Գելապի ինստիտուտ

Վիքիպեդիայից՝ ազատ հանրագիտարանից
Գելապի ինստիտուտ
Изображение логотипа
Gallup Portrait.jpg
Տեսակբիզնես ձեռնարկություն
Հիմնադրված է1958[1][2]
ՀիմնադիրՋորջ Գէլապ
ՎայրՎաշինգտոն, Կոլումբիայի շրջան, ԱՄՆ[3][4][5][…]
ԵրկիրFlag of the United States.svg ԱՄՆ[1][2]
Արդյունաբերությունmanagement consulting? և Սոցիոլոգիական հարցում
Կայքgallup.com(անգլ.)
Commons-logo.svg Gallup Organization Վիքիպահեստում

Գելապի ինստիտուտ, հասարակական կարծիքի ամերիկյան ինստիտուտ (անգլ. ՝ American Institute of Public Opinion), ինչպես նաև հասարակական կարծիքի ուսումնասիրման այլ հաստատություններ, որոնք հիմնադրվել են պրոֆեսոր-սոցիոլոգ Ջորջ Գելապի կողմից։

Պատմություն[խմբագրել | խմբագրել կոդը]

Հիմնադրվել է 1935 թվականին, բնակչության շրջանում կանոնավոր հարցումներ է անցկացնում ներքին և արտաքին քաղաքականության խնդիրների շուրջ, օգտվում է միջազգային հեղինակությունից՝ որպես ԱՄՆ-ում և աշխարհում հասարակական կարծիքի վիճակի մասին տեղեկատվության ամենահուսալի աղբյուրներից մեկը։ Ջորջ Գելապի մահից հետո Գելապի ինստիտուտը գնել է 1969 թվականին Դոնալդ Կլիֆտոնի հիմնադրած «Selection Research» ընկերությունը, որը մասնագիտացած է հոգեբանական հետազոտությունների ոլորտում։ Տասնամյակներ շարունակ տարբեր երկրներում շարունակվում են հակամարտությունները «Gallup» ապրանքանիշի պատկանելության շուրջ։ 20-րդ դարի 30-ական թվականներին Ջորջ Գելապը հիմնադրել է ինչպես ինստիտուտը, այնպես էլ «Gallup Organization» սոցիոլոգիական հարցումների ծառայությունը։ 1947 թվականին Գելապը կազմակերպել է նաև ապրանքային շուկաների ուսումնասիրության ոլորտում մասնագիտացած ընկերությունների միջազգային ասոցիացիան՝ այն անվանելով «Gallup International»։ 1984 թվականին՝ Ջորջ Գելապի մահից հետո, սկսվել են նրա որդի Ալեք Գելապի փորձերը վիճարկել այդ ասոցիացիայի ավելի քան 50 անդամների հետ՝ «Gallup» բառն օգտագործելու համար։

Ռուսաստանում «Gallup» ապրանքանիշը հայտնի է դարձել ֆիննական «Gallup MDC OY»-ի շնորհիվ, որին 1985 թվականին Ալեք Գելապը թույլատրել Է «Gallup» բառն օգտագործել կազմակերպության անվանման մեջ։ 1991 թվականին «Gallup MDC OY»-ն այդ ապրանքային նշանը գրանցել է նաև Ռուսաստանում՝ մարքեթինգային հետազոտությունների անցկացման դասով, ինչպես նաև գրենական պիտույքների գծով։ Ավելի ուշ «Gallup MDC OY»-ն Ռուսաստանում մի քանի ընկերություն է բացել, որոնք մասնագիտացել են մարքեթինգային հետազոտությունների ոլորտում, այդ թվում՝ «Gallup Media»-ն, այժմ առաջատար է հեռուստատեսության և տպագիր մամուլի վարկանիշների ուսումնասիրության մեջ, ինչպես նաև «Gallup AdFact»-ն, որը մասնագիտացած է գովազդի ծախսերի գնահատման մեջ։ 2002 թվականին մեծությամբ երկրորդ ամերիկյան հետազոտական ընկերությունը գնել է «Gallup MDC OY» միջազգային բիզնեսը, և ընկերությունները, այդ թվում և Ռուսաստանում, սկսել են կոչվել «TNS Gallup»[6]։

2006 թվականի հոկտեմբերի 16-ին Մոսկվայի շրջանի դաշնային արբիտրաժային դատարանը մերժել է ֆիննական «TNS Gallup Oy»-ի վճռաբեկ բողոքը՝ հաստատելով «Gallup Organization»-ի իրավունքը Ռուսաստանի տարածքում գտնվող «Գելապի ինստիտուտ»-ի ապրանքային նշանի նկատմամբ[7][8]։

Ծանոթագրություններ[խմբագրել | խմբագրել կոդը]

  1. 1,0 1,1 Identifiants et Référentiels (ֆր.)ABES, 2011.
  2. 2,0 2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
  3. Google Maps — 2005.
  4. Washington Business JournalArlington County: American City Business Journals. — ISSN 0737-3147
  5. https://casestudies.uli.org/wp-content/uploads/2015/12/C032011.pdf
  6. «Гэллап против Gallup. Американский институт борется с финской компанией»։ Արխիվացված է օրիգինալից 2016-03-05-ին։ Վերցված է 2009-05-14 
  7. Американский оценщик
  8. Информация о судебном деле № Ф05-10031/03(չաշխատող հղում)

Արտաքին հղումներ[խմբագրել | խմբագրել կոդը]