրեց տարածքները[1]։
Այս ընթացքում կառուվել է ամրոցի ստորին միջնաբերդը։ Հետագա տարիներին Գորմասի ամրոցը կորցրեց իր ռազմավարական (ստրատեգիական) նշանակությունը և որոշ ժամանակ անց սկսեց ծառայել որպես իսպանական բանտ։
1931 թվականին Գարմասի ամրոցը դարձավ Իսպանիայի ազգային ժառանգության օբյեկտ։
Ծանոթագրություններ[խմբագրել | խմբագրել կոդը]
- ↑ Лависс Э., Рамбо А. (пер. с франц. М. О. Гершензона) Эпоха крестовых походов // Популярная историческая библиотека. — Смоленск. — Изд-во «Русич». — 2000. — С. 473—474.
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գորմասի ամրոց կատեգորիայում։ |