Գալիլեյի թանգարան

Վիքիպեդիայից՝ ազատ հանրագիտարանից
Jump to navigation Jump to search
Գալիլեյի թանգարան
Palazzo Castellani esterno.jpg
Տեսակթանգարան, գիտահետազոտական ինստիտուտ և հատուկ գրադարան
ԵրկիրFlag of Italy.svg Իտալիա[1][2]
ՏեղագրությունՖլորենցիա[1]
ՀասցեPiazza dei Giudici 1[2]50122[2]
Հիմնադրված է1930[2]
ՏնօրենPaolo Galluzzi?
Կայքmuseogalileo.it(իտալ.)

Գալիլեյի թանգարան (իտալ.՝ Istituto e Museo di Storia della Scienza), նախկին ինստիտուտ և գիտության պատմության թանգարան, գտնվում է Իտալիայում՝ Ֆլորենցիա: Տեղակայված է XI դարի Կատելլանի հին պալատում: Թանգարանին է պատկանում աշխարհի ամենակարևոր գիտական գործիքների հավաքածուներից մեկը, որոնք ապացուցում են Լոթարինգների և Մեդիչիների կապը գիտության հետ: Ինստիտուտը և գիտության պատմության թանգարանը, որն արդեն անվանափոխվել է Գալիլեո Գալիլեյի թանգարանի, նորից բացվել է 2010 թվականի հունիսի 10-ին:

Մեդիչիների հավաքածու[խմբագրել | խմբագրել կոդը]

Թանգարանի առաջին հարկում է գտնվում Մեդիչիների հավաքածուն՝ թվագրված XV-XVIII դարերով: Մշտական ցուցադրությունը ներառում է Գալիլեո Գալիլեյի արվեստի բոլոր գործերը, որոնց մեջ են մտնում 2 աստղադիտակներ, ջերմաչափեր, որոնք օգտագործել են Չիմենտո ակադեմիայի անդամները և երկրի ու երկնքի գլոբուսների արտակարգ հավաքածուներ՝ ներառված ահռելի Արմիլլյարային ոլորտով,որը մշակված և կառուցված էր Անտոնիո Սանտուչչիի կողմից (Antonio Santucci):

Լոթարինգների հավաքածու[խմբագրել | խմբագրել կոդը]

Թանգարանի երկրորդ հարկում է գտնվում Լոթարինգյան դինաստիայի (XVIII-XIX դարեր) կողմից հավաքված գործիքները և փորձառական սարքերը, որոնք մատնացույց են անում Տոսկանայի նշանակալից ներդրումը և ընդհանրապես Իտալիայում էլեկտրականության, էլեկտրամագնետիզմի և քիմիայի զարգացմանը: Ցուցադրությունում ներկայացված են նաև մանկաբարձական մոմե մոդելները՝ Սանտա Մարիա Նուովա հիվանդանոցից, Մեծն դուքս Պյոտր Լեոպոլդի քիմիայի աշխատասենյակը և եզակի մեքենաներ, որոնք պատրաստված էին Բնական Բնության թանգարանի վարպետանոցում՝ հաստատուն ֆիզիկական օրենքների պատկերազարդման համար:

Պատկերասրահ[խմբագրել | խմբագրել կոդը]

Գրադարան[խմբագրել | խմբագրել կոդը]

Գրադարանում գտնվում է մոտավորապես 150 հազար գիտա-պատմական աշխատանքներ: Գրքերի հին հավաքածուները պարունակում է 5000 նմուշ: Այն իր մեջ է ներառում Մեդիչիներ-Լոթարինգներ հավաքածուն՝ հարուստ Ֆիզիկայի և Մաթեմատիկայի գիտական աշխատանքների գրքերով, որոնք հավաքվել էին 5 դարերի ընթացքում՝ Տոսկանական դինաստիաների կողմից: Գրադարանում է գտնվում 18-20-րդ դարերի արխիվային հավաքածուները, ինչպես նաև թանգարանի հավաքածուների պատմության, հնագույն գործիքների և գիտական հետաքրքիր վայրերի ֆոտոարխիվը: Ժամանակակից հավաքածուն ներառում է իտալերեն և այլ եվրոպական լեզուների գործեր, և տարեկան ձեռք է բերում մոտավոր 1800 նոր գրքեր: Գրադարանի բոլոր նյութերը կարելի է գտնել էլեկտրոնային կատալոգում:

Մուլտիմեդիա լաբորատորիա[խմբագրել | խմբագրել կոդը]

Գալիլեյի թանգարանը հիմնել է իր մուլտիմեդիային լաբորատորիան 1991 թվականին: Լաբորատորիան արտադրում է օնլայն և օֆլայն ինտերակտիվ հավելվածներ, որպեսզի բարձրացնի թանգարանի մշտական և ժամանակավոր ցուցադրությունների մասին տեղեկությունը: Լաբորատորիան միաժամանակ ստեղծում է նաև թվային արխիվներ գիտա-պատմական հետազոտությունների համար:

Ծանոթագրություններ[խմբագրել | խմբագրել կոդը]

  1. 1,0 1,1 dati.beniculturali.it — 2014.
  2. 2,0 2,1 2,2 2,3 http://www301.regione.toscana.it/bancadati/sistemacultura/index.xml — 2018.

Արտաքին հղումներ[խմբագրել | խմբագրել կոդը]

Museo Galileo