Գիլերմո Լասո

Փոխել հղումները
Վիքիպեդիայից՝ ազատ հանրագիտարանից
Գիլերմո Լասո
Դիմանկար
Ծնվել էնոյեմբերի 16, 1955(1955-11-16)[1][2] (67 տարեկան)
ԾննդավայրԳուայակիլ, Գուայաս, Էկվադոր
ՔաղաքացիությունFlag of Ecuador.svg Էկվադոր
ԿրթությունInstitute of the Brothers of the Christian Schools? և Էկվադորի պապական կաթոլիկ համալսարան
Մասնագիտությունքաղաքական գործիչ, բանկիր և international forum participant
ԱշխատավայրBanco Guayaquil? և Bolsa De Valores De Guayaquil?
ԱմուսինMaria De Lourdes Alcivar?
Զբաղեցրած պաշտոններPresident of Ecuador?
ԿուսակցությունCREO?[3]
Commons-logo.svg Guillermo Lasso Վիքիպահեստում

Գիլերմո Ալբերտո Սանտյագո Լասո Մենդոզա, (Իսպաներեն արտասանություն՝ [ɡiˈʝeɾmo ˈlaso], նոյեմբերի 16, 1955(1955-11-16)[1][2], Գուայակիլ, Գուայաս, Էկվադոր), էկվադորցի գործարար, բանկիր, գրող, «Դե Գուայակիլ» բանկի ամենամեծ բաժնետեր, Էկվադորի 47-րդ և ներկայիս նախագահը[4][5]։

Կենսագրություն[խմբագրել | խմբագրել կոդը]

Լասոն ծնվել է Գուայակիլ քաղաքում[6][7]։ Նրա ծնողները՝ Էնրիկե Լասո Ալվարադոն և Նորա Մենդոզան եղել են միջին խավից[7][8]։ Ֆինանսական դժվարություններ ունեցող ընտանիքում ապրել են 11 քույր և եղբայր[7]։ Ուսման ծախսերը հոգալու համար Լասոն 15 տարեկանից գումար է աշխատել[7]։ 1970 թվականին կես դրույքով աշխատանքի է անցել Գուայակիլի ֆոնդային բորսայում, իսկ ավելի ուշ՝ որպես հավաքագրման գործակալի օգնական։

Դպրոցն ավարտելուց հետո ընդունվել է Կիտոյում գտնվող Էկվադորի պապական կաթոլիկ համալսարան՝ տնտեսագիտություն սովորելու համար, սակայն համալսարանից հեռացվել է առանց աստիճան ստանալու[9]։

Լասոն 23 տարեկանում ավագ եղբոր աջակցությամբ հիմնել է իր սեփական՝ «Constructora Alfa y Omeg» շինարարական ընկերությունը[10]։

1977 թվականին Լասոն ծանոթացել է Մարիա դե Լուրդես Ալկիվարի հետ, որի հետ էլ ամուսնացել է 1980 թվականին[11]։ Նրանք ունեն են 5 երեխա[11]։

Էկվադորում «Coca-Cola» ընկերության տևական սնանկացումից հետո Լասոն նշանակվել է ընկերության ղեկավար։ Նա հանձնարարական էր ստացել կարճ ժամանակում ընկերությանը հանել սնանկացումից[12]։ Դրանից հետո նա նշանակվել է Coca-Cola և Mavesa ընկերությունների տնօրենների խորհուրդների անդամ[13]։

1994 թվականին Լասոն դարձել է «Դե Գուայակիլ» բանկի գործադիր տնօրեն, որից նա հրաժարվել է 2012 թվականին[14]։

1998 թվականին նշանակվել է Գուայաս նահանգի նահանգապետ, 1999 թվականին՝ էկոնոմիկայի նախարար։ Միաժամանակ ղեկավարել է Էկվադորի ֆինանսների և էներգետիկայի նախարարությունը, սակայն այդ պաշտոնում մնացել է ընդամենը 37 օր։ Նախագահ Համիլ Մաուադի հետ պետական պարտքի շուրջ անմիաբանության պատճառով ստիպված է եղել հրաժարվել այդ պաշտոնից։

Եղել է էկվադորցի քաղաքական գործիչ և զինվորական Լուսիո Գուտիերես տնտեսական հարցերով խորհրդականը։

2011 թվականին լույս է տեսել Լասոնի «Նամակներ իմ երեխաներին» գիրքը։ Գիրքը պարունակում է դասեր, որոնք նա մշակել է բիզնեսում աշխատելու ընթացքում։ Գրքում զետեղվել են նաև Էկվադորի տնտեսական զարգացման վերաբերյալ առաջարկություններ[15]։

2012 թվականին նա հրատարակել է իր «Otro Ecuador Es Posible» գիրքը[16]։

2012 թվականին նա դարձել է աջ կենտրոնամետ «CREO» (Ես հավատում եմ) կուսակցության հիմնադիրներից մեկը։ 2013 թվականին նույն կուսակցությունից եղել է Էկվադորի նախագահի թեկնածու և 22,68 տոկոս ձայներով զբաղեցրել երկրորդ տեղը՝ զիջելով գործող նախագահ Ռաֆայել Կորեային, որը հավաքել էր ձայների 57,17 տոկոսը։ Կորեան իր հերթին բազմիցս մեղադրել է Լասոյին՝ 1990-ական թվականների վերջի բանկային ճգնաժամի համար անձամբ պատասխանատու լինելու մեջ՝ միլիարդավոր դոլարներ օֆշորային գոտիներ արտահանելու համար[17]։

