Գիշերը նավահագստում (նկար)
 Ночь в гавани | |
|---|---|
 | |
| տեսակ | գեղանկար |
| նկարիչ | Կասպար Դավիդ Ֆրիդրիխ |
| տարի | 1818-1820 թվականներ |
| բարձրություն | 74 սանտիմետր[1] |
| լայնություն | 52 սանտիմետր[1] |
| ստեղծման վայր | Գերմանիա[1] |
| ուղղություն | ռոմանտիզմ |
| ժանր | Նոկտյուրն (գեղանկարչություն) և քաղաքային բնանկար |
| նյութ | յուղաներկ և կտավ |
| գտնվում է | Պետական Էրմիտաժ |
| հավաքածու | Պետական Էրմիտաժ |
| կայք | |
Ծանոթագրություններ | |
 Night in a Harbour Վիքիպահեստում | |
«Գիշերը նավահանգստում» («Քույրերը»), գերմանացի նկարիչ Կասպար Դավիդ Ֆրիդրիխի նկարը՝ Պետական Էրմիտաժի հավաքածուից։ Նկարը նկարվել է 1818-1820 թվականներին, երբ Ֆրիդրիխը վերադարձավ հարսանեկան ճամփորդությունից։ Ֆրիդրիխի ստեղծագործությանը չափազանց բնորոշ է իրարից հեռու տարրերի միջև ռոմանտիկ կոմպոզիցիայի ազատ ձևավորումը։ Այսպես, օրինակ, նկարում իրար են միացված նավերի կայմերը նավահանգստում, Ֆրիդրիխի կողմից հորինված հուշարձանը՝ երկու սգավորների խաչի տեսքով և Հալլե քաղաքի երկու հայտնի ճարտարապետական կառույցները, որը բավականին հեռու է ծովից։
Ֆրիդրիխը այցելել է Հալլե 1811 թվականին և այնտեղ էսքիզներ է արել, որոնք հետագայում օգտագործվել են նկարի ստեղծման մեջ։ Հայտնի են նաև նավերի և նավային կայմերի բազմաթիվ նկարներ, որոնք Ֆրիդրիխը նկարել է տարբեր տարիների ընթացքում։ Մասնավորապես Օսլոյի ազգային պատկերասրահում պահվում է նմանատիպ տասնյակ ճեպանկարներ, որոնք արվել են Գրեյֆսվալդում՝ մատիտով, 1805-1815 թվականների ընթացքում։ 1818 թվականին նկարվել է նկար, որում պատկերված են երկու կին՝ պատուհանի մոտ, որում ամբողջապես մշակված է կանանց կազմվածքը, ինչպես նաև այդ նկարում գծագրված են խաչի մոտ երկու սգավորները։ Ճեպանկարը գտնվում է Բեռլինի Պետական թանգարանում[2]։
1820 թվականին արդեն պատրաստ նկարը ցուցադրվել է Դրեզդենի պատկերասրահի ցուցահանդեսում՝ «Քույրերը նավահանգստի պատշգամբում․ Գիշեր․ Աստղային լուսավորություն» անվան տակ։ Նույն թվականի վերջին նկարը ձեռք է բերել ռուսական գահաժառանգ մեծն իշխան Նիկոլայ Պավլովիչը (ապագա կայսր Նիկոլայ I), 1820 թվականին, երբ նա այցելել էր Ֆրիդրիխի արվեստանոց Դրեզդենում[3]։ Ռուսաստանում հայտնվելուց հետո նկարը տեղադրվել է Ալեքսանդրիայի Քոթեջում (Պետերգոֆ)։ Հայրենական մեծ պատերազմի ժամանակ տարհանվել է, իսկ պատերազմի ավարտից հետո հայտնվել է Պավլովսկ քաղաքի թանգարանային միջոցների Կենտրոնական պահոցում, որտեղից էլ 1945 թվականին փոխանցվել է Պետական Էրմիտաժ, 2014 թվականի վերջում ցուցադրվել է Գլխավոր շտաբի շենքի 352 սրահում[4].:
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 https://www.hermitagemuseum.org/wps/portal/hermitage/digital-collection/01.+Paintings/35749/
- ↑ Асварищ Б. И. Немецкая и австрийская живопись XIX—XX века. Каталог (Государственный Эрмитаж. Собрание западноевропейской живописи). — Л.: Искусство, 1988. — С. 83—84.
- ↑ Асварищ Б. И. Немецкая и австрийская живопись XIX—XX века. Каталог (Государственный Эрмитаж. Собрание западноевропейской живописи). — Л.: Искусство, 1988. — С. 84.
- ↑ Государственный Эрмитаж. — Фридрих Каспар Давид «Ночь в гавани (Сёстры)».