Գոդֆրի Ռեջիո

Գոդֆրի Ռեջիո; Godfrey Reggio
	; Գոդֆրի Ռեջիո, 1995 թ.
Ծնվել է	մարտի 29, 1939 (86 տարեկան)
Ծննդավայր	Նոր Օռլեան, Լուիզիանա, ԱՄՆ
Քաղաքացիություն	ԱՄՆ
Մասնագիտություն	կինոռեժիսոր, սցենարիստ, գրող և ռեժիսոր
Աշխատանք	1982 - ցայսօր
	Godfrey Reggio Վիքիպահեստում

Գոդֆրի Ռեջիո (մարտի 29, 1940(1940-03-29)^[1], Օռլեան շրջան, Լուիզիանա, ԱՄՆ^[2]), էքսպերիմենտալ վավերագրական ֆիլմերի ամերիկացի կինոռեժիսոր։

Վաղ տարիքից զբաղվել է հասարակական գործունեությամբ՝ նպաստելով դեռահաս հանցագործների վերադաստիարակման ծրագրերին, ԱՄՆ Նյու Մեքսիկո նահանգի աղքատ բնակավայրերի սոցիալական հարցերի լուծմանը^[3]։

Իր կյանքի՝ շուրջ 14 տարին անցկացրել է որպես կաթոլիկ վանական՝ լռակյացությամբ և աղոթքներով պատրաստվելով հոգևոր ծառայության, սակայն հետագայում հրաժարվել է այդ ճանապարհից։

Նրա ֆիլմերից մեծ ճանաչում է ստացել «Քաթսի» վավերագրական եռապատումը, որը բաղկացած է «Կոյաանիսքաթսի», «Պովաքքաթսի» և «Նաքոյաքաթսի» կինոնկարներից։

Ռեջջիոն դատապարտում է տեխնիկական առաջընթացի դարաշրջանը, քանի որ գտնում է, որ այն սահմանափակում է ոգեղենը՝ նպաստելով շրջակա միջավայրի ոչնչացմանը։ Նրա կարծիքով, քաղաքում ապրող մարդու համար՝ տեխնոլոգիաները՝ որպես գոյության միջոց, ամբողջությամբ փոխարինել են բնությանը։

2007 և 2013 թթ-ին եղել է Երևանում՝ որպես «Ոսկե ծիրան» միջազգային կինոփառատոնի հյուր, անցկացրել վարպետության դասեր։ 2007 թ-ին նույն կինոփառատոնի շրջանակներում արժանացել է «Փարաջանովյան թալերի»՝ համաշխարհային կինոյում ունեցած մեծ վաստակի և ներդրման համար։

Ծանոթագրություններ

↑ Discogs — 2000.
↑ ^2,0 ^2,1 Deutsche Nationalbibliothek Record #119181754 // Gemeinsame Normdatei (գերմ.) — 2012—2016.
↑ «Koyaanisqatsi». Վերցված է 2010 թ․ հոկտեմբերի 7-ին.

Վիքիպահեստն ունի նյութեր, որոնք վերաբերում են «Գոդֆրի Ռեջիո» հոդվածին։

[_20070fcbd59477a6-1] Discogs — 2000.

[_04d9a3f1611cf9f3-2] 2,0 ^2,1 Deutsche Nationalbibliothek Record #119181754 // Gemeinsame Normdatei (գերմ.) — 2012—2016.

[koyaanisqatsi-3] «Koyaanisqatsi». Վերցված է 2010 թ․ հոկտեմբերի 7-ին.

[1]

[2]

[3]