Գեդի պահապանը

Վիքիպեդիայից՝ ազատ հանրագիտարանից
Գեդի պահապանը
'
Ժանր adventure anime and manga և Մեխա մանգա
Երկիր Flag of Japan.svg Ճապոնիա
Թվական 2003
Ֆիլմի թողարկում «{{{հայերեն անվանում}}}»

Gad Guard( ճապ.՝ ガドガード Գեդի պահապանը) - ճապոնական անիմե-սերիալ` արտադրված Gonzo ստուդիայի կողմից: Առաջին անգամ 26 սերիաները հեռարձակվել են Fuji Television հեռուստաալիքով` 2003 թվականի մայիսի 17-ից մինչև դեկտեմբերի 25-ը: Սերիալը լիցենզավորվել է ԱՄՆ-ի տարածքում` Geneon Entertainment ընկերության կողմից և հեռարձակվել է Anime Unleashed հեռուսաալիքով` 2005 թվականին:

Սյուժե[խմբագրել | խմբագրել կոդը]

Գործողությունները տեղի են ունենում 23-24-րդ դարերում: Մարդիկ օգտագործեցին երկրի ամբողջ ռեսուրսները և մարդկային քաղաքակրթությունը անկում ապրեց: Ներկա պահին մարդիկ ապրում են տարբեր «սեկցիաներում»: Հադզիկի Սանադա անունով մի տղա, մոր ու քրոջ հետ ապրում է Բլու սեկցիայում` Նայթ-Թաունում(գիշերային քաղաք): Այնտեղ կեսգիշերից հետո, էլեկտրաէներգիան անջատվում է, անբավարարության պատճառով: Մի անգամ տղային դիմում է մի հաճախորդ և խնդրում տեղափոխել անսովոր բեռ, որը նշանակում էր «GAD»: Արկղում եղած մեխանիզմները հնարավորություն ունեն վերափոխվելու, ռեակցիայի մեջ մտնելու օրգանական միացությունների հետ: Այսպես Հադզիկիի ձեռքը մի այսպիսի մեխանիզմ է ընկնում և նա կերպարանափոխվում է հսկայական ռոբոտի: Այսպես շատ մարդիկ ձեռք էին բերում տեխնոլոգիաներ և դրանք վերածում մարդանման մեխանիկական ռոբոտների: Սակայն եղան նաև այնպիսիները, որոնք ռոբոտներին օգտագործում էին իրենց սեփական շահի համար:

Քաղաքի մակարդակները[խմբագրել | խմբագրել կոդը]

Քաղաքը, որտեղ տեցի են ունենում գլխավոր իրադարձությունները` գտնվում է «Բլու» սեկցիայում: Քաղաքը բաժանված է 3 մակարդակի:

Ոսկե քաղաք - ամենա բարեկեցիկ մասը: Այստեղ ապրում են քաղաքի մանեահարուստ ու ունևոր խավը: Նրանք ապրում են շքեղության մեջ և հսկողության տակ են պահում էլեկտրաէներգիայի մատակարարման գործընթացը: Սերիալի կերպարները - Տակումի Կիսարագի և Այկո Մարի Հարմոնիան նրանում:

Ցերեկային քաղաք - այստեղ ապրում են միջին մակարդակի մարդիկ: Բավականին բարեկեցիք և մաքուր մակարդակ է, սակայն ոչ այնպիսին, ինչպիսին ոսկե քաղաքն է: Այստեղ միշտ էլեկտրաէներգիա կա և անց է կացվել ջրացանց: Զարգացած է նաև ստորերկրյա էլեկտրական երկաթուղին:

Գիշերային քաղաք- քաղաքի ամենաաղքատ ու մեծ մակարդակը: Այսռեց շատ կեղտոտ է և խոնավ: Շատ մարդիկ քաղցած են մնում: Հանցագործությունների մակարդակը ծայրահեղ բարձր է նրա պատճառով, որ կեսգիշերից հետո էլեկտրաէներգիան անջատում են: Եթե դրսում ինչ-որ բան թողնեն, ապա դա գտնելը համարյա անհնար է: Շատ երեխաներ եկեղեցիներում են դպրոց հաճախում ու խոնարհ սովորում, որպեսզի թեթևացնեն իրենց ծանր վիճակը: Այնտեղ ապրում են կերպարների մեծամասնությունը, այդ թվում նաև գլխավոր հերոս Հադզիկի Սանադան:

Կերպարների ցանկը[խմբագրել | խմբագրել կոդը]

