Գոհար Գևորգյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Գևորգյան ազգանունով այլ մարդկանց մասին։
Գոհար Գևորգյան
Ծնվել էսեպտեմբերի 26, 1976(1976-09-26) (47 տարեկան)
ԾննդավայրԱդիս Աբեբա, Եթովպիա
Քաղաքացիություն Եթովպիա
Մասնագիտություննկարչուհի
 Kohar Kevorkian Վիքիպահեստում

Գոհար Գևորգյան (սեպտեմբերի 26, 1976(1976-09-26), Ադիս Աբեբա, Եթովպիա), հայ-եթովպացի նկարչուհի, արվեստագետ։ Իր արվեստում կիրառում է գեղարվեստական բազմազան նորարար տեխնիկաներ։

Կենսագրություն[խմբագրել | խմբագրել կոդը]

Գոհար Գևորգյանը ծնվել է 1976 թվականին, Երվանդ Գևորգյանի և Արաքսի Գևորգյանի (ծննդյան ազգանունը՝ Ասլանյան) ընտանիքում։ Գոհարի համար ստեղծագործական ոգեշնչման աղբյուր է մայրը, որը հագուստի մոդելավորող է։ Սովորել է Ազգային Գևորգով վարժարանում, Կիպրոսի Մելքոնյան վարժարանում, 1995-1997 թվականներին՝ Ադիս Աբեբայի գեղարվեստի և դիզայնի դպրոցում, այնուհետև կրթությունը շարունակել է Լոնդոնի գեղարվեստի ռեգենտ ակադեմիայում։ 2008-2009 թվականներին հաճախել է Գեղագիտության ազգային կենտրոնի խեցեգործության դասընթացների՝ Սամվել Բաղդասարյանի ղեկավարությամբ։

Գոհարը ստեղծում է գեղանկարներ, եռաչափ պատկերներ, տան կահավորման պարագաներ, փայտե քանդակներ, սեղաններ, հայելիներ, մոմակալներ, խեցեղեն, կաշվե բարձիկներ, պայուսակներ, ջահեր։ Աշխատանքները ստեղծում է բնական նյութերից, վերամշակված կաշվից ու կաշվե թափոններից։ Համադրելով ավանդական ու նորագույն տեխնիկաները՝ ստեղծում է ժամանակակից նմուշներ։ Գոհարի հեղինակային աշխատանքներից է «Միրդո» աֆրիկյան սանրը[1]։

Ցուցահանդեսներ[խմբագրել | խմբագրել կոդը]

Անհատական և խմբակային ցուցահանդեսներով հանդես է եկել Եթովպիայում։ 2019 թվականին Երևանի Նուռ ցուցասրահում տեղի է ունեցել Գոհարի «Արևապար» անհատական ցուցահանդեսը։

Ծանոթագրություններ[խմբագրել | խմբագրել կոդը]

  1. Bilen(ብሌን). «Sewasew | Who is Painter Kohar Kevorkian?». www.sewasew.com. Վերցված է 2019 թ․ ապրիլի 10-ին.

Արտաքին հղումներ[խմբագրել | խմբագրել կոդը]