Գայանե Չիլոյան
Գայանե Չիլոյան | |
---|---|
Ծնվել է | սեպտեմբերի 27, 2000[1] (23 տարեկան) |
Ծննդավայր | Երևան, Հայաստան |
Քաղաքացիություն | Հայաստան |
Մասնագիտություն | թեթևատլետ |
Գայանե Չիլոյան (սեպտեմբերի 27, 2000[1], Երևան, Հայաստան), հայ թեթևատլետուհի, կարճ տարածության (սպրինտ) վազորդ, Հայաստանի աթլետիկայի հավաքականի անդամ, ազգային առաջնությունների հաղթող և մեդալակիր, մի քանի սպրինտային մարզաձևերում Հայաստանի գործող ռեկորդակիր, Ռիո դե Ժանեյրոյի ամառային Օլիմպիական խաղերի մասնակից։
Կենսագրություն[խմբագրել | խմբագրել կոդը]
Գայանե Չիլոյանը ծնվել է 2000 թվականի սեպտեմբերի 27-ին Երևան քաղաքում։ 10 տարեկանից սկսել է զբաղվել թեթև ատլետիկայով[2]։
Կարճ տարածության վազքում առաջին լուրջ հաջողությանը հասել է 2016 թվականին՝ 15 տարեկանում, երբ Արտաշատում Հայաստանի առաջնության ժամանակ սահմանել է իր անձնական ռեկորդները 100 և 200 մետր տարածություններում՝ համապատասխանաբար 11,54 վայրկյան և 23,16 վայրկյան։ Լրացրել է օլիմպիական խաղերին մասնակցելու նորմատիվը, դարձել Հայաստանի հավաքականի անդամ և ձեռք բերել Ռիո դե Ժանեյրոյի ուղեգիր։ Օլիմպիադայի մեկնարկին չի կարողացել հաղթահարել որակավորման փուլը և դուրս է մնացել[3]։
Դարձել է Հայաստանի պատմության մեջ Օլիմպիական խաղերի ամենաերիտասարդ մասնակիցը[4]։
Ռիոյի օլիմպիադայից հետո Չիլոյանը մնացել է Հայաստանի թեթև ատլետիկայի հավաքականի կազմում և մասնակցել միջազգային մրցաշարերի։ 2017 թվականին Ստամբուլում տեղի ունեցած Բալկանյանը երկրների երիտասարդների առաջնությունում Գայանե Չիլոյանը 100 մետր վազքում գրանցել է 12.28 վայրկյան արդյունք և զբաղեցրել առաջին տեղը[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 World Athletics database
- ↑ ««Дорога к Рио». Легкоатлетка Гаяне Чилоян». Олимпийский комитет Армении. 2016 թ․ հուլիսի 14. Վերցված է 2020 թ․ հոկտեմբերի 14-ին.
- ↑ Гоар Налбандян (2016 թ․ հունիսի 21). «Гаяне Чилоян: Я не рассчитывала на олимпийскую путевку». sport.mediamax.am. Վերցված է 2020 թ․ հոկտեմբերի 14-ին.
- ↑ «Гаяне Чилоян: Я не рассчитывала на олимпийскую путевку». sport.mediamax.am (անգլերեն). Վերցված է 2021 թ․ օգոստոսի 27-ին.
- ↑ «Աթլետ Գայանե Չիլոյանը հաղթել է Բալկանյան երկրների առաջնությունում». armenpress.am. Վերցված է 2021 թ․ օգոստոսի 27-ին.
Արտաքին հղումներ[խմբագրել | խմբագրել կոդը]
- ATHLETE NAME Gayane CHILOYAN
- Gajane Tschilojan Արխիվացված 2020-04-18 Wayback Machine bei sports-reference.com (englisch)
- Vorstellung von Gajane Tschilojan auf der Website des Nationales Olympisches Komitee Armeniens|Nationalen Olympischen Komitees Armeniens (armenisch)
|