Գեորգիոս Պապանդրեու Կրտսեր

	Գեորգիոս Պապանդրեու Կրտսեր
Կուսակցություն՝	Համահունական սոցիալիստական շարժում, Movement of Democratic Socialists? և PASOK – Movement for Change?
Կրթություն՝	Ամհերստի քոլեջ, Լոնդոնի տնտեսության և քաղաքական գիտությունների դպրոց, Հարվարդի համալսարան, Լոնդոնի տնտեսության և քաղաքական գիտությունների դպրոց (1977), Ստոկհոլմի համալսարան, King City Secondary School? և Աթենքի քոլեջ
Մասնագիտություն՝	քաղաքական գործիչ, դիվանագետ և սոցիոլոգ
Դավանանք	Հունական ուղղափառ եկեղեցի
Ծննդյան օր	հունիսի 16, 1952 (72 տարեկան)
Ծննդավայր	Սեյնթ Փոլ, ԱՄՆ
Դինաստիա	Family Papandreou?
Քաղաքացիություն	Հունաստան և ԱՄՆ
Հայր	Անդրեաս Պապանդրեու
Մայր	Մարգարետ Չանտ-Պապանդրեու
Կայք՝	papandreou.gr
Ինքնագիր
Պարգևներ	և
George Papandreou

Գեորգիս Պապանդրեու (հուն․՝ Γεώργιος Παπανδρέου (νεότερος), հունիսի 16, 1952(1952-06-16)^[1], Սեյնթ Փոլ, ԱՄՆ), հույն պետական և քաղաքական գործիչ, 2009-2011 թվականներին եղել է Հունաստանի վարչապետ։ 2006 թվականից (վերընտրվել է 2012 թվականին) Սոցիալիստական ինտերնացիոնալի նախագահը։

Նրա հայրն ու պապը նույնպես եղել են Հունաստանի վարչապետ։

Վաղ կյանք

Ծնվել է Մինեսոտայի Սեյնթ Փոլ քաղաքում, Անդրեաս Պապանդրեուի ընտանիքում, որն այդ ժամանակ դասավանդում էր տեղական համալսարանում։ Նրա մայրը՝ Մարգարեթ Պապանդրեուն (ի ծնե Չանտ) ծագումով ամերիկացի է։ Գեորգիոս Պապանդրեուն ուսանել է Ամհերսթի քոլեջում (որտեղ նրա հանրակացարանի հարևանը եղել է Ադոնիս Սամարասը), Ստոկհոլմի համալսարանում, Լոնդոնի տնտեսագիտության և քաղաքական գիտությունների դպրոցում և Հարվարդի համալսարանում։ Հունաստանում ռազմական բռնապետության ռեժիմի անկումից հետո Պապանդրեուի ընտանիքը վերադարձել է հայրենիք, որտեղ Անդրեաս Պապանդրեուն արագ դարձել է ամենաազդեցիկ քաղաքական գործիչներից մեկը։

Քաղաքական կարիերա

Գեորգիոս Պապանդրեուն միացել է Համահունական սոցիալիստական շարժում կուսակցությանը, որը գլխավորում էր նրա հայրը։ 1984 թվականին առաջին անգամ ընտրվել է կուսակցության կենտրոնական կոմիտեի անդամ։ 1981 թվականից Գեորգիոս Պապանդրեուն մշտապես ընտրվել է Հունաստանի խորհրդարանի անդամ։ Բազմիցս եղել է կառավարությունում՝ հոր ղեկավարությամբ։ 1985 թվականին եղել է Մշակույթի նախարարության պետական քարտուղարի տեղակալ։ 1988-1989 և 1994-1996 թվականներին եղել է կրթության և կրոնական հարցերի նախարար։ 1993-1994 թվականներին՝ արտաքին գործերի նախարարի տեղակալ։

Հոր մահից հետո կարիերան շարունակել է կառավարությունում և Համահունական սոցիալիստական շարժում կուսակցությունում։ 1996-1999 թվականներին Կոնստանտինոս Սիմիտիսի առաջին կաբինետում զբաղեցրել է արտաքին գործերի նախարարի տեղակալի պաշտոնը։ 1999 թվականին ստացել է արտաքին գործերի նախարարի և միաժամանակ Սուրբ Աթոն լեռան մարզպետի պորտֆելը։ Այդ պաշտոններում մնացել է մինչև 2004 թվականը՝ սոցիալիստական կառավարության հրաժարականը։ 2004 թվականին նա զբաղեցրել է նաև Աթենքում 2004 թվականի ամառային Օլիմպիական խաղերի անցկացման համակարգման լիազոր նախարարի պաշտոնը։

2004 թվականին Գեորգիոս Պապանդրեուն ընտրվել Է Համերկրային սոցիալիստական շարժում կուսակցության նախագահ։ Նրա ղեկավարությամբ երկու անգամ անընդմեջ կուսակցությունը պարտություն է կրել՝ 2004 և 2007 թվականների համընդհանուր ընտրություններում։ 2009 թվականի հոկտեմբերի 4-ի արտահերթ ընտրությունների արդյունքներով կուսակցությունը վստահ հաղթանակ տարավ և իրավունք ստացավ ձևավորել միակուսակցական կառավարություն։

Հունաստանի վարչապետ

2009 թվականի հոկտեմբերի 6-ին Գեորգիոս Պապանդրեուն ստանձնել է երկրի նոր վարչապետի պաշտոնը։ Երդումն ընդունել է Հունաստանի ուղղափառ եկեղեցու առաջնորդ, արքեպիսկոպոս Հիերոնիմոս 2-րդը՝ Հունաստանի նախագահ Կարոլոս Պապուլիասի ներկայությամբ^[3]։

Նույն օրը հրապարակվել է նոր կառավարության կազմը, որտեղ Գեորգիոս Պապանդրեուն թողել է արտաքին գործերի նախարարի և Սուրբ Աթոն լեռան նահանգապետի պաշտոնը^[4]։

Նույն օրը հրապարակվել է նոր կառավարության կազմը, որտեղ Գեորգիոս Պապանդրեուն զբաղեցրել է արտաքին գործերի նախարարի և Սուրբ Աթոն լեռան նահանգապետի պաշտոնը։

2011 թվականի նոյեմբերի 11-ին պաշտոնապես հայտարարել է կառավարության ղեկավարի պաշտոնից իր հրաժարականի մասին^[5]։

2015 թվականի հունվարի 3-ին Պապանդրեուն մի քանի համախոհներով, լքելով Համահունական սոցիալիստական շարժում կուսակցության շարքերը, հայտարարել է «Ժողովրդավարական սոցիալիստների շարժում» նոր կուսակցության ստեղծման մասին։

Ծանոթագրություններ

Արտաքին հղումներ

Գեորգիոս Պապանդրեուի անձնական կայքէջը Արխիվացված 2009-11-26 Wayback Machine

Վիքիպահեստն ունի նյութեր, որոնք վերաբերում են «Գեորգիոս Պապանդրեու Կրտսեր» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 130)։

[_e67a0b39d3e58b8c-1] 1,0 ^1,1 Բրոքհաուզի հանրագիտարան (գերմ.)

[_327ea74e22cd141b-2] ttps://cde.gestion2.e3.pe/doc/0/0/1/5/2/152563.pdf

[3] Йоргос Папандреу принес присягу премьер-министра Греции

[4] Премьер Греции назначил правительство, оставив за собой пост главы МИД

[5] Премьер-министр Греции подал в отставку

[1]

[2]

[3]

[4]

[5]