Գիորգի Շալուտաշվիլի
 გიორგი შალუტაშვილი | |
|---|---|
 | |
| Ծնվել է | սեպտեմբերի 1, 1965 (60 տարեկան) |
| Ծննդավայր | Թբիլիսի, Վրացական ԽՍՀ |
| Քաղաքացիություն |  Վրաստան |
| Գործունեության տարիներ | 1989 թվականից |
| Ազգություն | վրացի |
| Մասնագիտացում | կինեմատոգրաֆ |
Գիորգի Շալուտաշվիլի (վրաց.՝ გიორგი შალუტაშვილი, ծնվ. սեպտեմբերի 1 1965, Թբիլիսի, Վրացական ԽՍՀ), վրացի ռեժիսոր, մանկավարժ։
Կենսագրություն
[խմբագրել | խմբագրել կոդը]1987 թվականին ավարտել է Վրաստանի Շոթա Ռուսթավելու անվան թատերական ինստիտուտի ռեժիսուրայի ֆակուլտետը։
1989-1992 թվականներին եղել է Մեսխեթի պետական դրամատիկական թատրոնի գեղարվեստական ղեկավարը[1][2]։ 1992 թվականից աշխատում է Շոթա Ռուսթավելու թատրոնի և կինոյի համալսարանում որպես դասախոս՝ ղեկավարելով 8 դերասանական խումբ։ Նա բեմադրել է 80-ից ավելի ներկայացումներ, կարդացել դասախոսություններ և անցկացրել վարպետության դասեր Անգլիայում, Լեհաստանում, Հունգարիայում, Իսրայելում, Շվեդիայում և Չինաստանում։
Մասնակցել է բազմաթիվ միջազգային կինոփառատոների[3]։ 2012 թվականին Լոնդոնի մշակութային օլիմպիադայի շրջանակներում նրա ներկայացումը ճանաչվել է աշխարհի տասը լավագույն ուսանողական ներկայացումներից մեկը (ISDF-2012)։
2000 թվականից զբաղվում է վավերագրական կինոյով, նկարահանել է 20-ից ավելի վավերագրական ֆիլմեր։ Ազգային դրամատուրգիայի փառատոնի համահիմնադիրներից է։ 2008-2009 թվականներին եղել է Սանդրո Ախմետելիի անվան դրամատիկական թատրոնի գլխավոր ռեժիսոր։ 2014-2020 թվականներին եղել է դրամայի ֆակուլտետի դեկան, իսկ 2020 թվականից մինչ օրս Շոթա Ռուսթավելու անվան թատրոնի և կինոյի պետական համալսարանի ռեկտորն է[2]։
Մրցանակներ
[խմբագրել | խմբագրել կոդը]- Գրան-պրի, Եվրասիական հեռուստաֆորում (Մոսկվա), «Ընդունելի քննություններ» ֆիլմի համար (2001)
- Վրաստանի պատրիարքարանի հատուկ հավաստագիր «Թագավորության ճանապարհ» ֆիլմի համար (2006)
- «Սուրբ Անդրեասի խաչ» մրցանակ (Բաթումի միջազգային կինոփառատոն) լավագույն հեռուստատեսային ֆիլմի համար՝ «Մեծ Անդրեասի հետքերով» (2007)
- Գ. Էրիստավայի անվան կատակերգության փառատոնի գրան-պրի՝ «Ես ուզում եմ դառնալ լեդի» ներկայացման համար (2014)
- Թումանիշվիլիի անվան մրցանակ՝ «Թումանիշվիլու խնձորը», «Ձկնորս-մեկ, երկու» ներկայացման համար (2016)
- Վրաստանի թատերական ընկերության մրցանակ՝ տարվա լավագույն ռեժիսուրայի համար (2017)
Ծանոթագրություններ
[խմբագրել | խմբագրել կոդը]- ↑ «გიორგი შალუტაშვილი (1965)». www.nplg.gov.ge. Վերցված է 2025-01-30-ին.
- ↑ 2,0 2,1 «უნივერსიტეტის რექტორი – საქართველოს შოთა რუსთაველის თეატრისა და კინოს სახელმწიფო უნივერსიტეტი» (վրացերեն). 2025-01-13. Վերցված է 2025-01-30-ին.
- ↑ «WTEA International Theatre Festival 2023: Promoting theatre education to enhance mutual understanding». news.cgtn.com (անգլերեն). Վերցված է 2025-01-30-ին.