Գետնաստղ բուրավետ

Վիքիպեդիայից՝ ազատ հանրագիտարանից
Jump to navigation Jump to search
Գետնաստղ բուրավետ
Galium odoratum Flower.JPG
Գիտական դասակարգում
Բաժին Ծածկասերմեր
Ընտանիք Տորոնազգիներ
Տեսակ Գետնաստղ բուրավետ
Լատիներեն անվանում
Asperula odorata


Գետնաստղ բուրավետ (լատ.՝ Asperula odorata), տորոնազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

Բարակ սողացող կոճղարմատով 10-60 սմ բարձրությամբ, ուղիղ քառանիստ ցողունով բազմամյա խոտաբույս է։ Օղակաձև հանգույցներում դասավորված են սրածայր նշտարաձև թավոտ տերևները։ Գագաթնային ծաղկաբույլերում հավաքված սպիտակ հոտավետ չորսանդամ մանր ծաղիկները կազմում են մի քանի կիսահովանոցներ։ Կարճ խողովակով սպիտակ ձագարաձև պսակն ունի բութ գագաթներով չորս երկարավուն բլթակ։ Խիտ փայլուն, կեռիկանման մազիկներով պատված չոր պտուղները բաժանված են երկու կեսի[1]։

Տարածվածություն[խմբագրել | խմբագրել կոդը]

Աճում է ստորին և միջին լեռնային գոտիների ստվերաշատ սաղարթավոր (հաճախ հաճարենու և կաղնու) անտառներում։ Բազմանում է կոճղարմատների ընձյուղներով։ Հանդիպում է Լոռու, Տավուշի, Արագածոտնի, Վայոց ձորի և Սյունիքի մարզերում։ Լավ մեղրատու և թունավոր բույս է[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են բույսի վերգետնյա մասը, որը հավաքում են ծաղկման վերջում և ծաղկելուց հետո։ Բոված սերմերից պատրաստում են սուրճին փոխարինող ըմպելիք[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689