Գեղամ Բաղդասարյան
Գեղամ Բաղդասարյան | |
---|---|
Ծնվել է | հոկտեմբերի 1, 1961 (62 տարեկան) |
Ծննդավայր | Սարդարաշեն, Խոջալուի շրջան |
Կրթություն | Արցախի պետական համալսարան |
Մասնագիտություն | քաղաքական գործիչ և լրագրող |
Գեղամ Նիկոլայի Բաղդասարյան (հոկտեմբերի 1, 1961, Սարդարաշեն, Խոջալուի շրջան), արցախցի լրագրող, հասարակական-քաղաքական գործիչ։
Կենսագրություն[խմբագրել | խմբագրել կոդը]
Գեղամ Բաղդասարյանը ծնվել է 1961 թվականի հոկտեմբերի 1-ին Ասկերանի շրջանի Սարդարաշեն գյուղում։ 1978 թվականին ավարտել է Ստեփանակերտի թիվ 7 միջնակարգ դպրոցը։ 1982 թվականին գերազանցությամբ ավարտել է Արցախի պետական համալսարանի մանկավարժական ինստիտուտի լեզվագրական բաժինը։
1982-1984 թվականներին ծառայել է ԽՍՀՄ Զինված ուժերում, այնուհետև աշխատանքի է անցել «Խորհրդային Ղարաբաղ» թերթում, որտեղ աշխատել է մինչև 1991 թվականը, նախ՝ թարգմանիչ, ապա թղթակից, հետո՝ հրապարակախոսության բաժնի վարիչ։
1991 թվականին եղել է «Արցախ» հանդեսի ավագ խմբագիր, տարբեր ժամանակահատվածներում աշխատակցել «Ամարաս» ու «Արցախյան ժամանակ» թերթերին։ 1992-1993 թվականներին եղել է Արցախի Հանրապետության առաջին գումարման Ազգային Ժողովի լրատվական ծառայության ղեկավար և Արցախի Հանրապետության նախագահի մամուլի քարտուղար։
1994 թվականին աշխատել է Արցախի հեռուստատեսությունում, ապա մինչև պատերազմի ավարտը ծառայել Արցախի Հանրապետության Պաշտպանության բանակում՝ որպես ուսումնական գնդի հրամանատարի քաղաքական գծով տեղակալ։ Նույն տարում նշանակվել է «Արցախ» թերթի գլխավոր խմբագրի պաշտոնակատար։
1995 թվականին ծառայել է Արցախի Հանրապետության Պաշտպանության բանակում։
1996 թվականին ժամանակավորապես տեղափոխվել է Ռուսաստանի Կալինինգրադի մարզ, աշխատել տեղի «Սվոբոդնայա զոնա» և «Կալինինգրադսկայա պրավդա» մարզային թերթերում։ Եղել է Մոսկվայում լույսընծայվող «Նոյես Դոյչլանդ» թերթի սեփական թղթակիցը տարածաշրջանում։
1997 թվականին հաստատվել է Երևանում, որպես թողարկու խմբագիր աշխատել «Նոյյան տապան» գործակալությունում։ Նույն տարում վերադարձել է Ստեփանակերտ, նշանակվել Տեղեկատվության ու մամուլի նորաստեղծ դեպարտամենտի պետի տեղակալ։ Աշխատակցել է «Հայաստանի Հանրապետություն» թերթին։
1998 թվականից՝ Ստեփանակերտի մամուլի ակումբի նախագահ է[1]։ 1998 թվականին նշանակվել է «Ազատ Արցախ» հանրապետական պաշտոնաթերթի գլխավոր խմբագիր։
