Գիյոմ Բիգուրդան

Վիքիպեդիայից՝ ազատ հանրագիտարանից
Jump to navigation Jump to search
Գիյոմ Բիգուրդան
ֆր.՝ Guillaume Bigourdan
GBigourdan.jpg
Ծնվել էապրիլի 6, 1851(1851-04-06)[1][2][3]
Sistels
Մահացել էփետրվարի 28, 1932(1932-02-28)[1][3] (80 տարեկանում)
Փարիզ, Ֆրանսիա
ԳերեզմանՄոնպարնաս գերեզմանատուն և Պեր Լաշեզ[4]
ՔաղաքացիությունՖրանսիա
Մասնագիտությունաստղագետ
Հաստատություն(ներ)Փարիզյան աստղադիտարան
Գործունեության ոլորտաստղագիտություն
ԱնդամակցությունՖրանսիական գիտությունների ակադեմիա
Տիրապետում է լեզուներինֆրանսերեն[1]
ՊարգևներԺուլ Ժանսենի մրցանակ Լալանդի մրցանակ Թագավորական աստղագիտական ընկերության ոսկե մեդալ և Լալանդի մրցանակ
Guillaume Bigourdan Վիքիպահեստում

Գիյոմ Բիգուրդան (ֆր.՝ Guillaume Bigourdan, ապրիլի 6, 1851(1851-04-06)[1][2][3], Sistels - փետրվարի 28, 1932(1932-02-28)[1][3], Փարիզ, Ֆրանսիա), ֆրանսիացի աստղագետ, գիտության պատմաբան և օդերևութաբան։

Կենսագրություն[խմբագրել | խմբագրել կոդը]

Ծնվել է Թարն-է-Գարոն դեպարտամենտի Սիստել քաղաքում։ Գիյոմը եղել է գյուղացու ընտանիքում ավագ որդին։ Ծնողները ջանք են գործադրել որդուն կրթություն ապահովելու համար։ Նա ստացել է բակալավրի աստիճան 1870 թվականին և հետագայում ստացել է ֆիզիկայի և մաթեմատիկայի գիտական աստիճաններ 1874 և 1876 թվականներին համապատասխանաբար։

1877 թվականից սկսած աշխատել է Տուլուզյան աստղադիտարանում որպես Ֆրանսուա Տիսերանի օգնական, իսկ 1879 թվականից տեղափոխվել է Փարիզի աստղադիտարան։ Կատարել է մի շարք ճանապարհորդություններ, մասնավորապես 1882 թվականին դեպի Մարտինիկա կղզի դիտելու համար Վեներայի անցումը Արեգակի սկավառակով, և 1883 թվականին Սանկտ Պետերբուրգ։

1885 թ. ամսուսնացել է Փարիզյան աստղադիտարանի տնօրեն ադմիրալ Ամադեյ Մուշեի դուստր Սոֆիի հետ։ Նրանց ընտանիքում ծնվեցին ինն երեխա։

1886 թ. Բիգուրդանը պաշտպանեց իր դոկտորական դիսերտացիան, որը անվանվում էր՝ «Կրկնակի աստղերի չափումների հավասարման մասին»։ Զբաղվել է կրկնակի աստղերի, աստերոիդների, գիսաստղների, միգամածությունների միջորեականական դիտարկումներով։ Կազմել է 6380 միգամածությունների տեղաբաշխման կատալոգ։ Նրա աշխատությունների մի մասը վերաբերվում են եգիպտական և բաբելական օրացույցների ուսումնասիրություններին[5]։ 1903 թ. դարձել է Երկայնությունների բյուրոյի անդամ և Ֆրանսիական գիտությունների ակադեմիայի ակադեմիկոս։ Բիգուրդանի 5 հատորյա աշխատությունը, որը նվիրված էր միգամածություններին և հրատարակվեց 1911 թ. բերեց նրան միջազգային ճանաչում։

1919 թ. Բիգուրդանին շնորհվեց Թագավորական աստղագիտական միության ոսկե մեդալ[6], իսկ 1883 և 1891 թթ.՝ Փարիզյան գիտությունների ակադեմիայի Լալանդի մրցանակ։ Բիգուրդանը Պատվո Լեգիոնի շքանշանի ասպետ էր։

1920 թ. Բիգուրդանին նշանակեցի Ժամանակի միջազգային բյուրոյի տնօրեն, իսկ 1924 թ. նա դարձավ Գիտությունների ակադեմիայի և Ֆրանսիայի ինստիտուտի նախագահ։ Թոշակի է անցել 1926 թ.։

Մահացել է 1932 թ. փետրվարի 28-ին Փարիզում, հուղարկավորվել է Մոնպառնաս գերեզմանատանը կնոջ հետ միասին ընտանեկան դամբարանում։

Հայտնաբերած աստերոիդներ՝ 1
(390) Ալմա 24 մարտի 1894

Ծանոթագրություններ[խմբագրել | խմբագրել կոդը]