Գաբրիել Յուրկիչ

Գաբրիել Յուրկիչ; բոս․՝ Gabrijel Jurkić
Ծնվել է	մարտի 24, 1886[…]
Ծննդավայր	Լիվնո, Austro-Hungarian rule in Bosnia and Herzegovina
Վախճանվել է	փետրվարի 25, 1974[…] (87 տարեկան)
Մահվան վայր	Լիվնո, Բոսնիա և Հերցեգովինա
Մասնագիտություն	նկարիչ և վիզուալ արտիստ
Թեմաներ	Կերպարվեստ

Գաբրիել Յուրկիչ (խորվ.՝ Gabrijel Jurkić. մարտի 24, 1886(1886-03-24)^[1]^[2]^[3]^[…], Լիվնո, Austro-Hungarian rule in Bosnia and Herzegovina - փետրվարի 25, 1974(1974-02-25)^[1]^[2]^[3]^[…], Լիվնո, Բոսնիա և Հերցեգովինա), բոսնիացի նկարիչ^[5]։

Կենսագրություն[խմբագրել | խմբագրել կոդը]

Ծնվել է 1886 թվականի մարտի 24-ին Լիվնոյում։ Ծննդավայրում տարրական դպրոցն ավարտելուց հետո հաճախել է առևտրական դպրոց։ 1902-1905 թվականներին սովորել է Սարաևոյի միջնակարգ տեխնիկական դպրոցի շինարարական ֆակուլտետում^[5], 1907-1908 թվականներին ուսանել Զագրեբի արվեստների ու արհեստների ժամանակավոր դպրոցում, 1908-1909 թվականներին՝ Վիեննայի գեղարվեստի ակադեմիայում, որտեղ Յուրկիչին միանգամից փոխադրել են կերպարվեստի ընդհանուր ֆակուլտետի չորրորդ կուրս։ 1909-1911 թվականներին հաճախել է Կազիմիր Պոխվալսկու հատուկ դասընթացներին, խորացել Բոսնիայի արվեստագիտության պատմության մեջ։ Վերադարձել է Սարաևո, որտեղ էլ 1911 թվականին կազմակերպվել է նրա առաջին անհատական ցուցահանդեսը։ Մոտ կես դար Սարաևոյում ապրելուց ու ստեղծագործելուց հետո կնոջ՝ կաթոլիկ ճանաչված գրող Շտեֆանյայի հետ տեղափոխվել է հայրենի Լիվնո, աշխատել Գորիցեի ֆրանցիսկյան վանքի համեստ արվեստանոցում^[5]։ Այդ վանքին էլ կտակել է իր աշխատանքները։

Ստեղծագործություններ[խմբագրել | խմբագրել կոդը]

Սկզբից ևեթ Յուրկիչի կտավները ներթափանցված են եղել հեզությամբ ու քնարականությամբ։ Նրան բնութագրել են որպես 1911—1921 թվականների ականավոր դեմքերից մեկի։ Այդ ժամանակաշրջանում նա վրձնել է ռոմանտիկ ոգեշնչումով հագեցած բնապատկերներ։ Ապա ստեղծել է հիանալի դիմանկարներ, որոնցում կարողացել է վարպետորեն արտացոլել իր հերոսների ներաշխարհը։ 20-ական թվականներից Յուրկիչն ազատվել է ակադեմիական կողմնորոշումից, անցում կատարել իմպրեսիոնիզմին, կիրառել պուանտիլիստական տեխնիկան և իր կտավներն ավելի շատ ողողել լույսով։

Հիշատակ[խմբագրել | խմբագրել կոդը]

Լիվնոյում կա Յուրկիչի ստեղծագործությանը նվիրված պատկերասրահ, իսկ նրա լուսանկարներն էլ ներկայացված են Զագրեբի ժամանակակից արվեստի թանգարանում։
1993 թվականին թողարկվել է Գաբրիել Յուրկիչի դիմապատկերով փոստային դրոշմանիշ։
Խորվաթ արվեստի պատմաբան Իվանկա Ռեբերսը գրել է Յուրկիչի կյանքի ու ստեղծագործության լուսաբանմանը նվիրված մենագրություն^[6]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Hrvatski biografski leksikon (хорв.) — 1983.
↑ ^3,0 ^3,1 ^3,2 ^3,3 ^3,4 Proleksis enciklopedija, Opća i nacionalna enciklopedija (хорв.) — 2009.
↑ Չեխիայի ազգային գրադարանի կատալոգ
↑ ^5,0 ^5,1 ^5,2 Lončarević, Vladimir. 2016. Gabrijel Jukić — slikar Božje ljubavi. Glas koncila (print edition). 2016-03/04. Nr. 14 (2016.), p. 21
↑ «Institut za povijest umjetnosti». Արխիվացված է օրիգինալից 29. studenoga 2013.-ին. Վերցված է 28 марта 2012.-ին.

Արտաքին հղումներ[խմբագրել | խմբագրել կոդը]

Galerija Kaptol Արխիվացված 2007-05-17 Wayback Machine
Galerija Mona Lisa Արխիվացված 2006-06-14 Wayback Machine
Matica Hrvatska – Članak u Vijencu, 2005.

[_7fc9ed6b89e22118-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_77a1e8f3579c9114-2] 2,0 ^2,1 ^2,2 ^2,3 ^2,4 Hrvatski biografski leksikon (хорв.) — 1983.

[_aed53f2e18129415-3] 3,0 ^3,1 ^3,2 ^3,3 ^3,4 Proleksis enciklopedija, Opća i nacionalna enciklopedija (хорв.) — 2009.

[_c45c8cd7e251a9d3-4] Չեխիայի ազգային գրադարանի կատալոգ

[gk-5] 5,0 ^5,1 ^5,2 Lončarević, Vladimir. 2016. Gabrijel Jukić — slikar Božje ljubavi. Glas koncila (print edition). 2016-03/04. Nr. 14 (2016.), p. 21

[6] «Institut za povijest umjetnosti». Արխիվացված է օրիգինալից 29. studenoga 2013.-ին. Վերցված է 28 марта 2012.-ին.

[1]

[2]

[3]

[4]

[5]

[6]