Հադզիկի Սանադա - սերիալի գլխավոր հերոսը: Սանադա ընտանիքի մեծ երեխան և միակ որդին լինելով, Հատիդզուկիների առաքման ծառայությունում աշխատում է որպես առաքիչ: Նա հաճախ է բաց թողնում դասերը, սահում է սքեյթբորդով, մոպեդով և իր ընկերների հետ փողոցում հիմարություններ է անում: Նրա մայրը այրիացել է, երբ նրա հայրը` տիեզերագնաց լինելով, զոհվել է դժբախտ պատահարի արդյունքում, երբ տիեզերանավը փորձել է մեկնել տիեզերք: Այժմ Հադզիկին աշխատում է առանց հանգստանալու, որպեսզի օգնի իր մորն ու քրոջը: Իր ռոբոտը անվանվել է ի պատիվ հոր ինքնաթիռի` Կայծակ: Նա շատ արագ է շարժվում և հարմարեցված է անմիջական կռվի համար: Նաև նրա ոտքերի շարժիչները ռոբոտին հնարավորություն են տալիս շարժվել մեծ արագությամբ:

Սեյու : Քենիթի Սուդզումուրա

Կատանա- սերիալի գլխավոր անտագոնիստը: Որպես կանոն անընդհատ մրցակցում է Հադզիկիի հետ: Սակայն երբեմն կարող է դառնալ նրա համախոհը: Նա շատ սառնասիրտ է և դաժան: Նախընտրում է ապրել միայնակ և ընկերներ չունի: Բայց ավելի ուշ նրա մոտ կապվածություն է առաջանում դեպի Սայուրան: Նրա ընտանիքը մահացել է նավաբեկության ժամանակ: Կատանան գրեթե ոչնչով չի հետաքրքրվում, բացի գումարից ու քրեական աստիճանի առաջխաղացումից: Երազում է իշխել Գիշերային քաղաքին: Հադզիկիի հետ ունեցած մրցակցութայն պատճառն այն է, որ նա ոչնչացրել է Կատանայի ստեղծած երկրորդ մետաղական օպերատորը: Հաջորդ սերիաներում նա կռվում է Հադզիկիի հետ, որպեսզի ինքնահաստատվի: Նրա ռոբոտ Դերոն Կատանայի համար մեծ նշանակություն ունի: Նման է սև կմախքի: Կրակ է բաց թողնում ձախ ձեռքից: Կռվի ժամանակ իր ռոբոտին չի խնայում, դրա պատճառով հաճախ ծանրաբեռնվածությունից նա փչանում է:

Սեյու : Դզյունիտի Սուվաբե

Տակումի Կիսարագի - Ոսկե քաղաքի հարուստ տղաներից: Խառնված է արդարադատության մեջ: Նրա ծնողները դեռ մանկուց իրեն հսկայական ժառանգություն են թողել և հիմա ռոբոտի օգնությամբ նա փորձում է բացահայտել հանցագործությունները և պատժել չարագործներին, որովհետև ինչպես նա է համարում, փորձում է հասարակության համար ինչ-որ լավ բան անել: Տակումին շատ դյուրագրգիռ է և իր բարկությունը թափում է մարդկանց վրա, և վերջ ի վերջո ընկնում է վատ իրավիճակների մեջ: Մրցում է Կատանայի հետ և նրանում տեսնում իր հակապատկերը:

Սեյու : Յուկո Սատո

Արասի Սինոդզուկա - Մարտարվեստների հայտնի վարպետի աղջիկը։ Ծնունդով Ոսկե քաղաքից է։ Նա փախել է Գիշերային քաղաք և սկսել է հաճախել այն նույն կաթոլիկ դպրոցը, որտեղ հաճախում էին նայև Հադզիկին ու իր ընկերները։ Նա տանից փախել է այն պատճառով, որ մտածում էր չի կարող արդարացնել հոր հույսերը։ Այնպես ինչպես նա որդի էր ցանկանում, հիասթափվում է երբ երեխան աղջիկ է ծնվում, ու նրան տղայի անուն է տալիս։ Սկզբում նրա համար դժվար էր հարմարվել աղքատների կյանքին։ Օրինակ նրա գալուց անմիջապես հետո գողացան նրա ամբողջ իրերը։ Շուտով նա ընկերանում է դպրոցի տղաների հետ։ Որպեսզի կերակրի իրեն, աշխատում է որպես գովազդային պաստառներ փակցնող։ Ավելի ուշ սիրահարվում է Հադզիկիին, բայց նա սկզբում մերժում է նրան։ Սկզբում աղջիկը բարկացնում է նրան, բայց հետո Հադզիկին ընտելանում և սովորական է վերաբեվրում աղջկան, անգամ եթե նրա իդեալիստական հայացքները ոչ միշտ են համընկնում իր հայացքների հետ։ Սերիալի վերջում Հադզիկին և Արասին իրար սեր են խոստովանում և համբուրվում։ Նրա ռոբոտը՝ Հայատեն, կարող է թռչել և ի շնորհիվ դրա նա հաճախ է փրկում մարդկանց։ Սակայն ռոբոտը չունի հատուկ ծրագրեր մարտական գործողություններ իրականացնելու և զինված ընդհարումների ժամանակ պաշտպանվելու համար։