1999 թվականին մի խումբ գործընկերների հետ հիմնադրել է «10-րդ նահանգ» հասարակական-քաղաքական թերթը, եղել նրա գլխավոր խմբագիրը։ Թերթի գործունեությունը ժամանակավոր դադարեցվելուց հետո աշխատակցել է «Հայկական ժամանակ» թերթին։ 2004-2008 թթ. խմբագրել է «Դեմո» հանրային թերթը։
2005 թվականի հունիսի 19-ին համամասնական ընտրակարգով ընտրվել է Արցախի Հանրապետության չորրորդ գումարման Ազգային Ժողովի պատգամավոր[2]։
2009 թվականից «Անալիտիկոն» վերլուծական հանդեսի գլխավոր խմբագիր է[3][4][5]։
Եղել է «Հարավային Կովկաս» լրագրողական միջազգային կազմակերպության համանախագահ, Ռուսաստանի լրագրողների միության Էքստրեմալ լրագրության կենտրոնի փորձագետ, մասնակցել տարածաշրջանային ու միջազգային մի շարք լրագրողական ու խաղաղարար ծրագրերի։
Ամուսնացած է, ունի մեկ զավակ։
Գրքեր[խմբագրել | խմբագրել կոդը]
- «Ճանապարհորդություն ի Հայս» 2000 թվական
Պարգևներ[խմբագրել | խմբագրել կոդը]
- «Մայրական երախտագիտություն» մեդալ 1997 թվական
Ծանոթագրություններ[խմբագրել | խմբագրել կոդը]
- ↑ ՄԱՄՈՒԼ․ամ. ««Արցախի իշխանությունը չի պատասխանում այդ հարցերին»․ Գեղամ Բաղդասարյան». ՄԱՄՈՒԼ․ամ. Վերցված է 2023 թ․ օգոստոսի 23-ին.
- ↑ «19 հունիսի 2005թ. | ԼՂՀ Կենտրոնական ընտրական հանձնաժողով» (ռուսերեն). Վերցված է 2023 թ․ օգոստոսի 23-ին.
- ↑ ««ԱՆԱԼԻՏԻԿՈՆ» ԱՄՍԱԳԻՐ («ՍՏԵՓԱՆԱԿԵՐՏԻ ՄԱՄՈՒԼԻ ԱԿՈՒՄԲ» հասարակական կազմակերպություն)». www.spyur.am. 23.08.2023.
- ↑ «Գեղամ Բաղդասարյան. «Արցախը դադարել է սուբյեկտ լինելուց և վերածվել է օբյեկտի»». www.7or.am. Վերցված է 2023 թ․ օգոստոսի 23-ին.
- ↑ ««Շուտով գալու է այն օրը, երբ պատերազմի սպառնալիքով մեզ բերելու են…բանակցային սեղանի շուրջ». Գեղամ Բաղդասարյան». ԳԱԼԱ. 2019 թ․ մարտի 13. Վերցված է 2023 թ․ օգոստոսի 23-ին.(չաշխատող հղում)
Արտաքին հղումներ[խմբագրել | խմբագրել կոդը]
- ՊԱՏԳԱՄԱՎՈՐՆԵՐ
- Երբ ասում ենք՝ Արցախում ապրելը հերոսություն է, այնտեղ ապրողին անելու ոչինչ չենք թողնում
- Որ ասում եք՝ միասնականություն, ամեն ինչ նկատի ունեք, բացի հասարակ մարդուց․ Գեղամ Բաղդասարյան
- Հայաստանում Արցախի ու արցախցիների նկատմամբ ատելություն չկա՛
- Իսկ ո՞ր Արցախ պիտի վերադառնան մարդիկ
- Իմ ֆասադը քո ֆասադից լավն է…
- Արժանապատվությունը անվտանգության բաղադրիչ է
- Արցախ. միջադեպերի օպերատիվ հետաքննությունը հրամայական է
- Արցախ. համավարակը համաջանք է պահանջում
- Ո՞րն է Արցախի զարգացման մոդելը
- Ո՞րն է Արցախի ապագայի մեր տեսլականը
- Լեռնային Ղարաբաղի օրինակը. Գեղամ Բաղդասարյան
- Գեղամ Բաղդասարյան
- «Իրավիճակ պիտի փոխվի նաև Արցախում». Գեղամ Բաղդասարյան