Գիլա Ալմագոր

Վիքիպեդիայից՝ ազատ հանրագիտարանից
Գիլա Ալմագոր
Ծննդյան թիվ՝հուլիսի 22, 1939(1939-07-22)[1] (84 տարեկան)
Ծննդավայր՝Պետահ Տիկվա, Կենտրոնական մարզ, Իսրայել
Քաղաքացիություն՝ Իսրայել
Մասնագիտություն՝գրող, սցենարիստ, մանկագիր, թատրոնի դերասանուհի, կինոդերասանուհի և կինոպրոդյուսեր
Պարգևներ՝
IMDb։ID 0021734

Գիլա Ալմագոր (եբրայերեն՝ גילה אלמגור‎, ծննդյան անունը՝ Գիլա Ալեքսանդրովիչ, հուլիսի 22, 1939(1939-07-22)[1], Պետահ Տիկվա, Կենտրոնական մարզ, Իսրայել), թատրոնի և կինոյի իսրայելցի դերասանուհի, գրող, սցենարիստ, պրոդյուսեր։

Կենսագրություն[խմբագրել | խմբագրել կոդը]

Գիլա Ալմագորը ծնվել է Բրիտանական Պաղեստինի Պետահ-Տիկվա քաղաքում՝ Գերմանիայից հայրենադարձված Մաքս Ալեքսանդրովիչի ընտանիքում։ Նրա ծնվելուց 4 օր ամիս առաջ հայրն սպանվել էր Հայֆայի ոստիկանությունում աշխատող արաբ դիպուկահարի ձեռքով։ Մայրը՝ Գենյան, ինքն է դաստիարակել դստերը, և երբ լրացել է Գիլայի 14 տարին, մոր մոտ ախտորոշվել է հոգեկան հիվանդություն, որի պատճառը Գերմանիայում Հոլոքոստի ժամանակ նրա բոլոր հարազատների զոհվելն էր[4]։ 1954 թվականին մորը տեղափոխել են հիվանդանոց, իսկ Գիլային ուղարկել Հադասիմի գիշերօթիկ դպրոց։

2 տարի անց Գիլան տեղափոխվել է Թել Ավիվ, որտեղ բնակարան է վարձակալել Հաբիմա թատրոնի մոտ և հաճախել թատերական դպրոց։ Նրան ընդունել են՝ չնայած շատ երիտասարդ տարիքին[5]։ 17 տարեկան հասակում՝ ընդունելության քննությունները հաջողությամբ հանձնելուց հետո, Գիլա Ալմագորն սկսել է խաղալ Հաբիմայի թատրոնում։ Նրա առաջին ներկայացումը կոչվում էր «Մեր ատամների մաշկը»[6]։ 1960 թվականին առաջին անգամ նկարահանվել է գեղարվեստական ֆիլմում, որ կոչվում էր «Տաք ավազներ»։ 1963 թվականին մեկնել է Ամերիկա՝ սովորելու Լի Ստրասբերգի թատրոնի և կինոյի ինստիտուտում։ Միաժամանակ դերասանական վարպետություն է սովորել HB ստուդիայում՝ Ուտա Հագենի մոտ և ժամանակակից բալետ՝ Աննա Սոկոլովի մոտ[7]։ 1965 թվականին վերադարձել է Իսրայել և սկսել խաղալ Կամերի թատրոնում։ 1 տարի անց հեռացել է թատրոնից և սկսել համագործակցել երկրի բազմաթիվ թատրոնների հետ։ Գրել է ինքնակենսագրական 2 գիրք, երկուսն էլ էկրանավորվել են, երկուսում էլ Գիլա Ալմագորը խաղացել է իր մոր դերը։

Ամուսնացած է Հաբիմայի նախկին տնօրեն Յակով Ագմոնի հետ[6]։ Ունեն երկու երեխա[4]։

Գործունեություն[խմբագրել | խմբագրել կոդը]

Գիլա Ալմագորը գլխավոր դերեր է խաղացել բազմաթիվ ներկայացումներում, նկարահանվել է ավելի քան 40 ֆիլմում, որոնց մեծ մասն իսրայելական է։ Վաղ շրջանի խոշոր ձեռքբերումներից են գլխավոր դերերը «Ճանապարհի թագուհին», «Կյանքն Ագֆայում», «Շլուշ փողոցի տունը» ֆիլմերում։ Նկարահանվել է Սթիվեն Սփիլբերգի «Մյունխեն» ֆիլմում, որտեղ խաղացել է Ավների մոր դերը։ «Թթենու տակ» ֆիլմը, որում նա ոչ միայն խաղացել է, այլ նաև մասնակցել ֆիլմի ստեղծմանը, Իսրայելը ներկայացրել Կաննի կինոփառատոնում և ցուցադրվել աշխարհի բազմաթիվ փառատոններում։ 2007 թվականին նկարահանվել է «Պարտք» ֆիլմում, դրա հիման վրա հետագայում նկարահանվել է Ջոն Մեդենի «Հատուցում» ֆիլմը։