2017 թվականի նախագահական ընտրություններում Լասոն կրկին առաջադրել է իր թեկածությունը։ Վերջինիս քարոզարշավի թեման եղել է Էկվադորում 1 միլիոն աշխատատեղերի ստեղծումը։ Նախագահի մյուս թեկնածու Լենին Մորենոյի հետ Լասոն անցել է երկրորդ փուլ, հավաքել ձայների 49%-ը և տանուլ տվել Մորենոյին[18]։

2018 թվականին Լասոն ողնուղեղի վիրահատության է ենթարկվել ԱՄՆ Քլիվլենդի կլինիկայում՝ 2013 թվականին Իսպանիայում ուխտագնացության ժամանակ ընկնելու և մեջքը վնասելու հետևանքով[19][20]։

2021 թվականի ապրիլին Լասոն ձայների 52,48%-ով հաղթել է նախագահական ընտրությունների երկրորդ փուլում[21]։

2021 թվականի հունիսին Լասոն ողնուղեղի երկրորդ վիրահատությունն է տարել Միացյալ Նահանգներում, որպեսզի վերականգնի ոտքերի կանոնավոր շարժումը[22]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Library of Congress Authorities — Library of Congress.
  2. ↑ 2,0 2,1 https://elyex.com/guillermo-alberto-santiago-lasso-mendoza/
  3. ↑ Guillermo Lasso se afilia al movimiento CREO y critica al Gobierno (իսպ.)
  4. ↑ «LATEST: Ecuador's pro-market candidate Guillermo Lasso wins the presidential runoff»։ Bloomberg Quicktake։ 11 April 2021։ Վերցված է 11 April 2021 
  5. ↑ «Ecuador goes with conservative banker in presidential vote»։ Associated Press։ 11 April 2021 
  6. ↑ «Guillermo Lasso Biografía» (իսպաներեն)։ Noticias Tutoriales Herramientas։ 12 April 2021։ Վերցված է 12 April 2021 
  7. ↑ 7,0 7,1 7,2 7,3 «Guillermo Lasso recordó su infancia al visitar la casa en la que nació» (Spanish)։ El Telegrafo։ 30 April 2021։ Վերցված է 3 May 2021 
  8. ↑ «The beginning of the future»։ Silo։ Վերցված է 3 May 2021 
  9. ↑ «FACTBOX-Leftist and banker fight for Ecuador presidency -»։ Reuters 
  10. ↑ Гильермо Лассо | Глоссарий
  11. ↑ 11,0 11,1 «Esta es la familia de Guillermo Lasso, nuevo presidente de Ecuador» (իսպաներեն)։ El Tiempo։ 12 April 2021։ Վերցված է 13 April 2021 
  12. ↑ Gross Lisette Arévalo (30 March 2017)։ «Quién es Guillermo Lasso, candidato presidencial por el movimiento CREO» 
  13. ↑ «Guillermo Lasso . El emprendedor que promete "el regreso de la democracia" a Ecuador»։ 1 April 2017 
  14. ↑ «Guillermo Lasso renunció a la presidencia ejecutiva del Banco de Guayaquil»։ El Universo։ 7 May 2012 
  15. ↑ «Guillermo Lasso presenta su libro "Carta a mis hijos"»։ www.ecuadorinmediato.com։ Արխիվացված է օրիգինալից 2020-05-09-ին։ Վերցված է 2021-12-29 
  16. ↑ Otro Ecuador es posible
  17. ↑ Эквадор пошел по ленинскому пути
  18. ↑ «Ленин и светлое будущее Эквадора: что известно о лидере президентской гонки»։ ТАСС (ռուսերեն)։ Վերցված է 2017-04-05 
  19. ↑ «Venezuela opposition leader thanks countries for accepting refugees, Lasso to have spinal surgery, Pilsener beer launches European sales»։ Cuenca High Life։ September 6, 2018։ Վերցված է May 3, 2021 
  20. ↑ «FALSE: Guillermo Lasso has terminal cancer»։ Ecuador Chequea։ September 30, 2020։ Վերցված է May 3, 2021 
  21. ↑ Правоцентрист Гильермо Лассо побеждает на выборах президента Эквадора - Международная панорама - ТАСС
  22. ↑ «President of Ecuador travels to Miami for a spinal cord operation – Telemundo Miami (51)»։ Explica։ June 19, 2021։ Արխիվացված է օրիգինալից July 4, 2021-ին։ Վերցված է December 29, 2021 

Արտաքին հղումներ[խմբագրել | խմբագրել կոդը]

Commons-logo.svg Գիլերմո Լասո Վիքիպահեստում
Ֆոտո, վիդեո և աուդիո
Բառարաններ և հանրագիտարաններ
Չափորոշչային վերահսկողություն
GND: 1032345586 · ISNI: 0000 0004 0157 4014 · LCCN: no2013012363 · VIAF: 296389156 · WorldCat VIAF: 296389156
Ստացված է «https://hy.wikipedia.org/w/index.php?title=Գիլերմո_Լասո&oldid=8527900» էջից