Գեորգի Մովսեսյան

Վիքիպեդիայից՝ ազատ հանրագիտարանից
Jump to navigation Jump to search
Գեորգի Մովսեսյան
Գեորգի Մովսիսյան.jpg
Հիմնական տվյալներ
Ծնվել է օգոստոսի 2, 1945(1945-08-02)
Խարկով, Ուկրաինական ԽՍՀ, ԽՍՀՄ
Երկիր Flag of the Soviet Union.svg ԽՍՀՄ
Flag of Russia.svg Ռուսաստան
Մահացել է նոյեմբերի 7, 2011(2011-11-07)[1] (66 տարեկանում)
Մոսկվա, Ռուսաստան
Ժանրեր երգ
Մասնագիտություն կոմպոզիտոր
Շրջանավարտ Մոսկվայի Գնեսինների անվան երաժշտական ուսումնարան

Գեորգի Վիկտորի Մովսեսյան (ռուս.՝ Георгий Викторович Мовсесян, օգոստոսի 2, 1945(1945-08-02), Խարկով, Ուկրաինական ԽՍՀ, ԽՍՀՄ - նոյեմբերի 7, 2011(2011-11-07)[1], Մոսկվա, Ռուսաստան), խորհրդային հայ կոմպոզիտոր[2]: ՌԴ մշակույթի վաստակավոր գործիչ (1995 թ.)[3]: ՌԴ ժողովրդական արտիստ (2001 թ.)[4]:

Կենսագրություն[խմբագրել | խմբագրել կոդը]

Գեորգի Մովսեսյանը ծնվել է 1945 թվականին Խարկովում, դերասանի ընտանիքում: Վաղ տարիքից սկսել է նվագել ակորդեոն, Խարկովի ուսուցչի պալատում զբաղվել է երաժշտությամբ: Խորհրդային բանակում ծառայության տարիներին եղել է զինվորական նվագախմբի ակորդեոնահարը, Դավիթ Թուխմանովի հետ, ով նույնպես ծառայում էր բանակում, գրել է երաժշտություններ: 1960 թվականին Մովսեսյանը սկսել է համագործակցել «Յունոստ» («Երիտասարդություն») ռադիոկայանի հետ, սիմֆոնիկ նվագախմբի համար ստեղծել է նվագախմբային երաժշտություն, գուսանական երգեր: 1964 թվականին ավարտել է Մոսկվայի Գնեսինների անվան երաժշտական ուսումնարանի ակորդեոնի բաժինը:

Առաջին երգը՝ «Ճանապարհներ», գրվել է 1965 թվականին: 1969 թվականին եղել է «Մոսկոնցերտ» միավորման դերասան, երաժշտական արվեստանոցի սոլիստ և կոնցերտմայստեր[5][6]:

Գեորգի Մովսեսյանին մեծ հեղինակություն է բերել «Береза» երգը, որը կատարել է Աննա Գերմանը և Լև Օշանինի բանաստեղծության հիման վրա գրված «Мне доверена песня» երգը, որն առաջին անգամ բեմադրվել է «Песня-77» հեռուստատեսային երգի մրցույթի ժամանակ:

1970-ական թվականներին կոմպոզիտորն աշխատել է կոմերիտական, ​​երիտասարդական, հրապարակախոսական, քաղաքացիական երգերի ժանրում («Это говорим мы», խոսք՝ Լև Օշինինի, 1978 թ., «Добро пожаловать, Олимпиада», խոսք՝ Ռոբերտ Ռոժդեստվենսկու, 1979 թ.), գրել է զինվորական երգեր, երգեր նավաստիների, ձկնորսների, վարորդների, երկրաբանների համար:

1980-ական թվականներին հնչել են Մովսեսյանի քնարական երգերը: Այս շարքի առաջինը երգը «Проводы любви» (խոսք՝ Միխայիլ Տանիչի, 1980 թ.), կատարել է Վախթանգ Կիկաբիձեն:

Գեորգի Մովսեսյանի երգերը կատարել են արտիստներ Աննա Գերմանը, Վախթանգ Կիկաբիձեն, Իոսիֆ Կոբզոնը, Լև Լեշչենկոն, Մուսլիմ Մոգամաևը, Մայա Կրիստալինսկայան և ուրիշներ:

Գրել է նաև կինոերաժշտություններ («Տղամարդիկ և մնացած ամենը», 1986 թ., «Չեմ ուզում ամուսնանալ», 1993 թ.):

Մահը[խմբագրել | խմբագրել կոդը]

Մահացել է ինֆարկտից 2011 թվականի նոյեմբերի 7-ին[7]: Թաղված է Մոսկվայի Տրոեկուրովյան գերեզմանատանը:

Պարգևներ, մրցանակներ[խմբագրել | խմբագրել կոդը]

  • ՌԴ ժողովրդական արտիստ (2001 թ.)
  • ՌԴ մշակույթի վաստակավոր գործիչ (1995 թ.)
  • ՌԴ պատվո շքանշան (2006 թ.)[8]
  • Լենինյան կոմերտմիության մրցանակ (1983 թ., կոմերիտական, երիտասարդական երգերի համար)

Ծանոթագրություններ[խմբագրել | խմբագրել կոդը]