Գագիկ Թադևոսյան

Գագիկ Թադևոսյան;
Ծնվել է	հունիսի 29, 1950
Ծննդավայր	Երևան, Հայկական ԽՍՀ, ԽՍՀՄ
Մահացել է	հունվարի 13, 2024 (73 տարեկան)
Քաղաքացիություն	Հայաստան
Կրթություն	ՀԱՊՀ
Գիտական աստիճան	տեխնիկական գիտությունների թեկնածու
Մասնագիտություն	ճարտարագետ և քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	ԽՄԿԿ
Պարգևներ և ; մրցանակներ

Վիքիպեդիայում կան հոդվածներ Թադևոսյան ազգանունով այլ մարդկանց մասին։

Գագիկ Աղասու Թադևոսյան (հունիսի 29, 1950(1950-06-29), Երևան, Հայկական ԽՍՀ, ԽՍՀՄ - հունվարի 13, 2024(2024-01-13)^[1]), ՀՀ պետական և քաղաքական գործիչ, ՀՀ տրանսպորտի և կապի նախարարի տեղակալ։

Կրթություն[խմբագրել | խմբագրել կոդը]

1967-1973 թվականներին սովորել և ավարտել է Երևանի Կ. Մարքսի անվան պոլիտեխնիկական ինստիտուտի էներգետիկայի ֆակուլտետը՝ «էլեկտրական կայաններ» մասնագիտացմամբ, ինժեներ-էլեկտրիկ որակավորմամբ։
2001-2003 թվականներին՝ Երևանի ճարտարապետության և շինարարության պետական համալսարանի հայցորդ։ Տեխնիկական գիտությունների թեկնածու «Երկրաբնապահպանություն» մասնագիտությամբ (2003)։

Աշխատանքային գործունեությունը[խմբագրել | խմբագրել կոդը]

1973-1985 թվականներին եղել է ՀԼԿԵՄ Կենտրոնական կոմիտեի սեկտորի վարիչ, ապա՝ բաժնի վարիչի տեղակալ, հանրապետական ուսանողական ջոկատի ղեկավար։
1985-1995 թվականներին աշխատել է «Երևանշին» շինմոնտաժային միավորումում որպես կուսակցական կոմիտեի քարտուղարի տեղակալ, քարտուղար, ապա՝ մեխանիզացիայի, էներգետիկայի և տրանսպորտի վարչության պետ։
1995-1997 թվականներին՝ «Հայաստան-շինարար» ԲԲԸ գլխավոր տնօրենի տեղակալ։
1997-1999 թվականներին՝ «Երևանշին» ԲԲԸ խորհրդի նախագահ։
2003-2011 թվականներին՝ «Երևանշին» ԲԲԸ գլխավոր տնօրենի խորհրդական։
2004-2007 թվականներին եղել է Հայաստանի պետական ճարտարագիտական համալսարանի օրգանական սինթեզի և ճարտարագիտական բնապահպանության դեպարտամենտի ասիստենտ, այնուհետև՝ դասախոս։
2013 թվականից Երևանի Հյուսիսային համալսարանի դասախոս։

Պետական և քաղաքական գործունեությունը[խմբագրել | խմբագրել կոդը]

1974-1991 թվականներին եղել է ԽՄԿԿ անդամ։
1991-1994 թվականներին՝ ՀԿԿ Կենտրոնական կոմիտեի բյուրոյի անդամ։
1994-2003 թվականներին՝ ՀԿԿ Կենտրոնական կոմիտեի քարտուղար։
1995 թվականի հուլիսի 5-ին ընտրվել է ՀՀ Ազգային ժողովի 1-ին գումարման պատգամավոր Հայաստանի կոմունիստական կուսակցության համամասնական ընտրացուցակով։ ՀԿԿ խմբակցության քարտուղար։ ԱԺ գիտության, կրթության, մշակույթի և երիտասարդության հարցերի մշտական հանձնաժողովի անդամ։
1999 թվականի մայիսի 30-ին ընտրվել է ՀՀ Ազգային ժողովի 2-րդ գումարման պատգամավոր Հայաստանի կոմունիստական կուսակցության համամասնական ընտրացուցակով։ 1999 թվականի հունիսի 11-ին ընտրվել է ՀՀ Ազգային ժողովի սոցիալական, առողջապահության և բնության պահպանության հարցերի մշտական հանձնաժողովի նախագահ։ ՀԿԿ խմբակցության անդամ։
2003 թվականին հեռացել է Հայաստանի կոմունիստական կուսակցությունից և անդամակցել է «Ազգային միաբանություն» կուսակցությանը։
2003 թվականից «Ազգային միաբանություն» կուսակցության փոխնախագահն է։
2014 թվականի օգոստոսի 5-ին ՀՀ վարչապետի որոշմամբ նշանակվել է Հայաստանի տրանսպորտի և կապի նախարարի տեղակալ^[2]։

Պարգևներ[խմբագրել | խմբագրել կոդը]

«Պատվո նշան» շքանշան (1981)։

Ամուսնացած է, ունի երեք դուստր։

Նախորդող
-

ՀՀ Ազգային ժողովի սոցիալական, առողջապահության և բնության պահպանության հարցերի մշտական հանձնաժողովի նախագահ
Գագիկ Թադևոսյան
11 հունիսի 1999 թ. - 12 հունիսի 2003 թ.

Հաջորդող
Գագիկ Մխեյան

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Մահացել է ՀՀ պետական և քաղաքական գործիչ Գագիկ Թադևոսյանը
↑ «ԳԱԳԻԿ ԹԱԴԵՎՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ և ԿԱՊԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ մայիսի 15-ին. Վերցված է 2016 թ․ հունվարի 6-ին.

[_7c02a177486210c4-1] 1,0 ^1,1 ^1,2 Մահացել է ՀՀ պետական և քաղաքական գործիչ Գագիկ Թադևոսյանը

[2] «ԳԱԳԻԿ ԹԱԴԵՎՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ և ԿԱՊԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ մայիսի 15-ին. Վերցված է 2016 թ․ հունվարի 6-ին.

[1]

[2]