Գյուլհանե այգի
 թուրքերեն՝ Gülhane Parki | |
|---|---|
 | |
| Տեսակ | պուրակ և տեսարժան վայր |
| Երկիր |  Թուրքիա |
| Վարչատարածք | Ֆաթիհ |
| Բացվել է | 1912 |
  | |
.svg) | |
Գյուլհանե այգի (թուրքերեն՝ Gülhane Parki; պարսկերեն` گلخانه Gulkhāna — վարդերի տուն), Ստամբուլի պատմական զբոսայգիներից մեկը, որը գտնվում է Էմինյոնյու թաղամասում։ Գտնվում է Թոփքափը ամրոցի հարակից տարածքում։ Ամրոցի հարավային դարպասներից կարելի է մուտք գործել դեպի Գյուլհանե այգի։ Սա Ստամբուլի ամենահին և ամենամեծ այգիներից մեկն է։
Նկարագրություն[խմբագրել | խմբագրել կոդը]
Այգու արևմտյան հատվածում` Թոփքափը ամրոցի ձիանոցներում է գտնվում Ստամբուլի իսլամական գիտության և տեխնիկայի թանգարանը։ Այն բացվել է 2008 թվականի մայիսին` այն ժամանակվա վարչապետ, ներկայումս Թուրքիայի նախագահ Ռեջեփ Թայիփ Էրդողանի կողմից[1]։ Թանգարանում ցուցադրվում է VIII-XVI դարերի 140 հայտնագործված իրերի կրկնօրինակներ, որոնք վերաբերում են աստղագիտության, աշխարհագրության, քիմիայի, երկրագիտության, օպտիկայի, բժշկության, ֆիզիկայի և ռազմարվեստի ոլորտներին[2]։
Այգու հյուսիսային հատվածում կանգնեցված է 18 մետրանոց գոթական սյունը, որը կանգնեցվել է III- IV դարերում` ի նշան գոթերի դեմ հաղթանակի։ Սա Ստամբուլի ամենահին կառույցն է, որը պահպանվել է մինչ օրս։
Ապագա[խմբագրել | խմբագրել կոդը]
Նախկին զորանոցները, որոնք գտնվում են այգու տարածքում, ապագայում պլանավորվում է վերածել մշակութային կենտրոնի, որտեղ կգործի գրադարան և ցուցադրասրահ, ինչպես նաև գորգերի արհեստանոց (թուրքերեն՝ kilim): Կտրվեն նաև ձեռագործության դասեր։
Պատկերասրահ[խմբագրել | խմբագրել կոդը]
Գյուլհանե այգին Թոփքափը ամրոցից
Այստեղից սուլթանը դիտել է քաղաքը, ներկայումս այստեղ սրճարան է
Իսլամական գիտության և տեխնիկայի թանգարան
Գյուլհանե այգու գլխավոր ծառուղին
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Turkish PM inaugurates museum in istanbul»։ World Bulletin։ 2008-05-24։ Վերցված է 2009-06-28
- ↑ «Museum of Technology and Islam Opened in Istanbul»։ Tomw Communications։ 2008-05-26։ Վերցված է 2009-06-28
Գրականություն[խմբագրել | խմբագրել կոդը]
- Necipoğlu Gülru Architecture, ceremonial, and power: The Topkapi Palace in the fifteenth and sixteenth centuries. — Кембридж, Массачусетс: The MIT Press, 1991. — С. 336. — ISBN 0-262-14050-0.
- Fanny Davis Palace of Topkapi in Istanbul. — 1970. ASIN B000NP64Z2