Գանձապետ

Գանձապետ, անձ, որը պատասխանատու է կառավարության, բիզնեսի կամ այլ կազմակերպության ֆինանսական գործունեության համար։

Կառավարություն

Երկրի գանձարանն այն պետական գերատեսչությունն է, որը պատասխանատու է երկրի տնտեսության, ֆինանսների և պետական եկամուտների համար։ Գանձապետը սովորաբար գանձարանի ղեկավարն է, թեև որոշ երկրներում, օրինակ՝ Միացյալ Թագավորությունում կամ Միացյալ Նահանգներում, գանձարանը ենթարկվում է ֆինանսների նախարարին, կամ գանձապետարանի կանցլերին։

Ավստրալիաում գանձապետը բարձրաստիճան նախարար է և սովորաբար կառավարության երկրորդ կամ երրորդ կարևորությամբ անդամը՝ վարչապետից և փոխվարչապետից հետո։ Ավստրալիայի յուրաքանչյուր նահանգ և ինքնակառավարվող տարածք նույնպես ունի իր գանձապետը։

1867-ից մինչև 1993 թվականը Օնտարիո նահանգի ֆինանսների նախարարը կոչվել է Օնտարիոյի գանձապետ։

Սկզբնապես այդ բառը վերաբերվել է ազնվականի գանձերի պատասխանատու անձին, սակայն ժամանակի ընթացքում այն ստացել է ավելի լայն կիրառություն։ Անգլիաում 17-րդ դարում մի քանի անգամ օգտագործվել է «Լորդ գերագույն գանձապետի» պաշտոնը՝ որպես թագի երրորդ բարձրագույն պաշտոնյա։ Այժմ «Գանձապետարանի առաջին լորդ» տիտղոսը պաշտոնապես պատկանում է բրիտանական վարչապետին։

Կորպորատիվ գանձապետներ

Ընկերություններում գանձապետը կորպորատիվ գանձապետարանի բաժնի ղեկավարն է։ Նա սովորաբար պատասխանատու է հետևյալ գործառույթների համար՝ իրացվելիության ռիսկի կառավարում, կանխիկի կառավարում, պարտքի թողարկում և կապիտալի կառուցվածք (ներառյալ բաժնետոմսերի թողարկումը և հետգնումը), արտարժույթով արտահայտված միջընկերությունների գործարքների կառավարում, տոկոսադրույքի ռիսկի հեջավորում և արժութային վերլուծություն, արժեթղթավորում, կենսաթոշակային ներդրումների կառավարման վերահսկողություն: Նրանք նաև սովորաբար խորհրդատվություն են տրամադրում կորպորացիային կորպորատիվ ֆինանսներին վերաբերող հարցերի վերաբերյալ: Նրանք կարող են նաև վերահսկողություն ունենալ այլ ոլորտների վրա, ինչպիսիք են ապահովագրության գնումը^[1]:

Կամավորական կազմակերպություններում

Շատ կամավորական կազմակերպություններում, հատկապես ոչ շահույթային կազմակերպություններում, օրինակ՝ բարեգործական հիմնադրամներում կամ թատրոններում, նշանակվում է գանձապետ նրան, որը պատասխանատու է կազմակերպության ֆինանսական միջոցների պահպանման և կառավարման համար։

Նրա գործառույթները կարող են ներառել՝ կազմակերպության «գանձարանի» պահպանություն՝ եկամուտների ապահովման միջոցով (օրինակ՝ ապրանքի գնագոյացում, հովանավորների ներգրավում կամ դրամահավաք միջոցառումների կազմակերպում), մասնակցություն կամ վերահսկում ծախսերի կատարմանը՝ երբեմն ուղղակիորեն հաստատելով կամ թույլատրելով ծախսերը, ապահովել, որ կազմակերպությունը ունենա բավարար ֆինանսական միջոցներ իր նպատակներն իրականացնելու համար և չգերազանցի բյուջեն, ներկայացնել ֆինանսական հաշվետվություններ խորհրդի նիստերին կամ ընդհանուր ժողովներին՝ ֆինանսական վիճակի թափանցիկությունը ապահովելու համար, վարել ճշգրիտ հաշվառում և պահպանել բոլոր փաստաթղթերը այնպես, որ ապահովվի բոլոր գործարքների հստակ աուդիտային հետագիծ^[2]^[3]։

Գրականություն

National Association of Parliamentarians®, Education Committee (1993). Spotlight on You the Treasurer. Independence, MO: National Association of Parliamentarians®. ISBN 1-884048-26-9.
Treasury Management International, The Functions of a Corporate Treasury, Dr Heinrich Degenhart, Verband Deutscher Treasurer e.V.

Ծանոթագրություններ

↑ Treasury Management: How Top Corporations Optimize Liquidity and Financial Risk
↑ Robert, Henry M.; և այլք: (2011). Robert's Rules of Order Newly Revised (11th ed.). Philadelphia, PA: Da Capo Press. էջեր 461, 477–480. ISBN 978-0-306-82020-5.
↑ Robert III, Henry M.; և այլք: (2011). Robert's Rules of Order Newly Revised In Brief (2nd ed.). Philadelphia, PA: Da Capo Press. էջեր 153–155. ISBN 978-0-306-82019-9.

Արտաքին հղումներ

[1] Treasury Management: How Top Corporations Optimize Liquidity and Financial Risk

[2] Robert, Henry M.; և այլք: (2011). Robert's Rules of Order Newly Revised (11th ed.). Philadelphia, PA: Da Capo Press. էջեր 461, 477–480. ISBN 978-0-306-82020-5.

[3] Robert III, Henry M.; և այլք: (2011). Robert's Rules of Order Newly Revised In Brief (2nd ed.). Philadelphia, PA: Da Capo Press. էջեր 153–155. ISBN 978-0-306-82019-9.

[1]

[2]

[3]