Գեորգ Մուխե
Գեորգ Մուխե գերմ.՝ Georg Muche | |
|---|---|
 | |
| Ծնվել է | մայիսի 8, 1895[1][2][3][…] |
| Ծննդավայր | Քվերֆուրտ, Քվերֆուրտ, Պրուսիա[4] |
| Վախճանվել է | մարտի 26, 1987[1][5][6][…] (91 տարեկան) |
| Մահվան վայր | Լինդաու |
| Քաղաքացիություն |  Գերմանիա[7] |
| Մասնագիտություն | նկարիչ, ճարտարապետ, համալսարանի դասախոս, լուսանկարիչ, նկարիչ-փորագրող, գծանկարիչ, գրող, տպագրիչ, ուսուցիչ և գծանկարիչ |
| Թեմաներ | գեղանկարչություն |
| Աշակերտներ | Լու Շիփեր-Բերկենկամպ |
| Ներշնչվել է | Մարկ Շագալ |
| Պարգևներ | |
 Georg Muche Վիքիպահեստում | |
Գեորգ Մուխե (գերմ.՝ Georg Muche, մայիսի 8, 1895[1][2][3][…], Քվերֆուրտ, Քվերֆուրտ, Պրուսիա[4] - մարտի 26, 1987[1][5][6][…], Լինդաու), գերմանացի նկարիչ, ճարտարապետ և գրաֆիկ։
Կյանք և ստեղծագործություն[խմբագրել | խմբագրել կոդը]
Գեորգ Մուխեն ծնվել է 1895 թվականին գերմանական Կվերֆուրտ քաղաքում։ Դեռևս պատանեկան տարիներից նա լրջորեն զբաղվել է գեղանկարչությամբ և գրաֆիկայով, կրկնօրինակել մեծ վարպետների աշխատանքները։ 17 տարեկանում Մուխեն թողել է դպրոցը` Մյունխենում գեղանկարչության մասնավոր դասեր առնելով։ 1914 թվականին նա տեղափոխվել է Բեռլին, որտեղ ընդգրկվել է Հերվարտ Վալդենի «Der Sturm» պատկերասրահը ներկայացնող նկարիչների խմբում։ 1916 թվականին Վալդենը Մաքս Էռնստի հետ կազմակերպել է երիտասարդ Մուխեի ցուցահանդեսը, որը ներկայացրել է նկարչի 22 աշխատանքները։ Չնայած նկարչական համակարգված կրթության բացակայությանը` արվեստների դպրոցը բարձր է գնահատում Մուխեի տաղանդը` 1916 թվականին նրան ընդունելով որպես դասատու։ 1917 թվականին Գեորգ Մուխեն Պաուլ Կլեեի և Ալեքսանդր Արխիպենկոյի հետ մասնակցել է «Der Sturm» պատկերասրահի ցուցահանդեսներին։
1918 թվականին նկարիչը զորակոչվում է գերմանական բանակ և մասնակցում Առաջին համաշխարհային պատերազմի վերջին մարտերին, ինչից հետո նա դառնում է երդվյալ պացիֆիստ։ 1919 թվականից հետո Մուխեն բնակություն է հաստատում Բեռլինում` դառնալով նկարիչների Նոյեմբերյան ձախ խմբի անդամ և 1927-1929 թվականներին մասնակցելով խմբի կազմակերպած ցուցահանդեսին։ 1920 թվականին Մուխեն Վալտեր Գրոպիուսի կողմից հրավիրվում է Վայմարի Բաուհաուզ դպրոց, որտեղ դասավանդում է քսիլոգրաֆիա, իսկ 1921-1927 թվականներին ղեկավարում կտավագործերի դասարանը։ 1923 թվականին Մուխեն գլխավորում է Բաուհաուզի առաջին ցուցահանդեսի կազմակերպման հանձնաժողովը։ 1925-1926 թվականներին նա ճարտարապետ Ռիխարդ Պաուլիկի հետ նախագծում է Երկաթե տունը Դեսաուում։
