Գերշվին (թատրոն)

Վիքիպեդիայից՝ ազատ հանրագիտարանից
Jump to navigation Jump to search
Picto infobox masks.png
Գերշվին
Gershwin Theatre NYC.jpg
Տեսակթատրոն
ԵրկիրFlag of the United States.svg ԱՄՆ
Գտնվելու վայրըՆյու Յորք շրջան
Անվանված էՋորջ Գերշվին[1] և Ira Gershwin?[1]
ՃարտարապետRalph Alswang?[1]
Կայքgershwintheatre.com(անգլ.)
Gershwin Theatre Վիքիպահեստում

«Գերշվին» (անգլ.՝ The Gershwin Theatre), բրոդվեյան թատրոն, գտնվում է 51-րդ փողոցի արևմտյան մասում, Փարամաունթ Պլազա շենքում, Մանհեթենի թատերական թաղամասում, Նյու Յորք, ԱՄՆում։ Հանդիսասրահը նախատեսված է 1933 հոգու համար, այն Բրոդվեյի ամենամեծ թատրոնն է։ Թատրոնը ղեկավարում է «Nederlander Organization»-ը։ Թատրոնի նախասրահում է գտնվում Ամերիկյան թատրոնի փառքի դահլիճը։

Պատմություն[խմբագրել | խմբագրել կոդը]

Թատրոնի տարածքը գտնվում է «Փարամաունթ պլազա» երկնաքերի առաջին հարկերում, «Կապիտոլիում» թատրոնի պատմական վայրում։ Ներքին մոդեռն ոճով հարդարանքը նախագծվել է ըստ սցենոգրաֆ Ռալֆ Ալսվանգի։ Շինարարությունն արժեցել է մոտավորապես 12.5 միլիոն դոլար[2]. Թատրոնը բացվել է 1972 թվականի նոյեմբերի 28-ին, «Ուրիս» անվամբ (անգլ.՝ Uris Theatre) (ըստ իմպրեսարիո եղբայրներ Հարոլդ և Փերսի Ուրիսների ազգանվան)։ Բացման օրը թատրոնում կայացել է «Վիա Գալակտիկա» մյուզիքլի առաջնախաղը։ Ներկայացումը հաջողություն չի ունեցել և հենց առաջին բեմադրությունից հետո ֆինանսական զգալի վնասներ է պատճառել։ Մյուզիքլը չի ցուցադրվել 7 բեմադրությունից հետո։ 1974-1976 թվականներին թատրոնն օգտագործվել է որպես համերգասրահ փոփ և ջազային կատարողների համար։ Այստեղ ելույթներ են ունեցել Ֆրենկ Սինատրան, Էլլա Ֆիցջերալդը, Քաունթ Բեյսին, Ռաֆայելը (իսպանացի երգիչ), Միշել Լեգրանը, Էնդի Ուիլյամսը, Ջոնի Մետիսը, Էնթոնի Նյուլին, Queen-ը և ուրիշներ։ 1983 թվականի հունիսի 5-ին այստեղ անց է կացվել Թոնի մրցանակաբաշխության պարգևատրման արարողությունը։ Այս առթիվ թատրոնը վերանվանվել է` կոչվելով «Գերշվին», ըստ Այրա (գրող) և Ջորջ (կոմպոզիտոր) Գերշվինների ազգանվան[3]։ 2003 թվականի հոկտեմբերի 30-ից սկսած մինչև այսօր «Գերշվինում» ցուցադրվում է ամերիկյան ամենահաջողված մյուզիքլներից մեկի` «Չարակամը»։ Այն թատրոնի վաճառքի ռեկորդ է սահմանել 2013 թվականի վերջին շաբաթը` հավաքելով 3.201.333 դոլար։ Սա նաև բրոդվեյան բոլոր բեմադրությունների շաբաթվա վաճառքի ռեկորդ է, ինչպես նաև` առաջին անգամ է մեկ շաբաթվա վաճառքից հավաքվել 3 միլիոնից ավել գումար[4]։

Հիմնական բեմադրություններ[խմբագրել | խմբագրել կոդը]

  • 1972. «Վիա Գալակտիկա»
  • 1973. «Ճոճանակ» (մյուզիքլ), «Ժիժի» (մյուզիքլ)
  • 1977. «Թագավորն ու ես» (մյուզիքլ)
  • 1979. «Սուինի Տոդ, սատանա վարսավիրը Ֆլիտ սթրիթից» (մյուզիքլ)
  • 1981. «Պենզանսի ծովահենները», «Իմ սքանչելի տիկին» (մյուզիքլ)
  • 1985. «Անձրևի տակ երգողները» (մյուզիքլ)
  • 1987. «Աստղային ճեպընթաց» (բրոդվեյան առաջնախաղ)
  • 1989. «Դիմավորիր ինձ Սենթ-Լուիսում» (մյուզիքլ)
  • 1990. «Ջութակահարը տանքիում» (մյուզիքլ)
  • 1997. «Կանդիդ կամ լավատեսություն», «1776» (մյուզիքլ)
  • 2000. «„Riverdance“-ը Բրոդվեյում»
  • 2002. «Օկլահոմա»
  • 2003. «Չարակամը» (մյուզիքլ) (ընթացիկ ներկայացում)

Ծանոթագրություններ[խմբագրել | խմբագրել կոդը]

  1. 1,0 1,1 1,2 Internet Broadway Database — 2000.
  2. «The Gershwin Theatre»։ Gershwin Theatre։ Արխիվացված է օրիգինալից 2017-11-19-ին։ Վերցված է 11 декабря 2014 
  3. Carol Lawson (6 июня 1983)։ «'Cats' and 'Torch song trilogy' win top Tonys»։ Վերցված է 11 декабря 2014 
  4. Erik Piepenburg (30 декабря 2013)։ «A Record-Setting Week on Broadway»։ Վերցված է 11 декабря 2014 

Արտաքին հղումներ[խմբագրել | խմբագրել կոդը]