Գոբրեխտ դոլար
- Վիքիպեդիան ունի այլ հոդվածներ US$1-ի մասին
.jpg)
| Ենթակատեգորիա | dollar coin, հուշադրամ  | |
|---|---|---|
| Կոչվել է ի պատիվ | Christian Gobrecht | |
| Երկիր | Ամերիկայի Միացյալ Նահանգներ | |
| Նյութ | արծաթ | |
| Պատկերված | Ազատություն | |
| Նախագծող | Christian Gobrecht, Thomas Sully | |
| Զանգված | 26,825±0,095 գրամ | |
| Խորություն | 2,00 միլիմետր | |
| Տրամագիծ | 38,1 միլիմետր | |
Գոբրեխտ դոլար, արծաթե մետաղադրամ ԱՄՆ 1 դոլար, հատվել է 1836, 1838 և 1839 թվականներին: Մետաղադրամն իր անունը ստացել է մետաղադրամը ստեղծած փորագրողից: Ամենահազվագյուտ և ամենաթանկ ԱՄՆ մետաղադրամներից է:
Պատմություն
[խմբագրել | խմբագրել կոդը]Մետաղադրամը երկար ընդմիջումից հետո (1804-ից] հետո) արծաթե դոլարային մետաղադրամները վերականգնելու առաջին փորձն էր: Մետաղադրամը թողարկվել է Ֆիլադելֆիայի դրամահատարանում շատ փոքր տպաքանակներով: Այսպիսով, 1836 թվականին հատվել և շրջանառության մեջ է դրվել ընդամենը 1600 մետաղադրամ, և 100 մետաղադրամ՝ «Որակի ապացույց։» 1838 և 1839 թվականներին թողարկվել են համապատասխանաբար 100 և 300 մետաղադրամ՝ «Որակի ապացույցի»։[1].Հաշվի առնելով իր թողարկման տարեթիվը, Գոբրեխտ դոլարը Միացյալ Նահանգներում երբևէ թողարկված ամենահազվագյուտ և ամենաթանկ մետաղադրամներից մեկն է։
Պատկեր
[խմբագրել | խմբագրել կոդը]Դիմերես
[խմբագրել | խմբագրել կոդը]Մետաղադրամի դիմերեսում պատկերված է մի կին,ով նստած է ժայռի վրա, որն էլ Ազատությունն է խորհրդանշում: Աջ ձեռքում նա պահում է վահան՝ «ԱԶԱՏՈՒԹՅՈՒՆ» գրությամբ, իսկ ձախ ձեռքում՝ փայտ՝ ազատության և հեղափոխության խորհրդանիշ փռյուգյան գլխարկով: Կինը հագած է տոգա: Ազատության պատկերի տակ նշված է մետաղադրամի հատման տարեթիվը. 1836 թվականի մետաղադրամների վրա դրա վերևում գրված է «C. GOBRECHT F»: 1838 և 1839 թվականների մետաղադրամների վրա, Ազատության վերևում, կիսաշրջանաձև, 13 աստղ են, որոնք համապատասխանում են երկրի առաջին նահանգների քանակին:
Ազատության պատկերը նման է անգլիական «Բրիտանիա» նշանին, որը պատկերված էր անգլիական մետաղադրամների հակառակ կողմում: Ըստ երևույթին, նա ծառայել է որպես Liberty-ի նախատիպ, որը տեղադրված է դոլարի վրա:[2].Նկարիչն ու փորագրողը սխալ են թույլ տվել, որի պատճառով աջ ձեռքը անհամաչափորեն մեծ է թվում, քան ձախը։
Գոբրեխտ դոլարի դիմերեսը նման է Նստած Լիբերթի դոլար-ի դիմերեսին։
Դարձերես
[խմբագրել | խմբագրել կոդը]Մետաղադրամի դարձերես պատկերում է թռչող ճաղատ արծիվ՝ բացված թևերով՝ ԱՄՆ-ի հերալդիկ խորհրդանիշը։ Արծվի վերևում գրված է «ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐ» մակագրությունը, ներքևում՝ մետաղադրամի անվանական արժեքը՝ «ՄԵԿ ԴՈԼԱՐ»։ Երկու մակագրությունները մետաղադրամի եզրի շուրջ շրջան են ստեղծում։ 1836 թվականի տարբերակում արծվի պատկերի և մակագրությունների միջև ընկած դաշտերը լցված են աստղերով, 1838 և 1839 թվականների մետաղադրամների վրա աստղեր չկան։
Նշումներ
[խմբագրել | խմբագրել կոդը]- ↑ «Доллар Гобрехта на CoinFacts.com». Արխիվացված օրիգինալից 2010 թ․ սեպտեմբերի 25-ին. Վերցված է 2010 թ․ հունիսի 10-ին.
- ↑ «Seated Liberty, No Motto Dollar (1840—1866)». Արխիվացված է օրիգինալից 2011 թ․ օգոստոսի 20-ին. Վերցված է 2010 թ․ հունիսի 10-ին.
 | Վիքիպահեստն ունի նյութեր, որոնք վերաբերում են «Գոբրեխտ դոլար» հոդվածին։ |