Գոլդի Սթայնբերգ

Վիքիպեդիայից՝ ազատ հանրագիտարանից
Jump to navigation Jump to search
Գոլդի Սթայնբերգ
Ծնվել էհոկտեմբերի 30, 1900(1900-10-30)
ԾննդավայրՔիշնև, Բեսարաբյան գուբերնիա, Ռուսական կայսրություն
Մահացել էօգոստոսի 16, 2015(2015-08-16) (114 տարեկանում)
Մահվան վայրԼոնգ Բիչ, Լոս Անջելես շրջան, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ

Գոլդի Սթայնբերգ (անգլ.՝ Goldie Steinberg, ի ծնե անունը՝ Գոլդա Խացկելևնա Գուրֆինկել, հոկտեմբերի 30, 1900(1900-10-30), Քիշնև, Բեսարաբյան գուբերնիա, Ռուսական կայսրություն - օգոստոսի 16, 2015(2015-08-16), Լոնգ Բիչ, Լոս Անջելես շրջան, Կալիֆոռնիա, ԱՄՆ), Մոլդովայում ծնված և հրեական ծագում ունեցող ամերիկացի երկրակյաց, որը 114 տարեկան, 290 օրական հասակում եղել աշխարհում ապրող վեցերորդ ամենածեր մարդը, ինչպես նաև ԱՄՆ-ում ապրող երկրորդ ամենածեր մարդը Սուսաննա Մուշաթ Ջոնսից հետո։ Նա եղել է ամենածեր մարդը, որ երբևէ ծնվել է Ռուսական Կայսրությունում, ինչպես նաև գրանցված ամենածեր հրեան[1][2]։

Կենսագրություն[խմբագրել | խմբագրել կոդը]

Սթայնբերգը ծնվել է Ռուսական կայսրության Քիշնև քաղաքում (ներկայումս Մոլդովայի Քիշնև քաղաք), եղել է Խացկել և Դվոյրա Գուրֆինկելների 8 երեխաներից մեկը[3]։ Տանը խոսել են միայն իդիշով և դպրոցում նույնպես սովորել է այդ լեզվով։ Նա փրկվել է 1903 թվականի Քիշնևի ջարդերից[4]։ 1923 թվականին երկու քույրերի՝ Ռեյզլի ու Սուրայի հետ արտագաղթել է Միացյալ Նահանգներ և բնակություն հաստատել Բրուքլինում, որտեղ ապրում էր նրանց ազգականը։ 1932 թվականին ամուսնացել է Ֆիլիպ Սթայնբերգի (Շտեյնբերգ, 1901-1967) հետ[5]։ Նրա ամուսինը աշխատել է Ֆուլտոն փողոցում որպես ոսկերիչ։ Նրանք ունեցել են երկու երեխա՝ որդի (1935) և դուստր (1942).[6][7]։

Գոլդի Սթայնբերգը մինչև 80 տարեկանն աշխատել է որպես դերձակուհի, ապա անցել թոշակի[8]։ Նա ինքնուրույն ապրել է մինչև 104 տարեկանը, ինչից հետո տեղավորվել է Grandell Rehabilitation and Nursing Center ծերանոցում (Լոնգ Բիչ, Լոնգ Այլենդ)[9][10][11][12]։

Գոլդի Սթայնբերգը մահացել է 2015 թվականի օգոստոսի 16-ին[13]։ Այդ ժամանակ ողջ էին նրա 2 երեխաները, ինչպես նաև 4 թոռներն ու 7 ծոռները[8]։

Ծանոթագրություններ[խմբագրել | խմբագրել կոդը]