Գաբրիել Խանոյան
| Գաբրիել Խանոյան | |
|---|---|
 | |
| Ծնվել է | 1898 |
| Ծննդավայր | Վան, Վանի վիլայեթ, Օսմանյան կայսրություն |
| Մահացել է | 1982 |
| Մահվան վայր | Երևան, Հայկական ԽՍՀ, ԽՍՀՄ |
| Մասնագիտություն | լուսանկարիչ |
 Gabriel Khanoyan Վիքիպահեստում | |
Գաբրիել Հովհաննեսի Խանոյան (1898, Վան, Վանի վիլայեթ, Օսմանյան կայսրություն - 1982, Երևան, Հայկական ԽՍՀ, ԽՍՀՄ), հայ լուսանկարիչ։
Կենսագրություն[խմբագրել | խմբագրել կոդը]
Գաբրիել Խանոյանը ծնվել է 1898 թվականին Վանում։ Սովորել է Վարագա վանքին կից դպրոցում։ Մինչև 1915 թվականն ապրել է Վանի Այգեստան թաղամասում։ 1915 թվականին մասնակցել է Վանի ինքնապաշտպանությանը[1]։
Խանոյանների ընտանիքը գաղթել է Ռուսաստան, որտեղ Գաբրիելը մասնագիտացել է լուսանկարչության մեջ, աշակերտել լուսանկարիչ Բրաուդին։ 1934 թվականին Խանոյանների ընտանիքը հաստատվել է Երևանում։ 1937 թվականին Սպայի տանը բացվել է Խանոյանի լուսանկարչատունը[2][3][4], որի ֆոտոշարքերը համալրել են հայ մշակույթի ականավոր գործիչների դիմանկարները՝ Ավետիք Իսահակյանի, Վահրամ Փափազյանի, Հրաչյա Ներսիսյանի, Ավետ Ավետիսյանի, Դավիթ Մալյանի, Արամ Խաչատրյանի, Հովհաննես Շիրազի, Պարույր Սևակի։ Խանոյանն աշխատել է թատրոնում, եղել է նաև վավերագրական լուսանկարիչ[1]։
Խանոյանի ստեղծած լուսանկարներն ունեն պատմական նշանակություն, քանի որ ներկայացնում են 1930-1970-ական թվականների Խորհրդային Հայաստանի կյանքին առնչվող կարևորագույն դեպքեր[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Վահան Քոչար, «Հայ լուսանկարիչներ», Երևան, Հեղինակային հրատարակություն, 2007
- ↑ «Khanoyan, Gabriel | Armenian Photography Foundation». lusadaran.org (անգլերեն). Վերցված է 2017 թ․ փետրվարի 10-ին.
- ↑ «Ա. Խանոյան. Իսկական լուսանկարիչը իրեն երբեք պրոֆեսիոնալ չի համարում - Այսօր` թարմ լուրեր Հայաստանից». www.aysor.am (անգլերեն). Վերցված է 2017 թ․ փետրվարի 10-ին.
- ↑ «Երևանի պատմությունը` ամենահին լուսանկարչատանը».