1927 թվականին նկարիչը վերադառնում է Բեռլին` մինչև 1930 թվականը դասավանդելով Յոհանես Իտենի մասնավոր դպրոցում. վերջինիս հետ Մուխեին կապում էին բարեկամական ու ստեղծագործական կապերը։ Բացի այդ` Իտենն ու Մուխեն մազդազնան ուսմունքի հետևորդներ էին, որը հիմնված էր զրադաշտականության արևելյան պաշտամունքի վրա։ 1931-1933 թվականներին Մուխեն եղել է Բրեսլաուի Գեղարվեստի ակադեմիայի պրոֆեսոր։ Գերմանիայում նացիոնալ-սոցիալիստների իշխանության հաստատումից հետո նկարչի արվեստը համարվել է դեգեներատիվ արվեստի դրսևորում։ Գեբելսի` 1937 թվականի հուլիսի 30-ին ընդունված որոշման համաձայն` Մուխեի 13 կտավներն առգրավվում են, իսկ դրանցից երկուսը` նույն թվականին ցուցադրվում Մյունխենում կայացած դեգեներատիվ արվեստի ցուցահանդեսին։
Մինչև 1938 թվականը Մուխեն դասավանդել է Բեռլինի Արվեստ և աշխատանք դպրոցում, զբաղվել որմնանկարչությամբ։ 1939 թվականից նա տեղափոխվում է Կրեֆելդ, որտեղ Իտենը հրավիրում է Տեքսիլ վարպետության բարձրագույն մասնագիտացված դպրոց։ Այստեղ Մուխեն հիմնում և ընդհուպ 1958 թվականը ղեկավարում է կտորի նկարչության դասարանը։ 1960 թվականին նկարիչը տեղափոխվում է Լինդաու, որտեղ վարում է նկարչի ու գրողի ստեղծագործական ազատ կյանք։
1955 թվականին Գեորգ Մուխեն մասնակցում է ժամանակակից արվեստի «documenta» ցուցահանդեսին Կասելում։ 1979 թվականին նա պարգևատրվել է Լովիս Կորինտի մրցանակով։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Georg Muche (նիդերլ.)
- ↑ 2,0 2,1 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 Luminous-Lint — 2005.
- ↑ 4,0 4,1 4,2 http://arch-pavouk.cz/index.php/architekti/1393-muche-georg
- ↑ 5,0 5,1 5,2 Structurae — Ratingen: 1998.
- ↑ 6,0 6,1 6,2 Բրոքհաուզի հանրագիտարան (գերմ.)
- ↑ Ժամանակակից արվեստի թանգարանի առցանց հավաքածու
Գրականություն[խմբագրել | խմբագրել կոդը]
- Magdalena Droste: Georg Muche, Mann, Berlin, 1980, ISBN 3-7861-1301-7
- Gisela Linder: Georg Muche: die Jahrzehnte am Bodensee, das Spätwerk, Gessler, Friedrichshafen,1983, ISBN 3-922137-20-2
- Friedegund Weidemann: Georg Muche, Staatliche Museen, Berlin, 1985
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Գեորգ Մուխե» հոդվածին։ |
| ||||||||||||||||
- Մայիսի 8 ծնունդներ
- 1895 ծնունդներ
- Մարտի 26 մահեր
- 1987 մահեր
- Անձինք այբբենական կարգով
- Նկարիչներ այբբենական կարգով
- Գերմանացի նկարիչներ
- Բաուհաուզ
- Գերմանացի ճարտարապետներ
- Գերմանացի գրաֆիկներ
- Գերմանացի լուսանկարիչներ
- Գերմանացի տպագրիչներ
- Գերմանացի մանկավարժներ
- Գերմանացի փորագրողներ
- Գերմանացի գրողներ
- Մոդեռնիստ ճարտարապետներ
- Բեռլինի գեղարվեստի ակադեմիայի անդամներ