Գիտության թանգարան (Բոստոն)
Գիտության թանգարան | |
|---|---|
 | |
| Տեսակ | գիտության թանգարան և տեխնոլոգիայի թանգարան |
| Երկիր |  ԱՄՆ |
| Տեղագրություն | Բոստոն |
| Վայր | Բոստոն |
| Ղեկավարության նստավայր | Բոստոն, ԱՄՆ |
| Հիմնադրվել է | 1830 |
| Այցելուներ | 1 500 000 մարդ |
| Կայք | mos.org(անգլ.) |
 | |
 | |
Գիտության թանգարան (անգլ.՝ The Museum of Science), գիտական թանգարան Բոստոնում, Մասաչուսեթսում։ Տեղակայված է Գիտությունների զբոսայգում։ Թանգարանը 700 ինտերակտիվ ցուցանմուշների հետ ամեն օր հյուրընկալում է նոր ներկայացումներ ևս։ Թանգարանը նաև Կենդանաբանական այգիների ու ակվարիումների ընկերության անդամ է և ապաստան է հանդիսանում ավելի քան 100 կենդանիների համար, որոնցից շատերը փրկվել ու վերականգնվել են շատ վտանգավոր իրավիճակներից։
Պատմություն[խմբագրել | խմբագրել կոդը]
Հիմնում և առաջին տարիներ[խմբագրել | խմբագրել կոդը]
Թանգարանը հիմնվել է որպես Բնության պատմության բոստոնյան ընկերակցություն 1830 թվականին։ Հիմնվել է մի խումբ մարդկանց կողմից, ովքեր ցանկանում էին կիսել իրենց գիտական հետաքրքրությունները։ XIX դարում այն ընդունված էր կոչել պարզապես Բնության պատմության բոստոնյան ընկերակցություն, և այս անունը հաճախ է հանդիպում գրականության մեջ։ 1862 թվականին Black Bay տարածքում շենք կառուցվեց և անվանվեց «Բնության պատմության Նոր Անգլիայի թանգարան»։ Թանգարանը տեղակայված էր Մասաչուսեթսի տեխնոլոգիական ինստիտուտի (ՄՏԻ) Ռոջերս շինության կողքին, և նոր կլասիցիզմի ոճով երկու շենքերն էլ նախագծվել էին Վիլլիամ Գ. Փրեսթոնի կողմից։ ՄՏԻ-ի առաջին շենքը քանդվել է 1939 թվականի, բայց Բնության պատմության թանգարանի շենքը գոյատևում է մինչև այսօր որպես տնային կահավորանքի ցուցադրման տաղավար։
Ընկերակցության կողմից մեծ գիտական աշխատանք է տարվել, հատկապես` երկրաբանության ոլորտում։ Եվ այդ աշխատանքի արդյունքներն այսօր առցանց հասանելի են Բնության պատմության բոստոնյան թանգարանի արխիվում։ Թանգարանում մոտ 1900 թվականին ավելացվել են գրադարան ու երեխաների սենյակ։ 1939 թվականին այն վերանվանվել է Գիտության թանգարան` նոր տնօրենի ղեկավարության ընթացքում[1]։
1830/1864–1945 թվականների Բնության պատմության բոստոնյան թանգարանը չպետք է շփոթել Բնության պատմության Վարրենի մասնավոր թանգարանի (1858-1906) թանգարանի հետ։ Վերջինիս հավաքածուն 1906 թվականին տեղափոխվել են Նյու Յորքի Բնության պատմության ամերիկյան թանգարան։
Երկրորդ Աշխարհամարտից հետո[խմբագրել | խմբագրել կոդը]
Երկրորդ աշխարհամարտից հետո Գիտության թանգարանի հին շենքը վաճառվել է և թանգարանը տեղափոխվել է, արդեն` Բոստոնի թանգարան անունով։ Թանգարանն 99 տարով տարածք է վարձակալել Գիտությունների զբոսայգի կոչվող տարածքում և տարեկան վճարում է մեկ դոլար։ Շենքի կառուցումն սկսվել է 1948 թվականին, և 1951 թվականին թանգարանը բացվել է։ Վիճելիորեն այն համարվում է երկրի առաջին գիտական թանգարանը։ Առաջին մի քանի տարիների ընթացքում թանգարանը զարգացրել է շրջող պլանետարիում, որի տարբերակները մինչև այսօր օգտագործվում են Մեծ Բոստոնի շատ տարրական դպրոցներում։ Այս տարիների ընթացքում է ձեռք բերվել նաև «Սփուկին», հսկա բուն, որը դարձել է թանգարանի խորհրդանիշը։ Այն ապրել է 38 տարի, հայտնի ամենաերկար տարիքը, որ երբևէ բուն ապրել է։ Թանգարանում այսօր ցուցադրվում են մի շարք ցուցանմուշներ, որոնք երեխաներին սովորեցնում են Նոր Անգիայի