Գազախի շրջան

Գազախի շրջան; ադրբ.՝ Qazax rayonu
Երկիր	Ադրբեջան
Կարգավիճակ	Ադրբեջանի շրջան
Մտնում է	Ադրբեջան
Ներառում է	22 մունիցիպալիտետ
Վարչկենտրոն	Գազախ
ԲԾՄ	396 մետր
Բնակչություն (2005)	85 569
Տարածք	701
Հիմնադրված է	օգոստոսի 8, 1930 թ.
Ժամային գոտի	UTC+4
ISO 3166-2 կոդ	AZ-QAZ
Հեռախոսային կոդ	279
Փոստային ինդեքսներ	3500
Ավտոմոբիլային կոդ	35
	qazax.az
	Գազախի շրջան Վիքիպահեստում

Գազախի շրջան (ադրբ.՝ Qazax rayonu), շրջան ներկայիս Ադրբեջանական Հանրապետության արևմտյան մասում։ Վարչական կենտրոնը Գազախ (նախկին Ղազախ) քաղաքն է։

Այժմ Գազախի, ինչպես նաև հարևան Աղստևի շրջանները բնակեցված են ղարափափաղների ցեղախմբով, որոնք այժմ համարվում են ադրբեջանցիների ենթախումբ^[1]։

Պատմական ակնարկ

Ներկայիս Գազախի շրջանը կազմում է պատմական Մեծ Հայքի Ուտիք աշխարհի արևմտյան մասը, իսկ այսօրյա Գազախ քաղաքը պատմական հայկական Խաղխաղ քաղաքն է։ Ժամանակին այդ քաղաքում կար մի քանի հայկական եկեղեցի, որոնք այժմ կամ լիովին, կամ մասամբ ավերված են ադրբեջանցիների կողմից։ Միջին դարերում (10-11-րդ դարեր) Գազախի շրջանի տարածքը մաս էր կազմում հայոց Վահրամյանների Գագի իշխանության մասը։ Գազախի շրջանում կիսաավերված վիճակում պահպանվել են իշխանանիստ Գագ ամրոցի ավերակները Գագա Սուրբ Սարգիս վանքով (ադրբեջանցիները այն կեղծում և ներկայացնում են իբրև "աղվանական" հուշարձան, թեև 10-11-րդ դարերում Ալբանիա-Աղվանքը վաղուց ավարտել էր իր գոյությունը), Գավազան (Գավարծին) բերդը, բազմաթիվ խաչքարեր և այլ հայկական հուշարձաններ։