Գիբրալֆարո

Գիբրալֆարո
	Gibralfaro
Տեսակ	լեռ
Երկիր	Իսպանիա
Վարչատարածքային միավոր	Մալագա
Աշխարհագրական; տեղադրություն	Montes de Málaga?
Լեռնաշղթա	Կորդիլիերա Պենիբետիկա
Մասն է	Montes de Málaga?
Բարձրությունը ծովի մակարդակից	130 մետր

Գիբրալֆարո (իսպ.՝ Gibralfaro), բլուր Իսպանիայի հարավարևելյան շրջանի Մալագա պրովինցիայում։ Մալագայի լեռերի ստորոտներից մեկն է՝ 130մ բարձրությամբ, Կորդիլիեր-Պենիբետիկայի մի մասը^[1]։ Բլրի գագաթին տեղակայված է Գիբրալֆարո ամրոցը, որից բացվում է տեսարան դեպի Մալագա քաղաք և Միջերկրական ծով։

Պատմություն

Գիբրալֆարոն եղել է ամրաշինությունների վայր՝ սկսած Մալագայի Փյունիկյան հիմնադրումից, մոտավորապես մ.թ.ա 700 թվականին։ 14-րդ դարի սկզբին Գրանադայի ամիրայությունից Յուսուֆ I-ը բլրի գագաթին կառուցել է հսկայական ամրոց՝ Փյունիկյան պարսպի ներսում։ Անունը ծագել է փյունիկյան լույս բառից՝ Jbel-Faro, որը նշանակում է Լույսի Ժայռ։ Ամրոցը հայտնի է երեքամսյա պաշարումով, որը տեղի է ունեցել 1487 թվականին կաթոլիկ միապետների Ֆերդինանդ II-ի ու Իզաբելլա թագուհու կողմից ինչն ավարտվել է այն ժամանակ, երբ սովը ստիպել է մալագացիներին հանձնվել։

2005 թվականի վերջին, սոճու և էվկալիպտի խիտ անտառ տնկվեց բլրի վրա։ Նրա եզրերում սեմինարիայի, Մալագայի ալկասաբայի, Jardines de Puerta Oscura պատմական շենքերն են և Պարադորի հյուրանոցը^[2]։

Ամրոցի առավել տեսանելի մնացորդները այսօր ամուր հենարան են աճող սոճիների համար։ Գիբրալֆարոյի Centro de Interpretación de Gibralfaro կենտրոնը փոքր թանգարան է, որում ցուցադրվում է ամրոցի պատմությունը դարերի ընթացքում՝ սկսած Ռեկոնկիստայից։ Ամրոցն օգտագործվել է որպես ռազմական կառույց մինչև 1925 թվականը։

Ներկայումս լեռան և նրա շրջակայքի պաշտպանության նախագիծը դրված է հաստատման։ Մեկ այլ նախագծով ծրագրվում է կառուցել ճոպանուղի, որը կկապի քաղաքի կենտրոնը Գիբրալֆարո ամրոցի հետ^[3]։

Ամրոցից բացվում է հրաշալի տեսարան դեպի Մալագա քաղաք։

Երկրաբանություն

Գիբրալֆարոն Մալագայան լեռների հարավային ստորոտների մեկն է, Կորդիլիեր-Պենեբետիկա լեռնաշղթայից, որը կազմավորվել է Անդալուզյան լեռների Maláguide տեկտոնիկ տարրերից։