Գոհարիկ Ղազարոսյան

Գոհարիկ Ղազարոսյան
Բնօրինակ անուն	արմտ. հայ.՝ Գոհարիկ Ղազարոսեան
Ծնվել է	դեկտեմբերի 21, 1907; Ստամբուլ, Օսմանյան կայսրություն
Երկիր	Օսմանյան կայսրություն և Ֆրանսիա
Մահացել է	հոկտեմբերի 29, 1967 (59 տարեկան); Փարիզ
Մասնագիտություն	կոմպոզիտոր և դաշնակահարուհի
Գործիքներ	դաշնամուր
Կրթություն	Փարիզի կոնսերվատորիա

Գոհարիկ Ղազարոսյան (դեկտեմբերի 21, 1907(1907-12-21)^[1]^[2], Ստամբուլ, Օսմանյան կայսրություն^[3] - հոկտեմբերի 29, 1967(1967-10-29)^[1]^[2], Փարիզ^[4]), հայ կոմպոզիտոր, դաշնակահար։

Կենսագրություն

Ծնվել է Կոստանդնուպոլսում։ Ընդունվել է Փարիզի կոնսերվատորիա 1926 թվականին։ Սովորել է Պաուլ Դուկասի և Լազար Լևիի հետ։ Կոնսերվատորիան ավարտելուց հետո Եվրոպայում հանդես է եկել որպես կոմպոզիտոր և դաշնակահար^[5]։

Փարիզում աշակերտել է Լ․ Լևիին՝ դաշնամուր, Պ․ Դյուկային և Ժ․ Ռոժե-Դյուկասին՝ կոմպոզիցիա։ Բնակվել է Պոլսում։ Զբաղվել է նաև մանկավարժական և երաժշտական, հասարակական գործունեությամբ։ 1934 թվականից համերգներով հանդես է եկել Եվրոպայի բազմաթիվ քաղաքներում և ԱՄՆ-ում։ Կատարել է հնագույն վարպետներից մինչև նորագույնների երկեր (ներառյալ Կոմիտասի և սեփական գործերը)։ Գրել է կամերային գործեր, դաշնամուրային երկու կոնցերտ, «Մի մոր պատմություն» բալետը (ըստ Անդերսենի), ստեղծել է ծավալուն «պատմողական» հայկական երգի ինքնատիպ տեսակ (Ավետիք Իսահակյանի «Կտակ», Սիլվա Կապուտիկյանի «Սիրերգ», Մեծարենցի «Եկեսցե» խմբերգը դաշնամուրով և այլն)։ Մեղեդիական արվեստը արմատներով կապված է հայկական ժողովրդական և հոգևոր երգին, ներդաշնակությունը զարգացել է ժողովրդականի հետ սերտ միաձուլվող դիատոնիզմից, հասել մինչև խրոմատիզմի և դիսոնանսների գործածության XX դարի բնորոշ առատությանը։ Տպագրված են դաշնամուրային 24 էտյուդները, Կոմիտասի՝ 1913 թվականին հավաքած ժողովրդական երգերից 20-ի դաշնամուրային շարադրությունը, աշուղական երգերի մշակումներ և այլն։ Մահացել է Փարիզում։

Աշխատանքները

Սոնատա դաշնամուրի համար
Էտյուդ համար 9
Հավաքածու դաշնամուրի համար
Կվարտետ Արչի
Երեք հայ ժողովրդական երգ
Պրելյուդ Les Armeniannes
Երեք երգ ջութակի և դաշնամուրի համար

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Samuel R., Sadie J. A. The Norton/Grove dictionary of women composers — W. W. Norton & Company, 1994. — 548 p. — ISBN 978-0-393-03487-5
↑ ^3,0 ^3,1 ^3,2 Carnegie Hall linked open data — 2017.
↑ ^4,0 ^4,1 ^4,2 Présence Compositrices — 2020.
↑ «Գոհարիկ Ղազարոսյանի կենսագրությունը zarkfoundation.com կայքում».

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 22)։

[_b0f51d0f89f656be-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_acd3909b377f6143-2] 2,0 ^2,1 ^2,2 ^2,3 ^2,4 Samuel R., Sadie J. A. The Norton/Grove dictionary of women composers — W. W. Norton & Company, 1994. — 548 p. — ISBN 978-0-393-03487-5

[_244a653294b5a1e0-3] 3,0 ^3,1 ^3,2 Carnegie Hall linked open data — 2017.

[_2f05ac72ef850a85-4] 4,0 ^4,1 ^4,2 Présence Compositrices — 2020.

[5] «Գոհարիկ Ղազարոսյանի կենսագրությունը zarkfoundation.com կայքում».

[1]

[2]

[3]

[4]

[5]