Գերմանիայի հայոց թեմ

Վիքիպեդիայից՝ ազատ հանրագիտարանից
Jump to navigation Jump to search
Հայ Եկեղեցու Գերմանիայի Թեմ
ԵրկիրԳերմանիա Գերմանիա
ՎարչկենտրոնՔյոլն
Հիմնադրված1991
Մայր տաճարՔյոլնի Սուրբ Սահակ-Մեսրոպ եկեղեցի
Ծխեր15 ծուխ կամ համայնք
ԱռաջնորդՍերովբե Եպիսկոպոս Իսախանյան
Հոգևորականների թիվ7
Թեմի բնակչություն60-80 հազար հայ մարդ
Պաշտոնական կայքwww.armenische-kirche.de

Գերմանիայի Հայոց Թեմ, Հայ առաքելական եկեղեցու թեմ Գերմանիայում, որի իրավասության ներքո է ամբողջ երկիրը։

Պատմություն[խմբագրել | խմբագրել կոդը]

Հայ Առաքելական եկեղեցու Գերմանիայի թեմը կազմավորվել է 1991 թվականին Ամենայն Հայոց Կաթողիկոս Վազգեն Ա-ի կոնդակով[1]։ Առաջնորդանիստը Քյոլնի Աբ Սահակ-Մեսրոպ եկեղեցին է։ Թեմի կազմի մեջ են մտնում 15 համայնքներ Գերմանիայի մի շարք քաղաքներում, ինչպէս օրինակ՝ Քյոլն[2], Բեռլին[3], Մյունխեն, Մայնց[4], Գյոպպինգեն[5], Հանաու[6], Նյուրնբերգ, Բրեմեն եւ այլն: Թեմում ներկա պահին ծառայում են Թեմակալ Առաջնորդից բացի եւս վեց հոգեւորականներ[7]։

Թեմի կազմավորումից առաջ Գերմանիայի հայ համայնքը մինչեւ 1980 թ․եկեղեցական իմաստով մաս է կազմել Արեւմտյան Եվրոպայի Հայրապետական Պատվիրակության (կենտրոնը՝ Փարիզ), իսկ այնուհետեւ Կենտրոնական Եվրոպայի Հայրապետական Պատվիրակության (կենտրոնը՝ Վիենա

Գերմանիայի Հայոց Թեմը իր սկզբնավորման պահից սերտորեն համագործակցել եւ համագործակցում է Գերմանիայում գործող ավետարանական և կաթողիկե եկեղեցիների հետ։ Այն լիիրավ անդամ է Գերմանիայի Միջ-Եկեղեցական Կենտրոնական Խորհրդի[8]։

Մինչև 1984 թվականին գերմանահայ համայնքը եկեղեցի չի ունեցել արարողությունների համար և օգտագործել են տեղի ավետարանական եկեղեցիները։ 1984 թվականից Գյոփինգենում գործում է Սբ. Խաչ եկեղեցին, որը 2019 թ. սկզբից սեփականության իրավունքով փոծանցվեց Թեմին։ 1998 թվականին Քյոլնում Գարեգին Ա Ամենայն Հայոց Կաթողիկոսը կատարել է առաջնորդանիստ Սբ. Սահակ-Մեսրոպ եկեղեցու օծումը[9], որը նախկին կաթողիկե եկեղեցի է եւ կառուցվել 1958-ին[10], իսկ 1987 թ․-ից մշտապես ծառայում էր տեղի հայկական համայնքին։ 2006 թ․ Սաքսոնիա-Անհալտի փոքրաթիվ հայ համայնքը Հալլե քաղաքում Թեմի նյութական օժանդակությամբ կարողացավ ձեռք բերել նախկին կաթողիկե մի եկեղեցի, որը վերանորոգումից հետո 2007 թ. ապրիլին վերաօծվեց եւ ստացավ «Սուրբ Հարություն» անունը[11]։ Թեմի հովանավորության ներքո գործող մնացած 12 համայնքները իրենց արարողությունների համար վարձակալում են տվյալ քաղաքում գտնվող կաթողիկե կամ ավետարանական եկեղեցիները։

Թեմի առաջին առաջնորդն էր Տ․ Գարեգին արքեպիսկոպոս Բեքջյանը (1991-2018)։ Նրա հրաժարականից հետո[12], 2018-ի ապրիլի 15-ին, Թեմական-Պատգամավորական Ժողովը Թեմի նոր առաջնորդ է ընտրել Տ․ Սերովբե վարդապետ Իսախանյանին[13]։ 2019 թ. մայիսի 12-ին Մայր Աթոռ Սբ. Էջմիածնում թեմակալ առաջնորդը ձեռնադրվել է եպիսկոպոս՝ ձեռամբ Գարեգին Բ Ամենայն Հայոց Կաթողիկոսի[14]:

Տես նաև[խմբագրել | խմբագրել կոդը]

  1. «ԳԵՐՄԱՆԻԱՅԻ ՀԱՅ ՀԱՄԱՅՆՔ»։ Hayern Aysor (ամհարերեն)։ 2013-11-25։ Վերցված է 2019-07-31 
  2. adminian։ «Armenische Gemeinde Köln | Քէօլնի Հայ Համայնք» (de-DE)։ Վերցված է 2019-08-03 
  3. «Armenische Kirchen- und Kulturgemeinde Berlin e.V. | Behaimstr. 22, 10585 Berlin (Charlottenburg) Öffnungszeiten jeden Freitag ab 18:30» (de-DE)։ Վերցված է 2019-08-03 
  4. «Armenier-RheinMain/Armenische Kirche»։ Վերցված է 2019-08-03 
  5. https://agbw.org/ 
  6. «Armenier-RheinMain/Armenische Kirche»։ Վերցված է 2019-08-03 
  7. akd1991 (2017-03-12)։ «Geistliche»։ Diözese der Armenischen Kirche in Deutschland (de-DE)։ Վերցված է 2019-08-03 
  8. «Mitglieder»։ www.oekumene-ack.de (de-DE)։ 2017-03-09։ Վերցված է 2019-08-03 
  9. «Հայկական Հանրագիտարան»։ www.encyclopedia.am։ Վերցված է 2019-07-31 
  10. «MauNieWei - St. Christophorus»։ gemeinden.erzbistum-koeln.de։ Վերցված է 2019-08-03 
  11. «Գերմանիայի Հալլե քաղաքում բացվել է հայկական նոր եկեղեցի»։ armenpress.am (հայերեն)։ Վերցված է 2019-08-03 
  12. Sputnik։ «Գարեգին Բեկչյանն այլևս Գերմանիայի Հայոց թեմի առաջնորդը չէ»։ Sputnik Armenian (հայերեն)։ Վերցված է 2019-07-31 
  13. LLC VIP Studio։ «Տ. Սերովբէ վրդ. Իսախանեան ընտրուեցաւ Գերմանիոյ Թեմի Առաջնորդ»։ arevelk.am (հայերեն)։ Վերցված է 2019-07-31 
  14. «Եպիսկոպոսական ձեռնադրություն և օծում Մայր Աթոռ Սուրբ Էջմիածնում»։ Hetq.am (հայերեն)։ Վերցված է 2019-08-03