ու աշխարհի կենդանիների մասին։ 1970-ականներին ու 1980-ականներին շարունակվել է թանգարանի ընդլայնումը։ 1999 թվականին Բոստոնի Համակարգչային թանգարանը փակվել է և այն միացել է Գիտության թանգարանին։ Համակարգչային թանգարանի ցուցանմուշների մի մասը տեղափոխվել է Գիտության թանգարան, իսկ հիմնական մասը` Կալիֆորնիայի Համակարգչային թանգարան[2]։ Թանգարանի հիմնական ընդլայնումն ու թարմացումը տեղի է ունեցել 2005-2006 թվականներին[3]։ Թանգարանի մուտքը գտնվում է Բոստոն և Քեմբրիջ քաղաքների սահմանում։ 2013 թվականին թանգարանում անց է կացվել Բոստոնի և Քեմբրիջի քաղաքային խորհուրդների առաջին միացյալ համագումարը[4]
Հետագա աշխատանքներ[խմբագրել | խմբագրել կոդը]
2013 թվականից սկսած Գիտության թանգարանը սկսել է զարգացնել նոր կրթական բովանդակություն։ Նախագծի արժեքը 250 միլիոն դոլար է։ Երեք նոր ցուցասրահներ են բացվել։ Դրանք են Մարդկային կյանքի սրահը, Yawkee պատկերասրահը և Ի՞նչ է տեխնոլոգիան սրահը[5]։ Մարդկային կյանքի սրահը բացվել է 2013 թվականի նոյեմբերին, և հիմնական շեշտն այստեղ դրված է մարդու կենսաբանության վրա[6]։
2016 թվականի հոկտեմբերի 18-ին Նյու Յորքի նախկին քաղաքապետ Մայքլ Բլումբերգը հայտարարեց, որ իր Բլումբերգ բարեգործական հիմնադրամը 50 միլիոն դոլար է նվիրում թանգարանին։ Սա թանգարանի երբևէ ստացած ամենամեծ նվիրատվությունն է եղել[7]։
Շնորհանդեսներ և ծրագրեր[խմբագրել | խմբագրել կոդը]
Թանգարանն այցելուներին առաջարկում է մի շարք ցուցադրություններ, որոնցից են
Խորագրի հետևում. բացահայտում է գիտության ու տեխնոլոգիաների կարևոր նորությունները
Խորագրի հետևում. փոփոխվող կլիմա. ներկայացնում է կլիմայի վերաբերյալ կատարվող ուսումնասիրությունները, խոսում է փոփոխվող կլիմայի մասին և քննարկում է մոլորակի համար լավագույն լուծումները
Լաբորատորիա` ձեռքի տակ. բոլոր տարիքի այցելուներին հնարավորություն է տալիս բացահայտել գիտության տարբեր ուղղությունները
Նախագծային մարտահրավերներ. կազմակերպում է նախագծերի հետ կապված տարբեր խնդիրների լուծման վորքշոփեր
Լուսավորություն
Կենդանիների ցուցադրություն. բացահայտում է կենդանիների վարքը, հարմարավողականությունը
Գիտությունն ուղիղ եթերով. պատմում է գիտական բացահայտումների մասին
Հրաշք գիտություն
Գիտության ճեպանկար. ներկայացվում են վերջին գիտական ու տեխնոլոգիական զարգացումները մեր կյանքում
Ժամանակակից գիտության և տեխնոլոգիա կենտրոն
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ "Museum of Science history". Mos.org. Retrieved 2013-06-04.
- ↑ "Computer History Museum | Backgrounder". Computerhistory.org.
- ↑ "Planetarium History". Mos.org.
- ↑ Boston Fab (Ապրիլի 2, 2013). "Boston and Cambridge City Councils Unite Around Retention Issues Արխիվացված 2017-06-29 Wayback Machine"
- ↑ Ross, Casey (January 29, 2013). "Museum of Science gallery to overlook Charles". Boston Globe. Retrieved 4 June 2013.
- ↑ "Hall of Human Life". Museum of Science. Museum of Science, Boston.
- ↑ Shirley Leung (Հոկտեմբերի 18, 2016). "With $50m, Bloomberg thanks Museum of Science". The Boston Globe.
Արտաքին հղումներ[խմբագրել | խմբագրել կոդը]
 | Վիքիցեղերն ունի նյութեր, որոնք վերաբերում են «Գիտության թանգարան (Բոստոն)» հոդվածին։ |
 | Վիքիպահեստն ունի նյութեր, որոնք վերաբերում են «Գիտության թանգարան (Բոստոն)» հոդվածին։ |
| ||||||||||||||||||
