Գարեգին Շառոյան

Վիքիպեդիայում կան հոդվածներ Շառոյան ազգանունով այլ մարդկանց մասին։

Գարեգին Անդրանիկի Շառոյան
նոյեմբերի 11, 1953 - սեպտեմբերի 22, 1992 (38 տարեկան)
Ծննդավայր	Աշխալա, Ծալկայի շրջան, Վրացական ԽՍՀ, ԽՍՀՄ
Մահվան վայր	Վաղուհաս, Մարտակերտի շրջան, Արցախ
Քաղաքացիություն	ԽՍՀՄ, Հայաստան
Կոչում
Զորամաս	«Հատուկ գունդ» զորամիավորում
Հրամանատարն էր	«Արծիվ-մահապարտներ» հատուկ նշանակության գումարտակի 6-րդ դասակ
Պաշտոն	Դասակի հրամանատար
Մարտեր/ պատերազմներ	Հայաստանի Նոյեմբերյանի և Արցախի Մարտակերտի շրջանի Դրմբոն, Կիչան, Սրխավենդ, Վաղուհաս բնակավայրերի ինքնապաշտպանական ու ազատագրական կռիվներ
Պարգևներ

Գարեգին Անդրանիկի Շառոյան (նոյեմբերի 11, 1953, Աշխալա, Ծալկայի շրջան, Վրացական ԽՍՀ, ԽՍՀՄ - սեպտեմբերի 22, 1992, Վաղուհաս, Մարտակերտի շրջան, Արցախ), հայ ազատամարտիկ-հրամանատար, Արցախյան պատերազմի մասնակից։

Կենսագրություն

1973-1975 թվականներին ծառայել է ԽՍՀՄ ԶՈՒ-ում։ 1977 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը։ 1990-1992 թվականներին «Հատուկ գնդի» Նոյեմբերյանի վաշտի և «Արծիվ-մահապարտներ» գումարտակի 6-րդ դասակի կազմում մասնակցել է Հայաստանի Նոյեմբերյանի և Արցախի Հանրապետության Մարտակերտի շրջանի Դրմբոն, Կիչան, Սրխավենդ, Վաղուհաս բնակավայրերի ինքնապաշտպանական և ազատագրական մարտերին։ Եղել է «Արծիվ-մահապարտներ» հատուկ նշանակության գումարտակի 6-րդ դասակի հրամանատար։ Զոհվել է 1992 թվականի սեպտեմբերի 22-ին Վաղուհաս գյուղի մատույցներում։ Թաղված է Տավուշի մարզի Հաղթանակ գյուղում։

Պարգևներ

Հետմահու արժանացել է կապիտանի կոչման և պարգևատրվել ՀՀ «Մարտական խաչ» 2-րդ աստիճանի շքանշանով

Գրականություն

• Գ. Ջանիկյան (կազմող և խմբագիր), «Մահապարտները», Երևան 2002 թ.։
• Վ. Ղազարյան «Ջավախքի արծիվները Արցախի լեռներում», Երևան 2003 թ.։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։