Մրցանակներ[խմբագրել | խմբագրել կոդը]

Գիլա Ալմագորն ունի մոտ 50 մրցանակ։ Ստացել է Կինոր Դավիդի 10 պարգև՝ կինոյում և թատրոնում ունեցած աշխատանքների համար։

1993 թվականին եղել է Մոսկովյան 18-րդ կինոփառատոնի ժյուրիի անդամ[8]։ 1996 թվականին եղել է Բեռլինի 46-րդ միջազգային կինոփառատոնի ժյուրիի անդամ[9]։

1990 թվականին ընտրվել է Եդիոտ Ահրոնոթ օրաթերթի և Իսրայելի կինոյի ինստիտուտի տասնամյակի դերասանուհի[4][10]։

2004 թվականին պարգևատրվել է Իսրայելի պետական մրցանակով կինոյի բնագավառում[11][12]։

2009 թվականին Բեն-Գուրիոնի անվան և Թել Ավիվի համալսարանները նրան շնորհել են պատվավոր դոկտորի աստիճան[13]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Deutsche Nationalbibliothek Record #12155547X // Gemeinsame Normdatei (գերմ.) — 2012—2016.
  2. ↑ https://cms.education.gov.il/EducationCMS/Units/PrasIsrael/Tashsad/GilaAlmagor/
  3. ↑ https://www.israelfilmacademy.co.il/זוכי-מפעל-חיים-קולנוע/
  4. ↑ 4,0 4,1 4,2 «Encyclopedia of Jewish Women». Jwa.org. 2009 թ․ մարտի 1. Արխիվացված օրիգինալից 2013 թ․ հուլիսի 11-ին. Վերցված է 2010 թ․ սեպտեմբերի 29-ին.
  5. ↑ «About Gila Almagor». google.com. Արխիվացված է օրիգինալից 2009 թ․ հունվարի 7-ին. Վերցված է 2010 թ․ սեպտեմբերի 29-ին. {{cite web}}: Invalid |url-status=404 (օգնություն)
  6. ↑ 6,0 6,1 «Israeli speakers». Israeli speakers. Արխիվացված է օրիգինալից 2013 թ․ հուլիսի 11-ին. Վերցված է 2010 թ․ սեպտեմբերի 29-ին.
  7. ↑ «биография на сайте Государственной премии Израиля». Արխիվացված օրիգինալից 2013 թ․ հուլիսի 11-ին. Վերցված է 2013 թ․ մայիսի 25-ին.
  8. ↑ «18th Moscow International Film Festival (1993)». MIFF. Արխիվացված է օրիգինալից 2013 թ․ հուլիսի 11-ին. Վերցված է 2013 թ․ մարտի 9-ին.
  9. ↑ «Berlinale: 1996 Juries». berlinale.de. Արխիվացված օրիգինալից 2013 թ․ հուլիսի 11-ին. Վերցված է 2012 թ․ հունվարի 1-ին.
  10. ↑ «Israel Arts Directory». Արխիվացված է օրիգինալից 2014 թ․ օգոստոսի 7-ին. Վերցված է 2017 թ․ օգոստոսի 17-ին.
  11. ↑ «Israel Prize Official Site (in Hebrew) – Recipient's C.V.». Արխիվացված օրիգինալից 2013 թ․ հուլիսի 11-ին. Վերցված է 2017 թ․ օգոստոսի 17-ին.
  12. ↑ «Israel Prize Official Site (in Hebrew) – Judges' Rationale for Grant to Recipient». Արխիվացված օրիգինալից 2013 թ․ հուլիսի 11-ին. Վերցված է 2017 թ․ օգոստոսի 17-ին.
  13. ↑ «Biography at the Institute for Translation of Hebrew Literature». Ithl.org.il. 2010 թ․ սեպտեմբերի 15. Արխիվացված է օրիգինալից 2001 թ․ դեկտեմբերի 26-ին. Վերցված է 2010 թ․ սեպտեմբերի 29-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Գիլա Ալմագոր» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Գիլա_Ալմագոր&oldid=9808090» էջից